အချိန်တိုင်းမှာ မပြောင်းလဲတဲ့ ဘုရားသခင် ~ The Spirit Fruit

ဟေရှာယ ၄၀း၁-၁၁၊ ၂၉-၃၁"ထိုဘုရားသည် မောသောသူတို့အား ခွန်အားကို ပေးတော်မူ၏။ နွမ်းနယ်သောသူတို့အား အစွမ်းသတ္တိနှင့် ပြည့်စုံသော အခွင့်ကို ပေးတော်မူ၏။ လူပျိုတို့သည် မော၍ ပင်ပန်းခြင်းသို့ ရောက်ကြလိမ့်မည်။ လုလင်တို့သည် ထိမိ၍ လဲကြလိမ့်မည့်။ ထာဝရဘုရားကို မျှော်လင့်သောသူတို့မူကား အားပြည့်ကြလိမ့်မည်။ ရွေလင်းယုန်ကဲ့သို့ မိမိတို့အတောင်ကို အသစ်ပြုပြင်ကြလိမ့်မည်။ ပြေးသော် လည်း မပင်ပန်း။ ခရီးသွားသောအခါ မမောရကြ"။(ဟေရှာယ ၄၀း၃၀-၃၁)

ဒီကျမ်းချက်ဟာ ဘုရားသခင်နဲ့ သူရဲ့ ကျေးဇူးတော်တွေကို ပိုမိုပြတ်သားစွာ တွေ့နိုင်သောကြောင့် ဒီကျမ်းချက်ကို ဖတ်လိုက်တိုင်း ၀မ်းမြောက်ခြင်း ကို ခံစားရပါတယ်။ ဒါဟာလဣသရေလ လူမျိုးတွေ ရဲ့ယုံကြည်အားကိုးမှုမရှိတဲ့ မျက်နှာပြင်တွေပေါ်မှာ ဘုရားသ ခင်ရဲ့ ယုံကြည်အားကိုထိုက်တဲ့ အကြောင်းအရာတွေ ဖြစ်ပါတယ်။ အတ္တဆန်မှုနဲ့ သစ္စာမဲ့တဲ့ ဣသရေလလူမျိုးတွေရဲ့ မလိုမုန်းတီး မှုတွေထဲမှာ ဘုရားသခင်ရဲ့ ချစ်ခြင်းမေတ္တာတွေ ပြသနေပါတယ်။ ဒီကျမ်းပိုဒ်ကို ဖတ်ရတဲ့အခါ ဘုရားသခင်ကို မှီခိုလိုတဲ့ အခြေအ နေ တစ်စုံတစ်ရာကို တွန်းပို့နေသလို ခံစားရပါတယ်။

အခြေအနေကို စပ်ဆက် စဉ်စားကြည့်ခြင်း

ယုဒလူမျိုးတွေဟာ ဘုရားသခင်ကို အသိအမှတ်မပြုဘဲ ပစ်ပစ်ခါခါ ငြင်းပယ်ခဲ့ပြီး သူ့ရဲ့ ကျေးဇူးတော်တွေကိုလည်း မျက်ကွယ်ပြုခဲ့ ပါတယ်။ ယုဒ လူမျိုးတွေဟာ ဘုရားသခင်က လွဲပြီး အကူအညီရနိုင်မည့်နေရာတွေကို ကြည့်ရှုခဲ့ပါတယ်။ ဒါတောင်မှ ဘုရားသခင် က ကူညီခဲ့တဲ့ ဇတ်လမ်း အဖြစ်အပျက်လေး ရှိနေပါတယ်။ ဣသရေလတိုင်ပြည်ရဲ့ မြောက်ဘက်ခြမ်းဟာ အာရှုရိတွေရဲ့ လက် အောက်ကို ကျရောက်သွားခဲ့ပါတယ်။ အဲဒီ အချိန်မှာ ယုဒပြည်ကိုလည်း ထပ်မံ ခြိမ်းခြောက်ခဲ့ပါတယ်။ ဒါပေမဲ့ ဟေရှာယ ၂၂ မှာ ဖေါ်ပြထားသကဲ့သို့ ယုဒတိုင်းပြည်ဟာ အဲဒီ ညှင်းပန်းနှိပ်စက်တဲ့ လူတွေရဲ့ လက်ထဲကနေ ဘုရားသခင်က ကယ်နှုတ်ခဲ့ပါတယ်။ ဟေရှာယကျမ်းမှာ အခန်းကြီး ၁ မှစပြီး အခန်းကြီး ၃၉ အထိကြည့်ရင် ဘုရားသခင်က ယုဒလူမျိုးတွေကို အကြိမ်ကြိမ် ကယ်နှုတ်ခဲ့ တဲ့အကြောင်း ရှင်းရှင်းလင်းလင်း တွေ့ရမှာ ဖြစ်ပေမဲ့ ယုဒတွေကတော့ ဘယ်တော့မှ ကျေးဇူးတင်တယ် ဆိုတာ မရှိပါဘူး။ ယုဒ လူမျိုးတွေမှာ ဘယ်တော့မှ အောက်ကြို့တယ်၊ နှိမ့်ချတယ်ဆိုတာ မရှိပါဘူး။ ဒါကြောင့် ဘုရားသခင်က သူတို့ အပြုအမူကို အလွန် ဘဲ ရွံရှာ မုန်းတီးသွားပါတော့တယ်။ မည်မျှပင် ဘုရားသခင်က ဣသရေလကို အဘက်ဘက်က ထောက်ခံအားပေးနေလင့်ကစား ရှင်ဘုရင် ဟေဇကိကတော့ အာရှုရိ တွေကို ကြောက်ရွံ့နေဆဲပင်။ ဒီနေရာမှာ ဟေရှာယ အခန်းကြီး ၃၉ တွင် ဗာဗုလုန် ရှင်ဘုရင်၏ စေတမန်များကို သဘောကျ နှစ်ခြိုက်စေဘို့ နိုင်ငံပိုင် ဥစ္စာပစ္စည်းများကို ဂုဏ်ယူဝင့်ကြွားစွာနဲ့ ပြသခဲ့တဲ့အကြောင်း ဖတ်ရပါတယ်။ ဒါဟာ ဘာနဲ့တူသလဲဆိုရင် ဟေဇကိဘုရင်က ဗာဗုလုန်နဲ့လက်တွဲပြီး အနာဂတ်တွင် ကျရောက်နိုင်သည့် အာရှုရိနိုင်ငံ၏ မည်သည့် ညှင်းပန်းနှိပ်စက်မှုမျိုးမဆို တော်လှန် ဖယ်ရှားသွားမယ်လို့ ဆိုလိုလိုက်တာဘဲဖြစ်ပါတယ်။ ထို့နောက် ဟေရှာယ ရောက်လာပြီး ထိုသူတွေဟာ ဘယ်တိုင်း ပြည်ကလဲ၊ ဘာတွေလိုချင်လို့ ရောက်လာတာလဲ အစရှိသဖြင့် မေးမြန်းပါတယ်။ အဲဒီအခါမှာ ဟေဇကိ က အနည်းငယ် စိတ်မသက် မသာဖြစ်သွားပြီး သူတို့ဟာ ဗာဗုလုန် တိုင်းပြည်က လာတဲ့အကြောင်းနဲ့ သူတို့အားလုံးကို မြင်တွေ့ ခဲ့ပြီး ဖြစ်ကြောင်း ပြောပြလိုက် ပါတယ်။ ဟေရှာယက ဘုရားသခင်ထံက ရရှိတဲ့ နှုတ်ခပတ်တော်ကို ပြန်ပြောပြလိုက်တာကတော့ မင်းကြီးနဲ့တကွ အရှင်မင်းကြီးရဲ့ ထီးနန်းနဲ့ ဥစ္စာပစ္စည်းတွေ အားလုံး ဗာဗုလုန်သို့ သိမ်းယူခြင်း ခံရလိမ့်မယ်။ သားစဉ်မြေးဆက် လည်း အဲဒီ ဗာဗုလုန်ရဲ့ ထိမ်းသိမ်းမှုခံရမယ်လို့ ပြောလိုက်ပါတယ်။ ဒါပေမဲ့ ဟေဇကိ က ယုံကြည်မှုမရှိဘဲ သူအတွက် အားလုံး ကောင်းမွန်တဲ့ အနေအထား အခြေအနေ ရှိတဲ့ အကြောင်း ပြန်လည်ပြောဆိုခဲ့ပါတယ် (ဟေရှာ ၃၉း၈)။ ဗာဗုလုန်ကတော့ ဣသရေ လရဲ့ ကြွယ်ဝချမ်းသာမှုကို ကြည့်ပြီး ဣသရေလ တိုင်းပြည်ဟာ လွယ်ကူတဲ့ သားကောင်လို ဖြစ်နေတာကြောင့် သူ့ကို သိမ်းပိုက် လိုက်တာနဲ့ သူတို့ဟာ အလိုအလျှောက် ချမ်းသာ ကြွယ်ဝ လာမယ်ဆိုတာ ဗာဗုလုန်ဟာ ခံစား သိမြင်လိုက်ပါတော့တယ်။

ပြဿနာ
ဟေရှာယကျမ်း အခန်းကြီး ၄၀ မှ ၆၆ အထိအပိုင်းတွင် သူ့ကျွန်ဘ၀မှ လွတ်မြောက်ခါနီး အခြေအနေကို ဖော်ပြထားတာကို ဖတ်ရပါတယ်။ ယခု ဣသရေလ၏ စိတ်နှလုံးသားထဲမှာ ဖြစ်ပေါ်နေတဲ့ မေးခွန်းတခု ရှိပါတယ်။ ဘုရားသခင်ကို အစဉ်မပြက် ဆန့်ကျင်ခဲ့သူ၊ ဘုရားသခင်ရဲ့ အကူအညီနဲ့ လမ်းပြမှုတွေကို ပစ်ပစ်ခါခါငြင်းပယ်ခဲ့တဲ့သူတွေကို ဘုရားသခင် ဘယ်လိုသဘောထား သလဲဆိုတဲ့ မေးခွန်းပါဘဲ။ တကယ်တော့ ကျွန်တော်တို့လည်း အဲဒီလူတွေလိုပါဘဲ။ သင်ဘယ်လို ထင်ပါသလဲ။ ဘုရားသခင်ဟာ ကျွန်တော်တို့ကို ကယ်တင်ခြင်သေးရဲ့လား။ နောက်ပိုင်းမှာတော့ ဣသရေသ လူမျိုးတွေဟာ ကမ္ဘာအရပ်ရပ်သို့ ကွဲလွင့်သွား တဲ့အခါမှာ ဘုရားသခင်ဟာ သူ့လူမျိုးကို ကျောခိုင်းလိုက်ပြီလား၊ သူရဲ့ပဋိညာဉ်တွေကို မေ့ပစ်လိုက်ပြီလား ဆိုပြီး တွေးမိပါတယ်။ ဒီအခြေအနေကို ခံစားနေရတဲ့ ဣသရေလ အမျိုးသားတွေအတွက် ဘုရားသခင်ဟာ အနန္တတန်ခိုးရှင် မဟုတ်ဘူးပေါ့။ သမိုင်းထဲမှာ ကျွန်တော်တို့ သိနားလည်ခဲ့တဲ့ ဘုရားမျိုးမဟုတ်ဘူးပေါ့။

ဟေရှာယ၏ တုန့်ပြန်မှု
ပရောဖတ်တို့၏ ဓလေ့ထုံးစံ သဘောသဘာဝအတိုင်း ဘုရာံးသခင်ကို တရားမဲ့ပြောဆိုနေတဲ့ အသံများဟာ ဟေရှာယရဲ့ ဦးခေါင်းမှာ လာရောက်ရိုက်ခတ်ပါတော့တယ်။ အမိုက်ကစ ပြဒ်ဿမီးလောင် မဖြစ်ရလေအောင် ဟေရှာယ ပြန်လည်ချေပလိုက်တဲ့ နှုတ်ခပတ် စကားကတော့ ဟေရှာယ ၄၀း၁၂-၂၆ တွင် ဘုရားသခင်သည် ဤလောက စင်္ကြ၀ဠာကြီးကို အစိုးပိုင်သော ဘုရားဖြစ်သည့် အကြောင်း ပင်တည်း။ ဘုရားသခင်နှင့် တူညီသော ဘုရားမရှိ။ ဂီတပညာရှင်တဦးမှ တူရိယာတခုကို မြင့်လွန်းသော အသံနှင့် စူရှစွာ အော်မြည်သကဲ့သို့ ဘုရားသခင်နှင့် ပတ်သတ်ပြီ ဟေရှာယ တင်ပြလိုက်သည့် အရာသည်ကား ဘုရားသခင်၏ ကြီးမြတ် သည့်အကြောင်းနှင့် အားကိုးထိုက်သည့် အကြောင်းပင်တည်း။

ဘုရားသခင်၏ ကြီးမြတ်ခြင်း
ဟေရှာယ ၄၀း၁၂-၂၆ တွင် ဘုရားသခင်သည် ကြီးမြတ်သော ဘုရားဖြစ်ကြောင်း ဖေါ်ပြလိုက်ပါတယ်။ ဘုရားသခင်သည် အလွန် ကြီးမားပါတယ်။ နိုင်ငံတွေဟာ ခြင်းထဲမှာ ဆွဲထည့်လိုက်သလိုပါဘဲ။ လူတွေဟာ မြေမှုန့်ကလေးလောက်ဘဲ ရှိပါတယ်။ စိတ်ကူး ယဉ်ကြည့်ပါ။ တရုပ်၊ အန္ဒိယ နဲ့ အမေရိကန် ပေါင်းလိုက်ရင် လူဦးရေ ၃ ဘီလီယံလောက်ရှိပါတယ်။ ဒီလူတွေ လည်း ဘုရားသခင် ရှေ့ရောက်ရင် မြေမှုန့်ကလေးလောက်ပါဘဲ။ ဘုရားသခင်ကို စိတ်ကူးနဲ့ တွေးကြည့်လို့တောင် သိနိုင်တာမဟုတ်ပါ။ ထာဝရဘုရား၏ စိတ်ဝိညာဉ်ကို အဘယ်သူ စစ်ကြောသ နည်း။ ထာဝရဘုရားနှင့် တိုင်ပင်၍ အဘယ်သူသည် အကြံပေးသနည်း (ဟေရှာ ၄၀း၁၃)။

ထာဝရဘုရာမှာ အကြံပေးမလိုအပ်ပါ။ ဘုရားသခင်ကို မည်သည့်ထည့်စရာတခုခုနှင့်မျှ ထည့်လို့မရနိုင်ပါ။ ဟေရှာယက ဆက်လက် ပြောဆိုရာမှာ "ဘုရားသခင်ကို အ ဘယ်သို့ ပုံပြရအံ့နည်း။" လူတွေမှာ ဘုရားသခင်ကို သိနိုင်ဘို့ ခပ်ရေးရေးလေးတောင် မဖြစ်နိုင် ပါဘူး။ ဘုရားသခင်ဟာ ဖန်ဆင်း ရှင်ဖြစ်တယ်။ အရာခပ်သိမ်းကိုသိနိုင်တယ်။ သူ မစွမ်းဆောင်နိုင်တဲ့အရာဆိုတာ မရှိပါဘူး။ သူဟာ ထာဝရကာလရှိနေတဲ့ဘုရားပါ။

ဘုရားသခင်ဟာ အားကိုးထိုက်သော ဘုရား
ဟေရှာယဟာ သူပြောချင်တဲ့ ဒုတိယပိုင်းကို ဆက်လက်ပြောပါတယ်။ ဘုရားသခင်ဟာ ကျွန်တော်တို့၏ ကယ်တင်ခြင်းအတွက် အမြဲတမ်း အားကိုးရမည့်သူ ဖြစ်ပါတယ်။ ကျွန်တော်တို့ရဲ့မယုံကြည် နိုင်ခြင်းဟာ သူရဲ့ သစ္စာရှိခြင်းကို မပျက်စီးစေပါဘူး။ ဟေရှာယ ဟာ ဘုရားသခင်ရဲ့ ကတိတော်ကို ယုံကြည် သိမှတ်ထားတဲ့ အရာက "မင်းတို့ကို ပင်ပန်းတဲ့ အချိန်မှာ ခွန်အားကို ငါပေးမယ်။ မင်းတို့ အားနည်းတဲ့ အခါမှာ တန်ခိုးကို တိုးပွားစေမယ် လို့ပြောထားပါတယ်။ "ထိုဘုရားသည် မောသောသူတို့အား ခွန်အားကို ပေးတော်မူ၏။ နွမ်းနယ်သောသူတို့အား အစွမ်းသတ္တိနှင့် ပြည့်စုံသော အခွင့်ကို ပေးတော်မူ၏။ လူပျိုတို့သည် မော၍ ပင်ပန်းခြင်းသို့ ရောက်ကြလိမ့်မည်။ လုလင်တို့သည် ထိမိ၍ လဲကြလိမ့်မည့်။ ထာဝရဘုရားကို မျှော်လင့်သောသူတို့မူကား အားပြည့်ကြလိမ့်မည်။ ရွေလင်းယုန်ကဲ့သို့ မိမိတို့အတောင်ကို အသစ်ပြုပြင်ကြလိမ့်မည်။ ပြေးသော်လည်း မပင်ပန်း။ ခရီးသွားသောအခါ မမောရကြ"။ (ဟေရှာယ ၄၀း၃၀-၃၁)

ကဲ ဘယ်လောက်တောင် ကောင်းလိုက်တဲ့ ဘုရားဖြစ်သလဲ။ ဘယ်လောက်အားကိုးထိုက်တဲ့ ဘုရားဖြစ်ပါသလဲ။ ဘယ်လောက် ကောင်းလိုက်တဲ့ သတင်းဖြစ်သလဲ။ ဟေရှာယခေတ်မှာ ရှိတဲ့လူတွေအတွက် သတင်းကောင်းဖြစ်သလို ကျွန်တော်တို့ အတွက် လည်းသတင်းကောင်းဖြစ်ပါတယ်။