မှန်ကန်သောရွေးချယ်ခြင်း ~ The Spirit Fruit

အခြေပြုကျမ်း။ ။ ရှင်လုကာ ၅း၁-၁၁

တရံရောအခါ ဂင်္နေသရက်အိုင်နားမှာ ရပ်တော်မူ၍ လူများတို့သည် ဘုရားသခင်၏နှုတ်ကပတ်တော်ကို နားထောင်ခြင်းငှါ ကိုယ်တော်အနီးသို့ တိုးဝင်ကြစဉ်တွင် ကမ်းနားမှာဆိုက်သောလှေနှစ်စင်းကို မြင်တော်မူ၏။ ထိုလှေတို့တွင်ရှိမုန်၏လှေထဲသို့ ဝင်တော်မူပြီးလျှင် လှေကိုကမ်းနားမှ အနည်းငယ်ခွာဖွင့်စေခြင်းငှါ ရှိမုန်ကိုအခွင့်တောင်းတော်မူ၏။

ထိုလှေပေါ်မှာထိုင်လျက် လူများတို့ကိုဆုံးမသြဝါဒပေးတော်မူ၏။ စကားတော်ပြတ်သောအခါ၊ ရေနက်ရာအရပ်သို့ ရွေ့ဦးလော့။ ပိုက်ကွန်ကိုချ၍ ငါးကိုအုပ်စမ်းလော့ဟု ရှိမုန်အားမိန့်တော်မူ၏။ ရှိမုန်ကလည်း သခင်အကျွန်ုပ်တို့သည် တစ်ညလုံးကြိုးစားသော်လည်း တစ်ကောင်မျှမရပါ။ သို့ရာတွင် အမိန့်တော်ရှိလျှင် ပိုက်ကွန်ကိုချပါမည်ဟု လျှောက်လေ၏။ ထိုသို့ချကြပြီးလျှင်၊ အလွန်များစွာသော ငါးတို့ကို အုပ်မိသဖြင့် ပိုက်ကွန်သည်စုတ်ပြတ်စရှိ၏။ အခြားသောလှေတစ်စင်း၌ရှိသောအပေါင်းအဖော်တို့သည်လာ၍ ကူညီစေခြင်းငှါ သူတို့ကိုအမှတ်ပေးသဖြင့် သူတို့သည်လာ၍ လှေနှစ်စင်းနစ်လုမတတ်ငါးတို့နှင့်ပြည့်စေကြ၏။

ရှိမုန်ပေတရုသည်မြင်လျှင် ယေရှု၏ပုဆစ်တော်ကိုဦးတိုက်၍ သခင်အကျွန်ုပ်သည်အပြစ်များသောသူဖြစ်ပါ၏။ အကျွန်ုပ်ဆီမှ ကြွသွားတော်မူပါဟုလျှောက်လေ၏။ အဘယ့်ကြောင့်ထိုသို့လျှောက်သနည်းဟူမူကား အုပ်မိသောငါးများကိုထောက်သဖြင့် ရှိမုန်နှင့် သူ၏အပေါင်းအဖော်ဇေဗေဒဲ၏သားယာကုပ်နှင့်ယောဟန်မှစ၍ ရှိမုန်နှင့်ပါသမျှသောသူတို့သည် မိန်းမောတွေဝေခြင်းရှိကြ၏။ ယေရှုက လည်း ကြောက်ရွံ့ခြင်းမရှိကြနှင့်။ သင်သည်ယခုမှမ၍ လူကိုဖမ်းမိသောသူဖြစ်လိမ့်မည်ဟု မိန့်တော်မူ၏။ ကမ်းနားမှာလှေကိုဆိုက်ပြီးလျှင် ထိုသူတို့သည်ရှိသမျှတို့ကိုစွန့်ပစ်၍ နောက်တော်သို့လိုက်ကြ၏။

နေ့ရက်စဉ်တိုင်း ပြဿနာတွေ၊ အဆင်မပြေမှုတွေနဲ့ရုန်းကန်နေရတဲ့ ကျွန်တော်တို့ရဲ့အသက်တာအတွက် ပေတရုရဲ့အသက်တာနဲ့ ပတ်သက်ပြီးအနည်းငယ်ခွန်အားယူကြပါစို့..။

တံငါသည်ကြီးတစ်ယောက် ငါးမရတဲ့နေ့မှာ ဘုရားသခင်ရဲ့နိမိတ်လက္ခဏာကို မြင်တွေ့ရပါတယ်။ ကျွန်တော်တို့အသက်တာမှာ လည်းဘုရားသခင်ကို အခွင့်ပေးမယ်ဆိုရင် ဘုရားသခင်ပြုမယ့်နိမိတ်လက္ခဏာကို မြင်တွေ့ရမှာဖြစ်ပါတယ်။

(၁) ရက်ရောသောစိတ်

သခင်ယေရှုခရစ်တော်ဟာ ဂင်္နေသရက်အိုင်လို့ခေါ်တဲ့ ဂါလိလဲအိုင်နားမှာ လူတွေကိုတရားဟောရင်း လူတွေများလာတဲ့ အတွက်ကြောင့် လှေတစ်စင်းပေါ်တက်ပြီး ဆက်ဟောပြောဖို့လိုလာပါတယ်။ အဲဒါနဲ့အနီးနားမှာ ငါးမရလို့စိတ်ပျက်ပျက်နဲ့ ပိုက်ကွန်ဆေးနေတဲ့ ပေတရုဆီမှာ သူ့လှေကိုခဏအသုံးပြုခွင့်ပေးဖို့ တောင်းလိုက်ပါတယ်။ တစ်ညလုံး ငါးတစ်ကောင်မျှမရတဲ့ ပေတရုအနေနဲ့ စိတ်ညစ်လွန်းလို့စကားတောင်ပြန်ပြောချင်စိတ်ရှိမှာမဟုတ်ပါဘူး။ တစ်ညလုံးလည်း အိပ်ရေးပျက်ထားပြီး၊ ပိုက်ကွန်ပစ်ထားတဲ့ဒဏ်ကြောင့် ခြေကုန်လက်ပမ်းကျနေလောက်ပြီဖြစ်တယ်။ အဲလိုအချိန်မှာ ယေရှုခရစ်တော်က သူ့လှေကိုခဏအသုံးပြုခွင့်တောင်းလာတယ်။ သခင်ယေရှုက သူ့ဆီအကူအညီတောင်းလာတဲ့အခါမှာ ပေတရုတွေဝေမနေပါဘူး။ သူ့ရဲ့စိတ်ရင်းအတိုင်း သူဘယ်လောက်ပင်ပန်းနေပါစေ၊ သခင်ယေရှုတောင်းတဲ့အရာကို ပေးဖို့သူဆုံးဖြတ်ခဲ့တယ်။

တစ်ခါတလေ ကျွန်တော်တို့အသက်တာမှာလည်း ဘုရားသခင်က တစ်ခုခုလုပ်ဖို့အတွက် ကျွန်တော်တို့ဆီမှာတောင်းဆိုလာ တတ်ပါတယ်။ အဲလိုအခြေအနေက ကျွန်တော်တို့လုံးဝစိတ်မဝင်စားတဲ့အချိန်၊ စိတ်မပါတဲ့အချိန်လည်း ဖြစ်နေတတ်ပါတယ်။ ဘုရားသခင်က ယနေ့မိတ်ဆွေဆီကနေ ပေတရုလိုအခြေအနေမျိုးမှာ တစ်ခုခုတောင်းဆိုလာရင် ဘယ်လိုပုံစံမျိုးနဲ့ တုံ့ပြန်မလဲ။ ကိုယ့်စိတ်အလိုအတိုင်းပဲ ထားလိုက်မှာလား။ ဒါမှမဟုတ် ပေတရုလိုလုံးလုံးလျားလျား ရက်ရက်ရောရော ပေးလိုက်မှာလား။ တစ်ခါတလေ ကိုယ်မလုပ်ချင်တဲ့အရာဟာ ဘုရားသခင်ပေးမယ့်ကောင်းချီးမင်္ဂလာရဲ့ ဝင်ပေါက်လည်း ဖြစ်နေတတ်ပါတယ်။

(၂) နာခံခြင်း

ဘာမှမသိနားမလည်တဲ့လူတစ်ယောက်ယောက်က ကိုယ့်ကိုဆရာလာလုပ်တာမျိုးခံဖူးကြမယ် ထင်ပါတယ်။ ပေတရုဟာ ငယ်ငယ်ကတည်းက ဂါလိလဲအိုင်ထဲမှာ တံငါသည်လုပ်ငန်းနဲ့အသက်မွေးလာတဲ့သူဖြစ်ပါတယ်။ ဘယ်လိုအချိန်မှာ ငါးထပြီး၊ ဘယ်လိုအချိန်မှာ ငါးအရနည်းတယ်ဆိုတာကို သူကောင်းကောင်းသိပါတယ်။ ဂါလိလဲအိုင်ရဲ့အနေအထားအရ ရေကြည်လွန်းတဲ့ အတွက်ကြောင့် တံငါသည်တွေဟာ ငါးတွေပိုက်ကွန်ကိုမမြင်နိုင်တဲ့ညအချိန်မှာပဲ ငါးဖမ်းလေ့ရှိကြပါတယ်။ ပေတရုဟာ သူနားလည်း ထားတဲ့အတိုင်းပဲ တစ်ညလုံးကြိုးစားပြီး ငါးဖမ်းခဲ့ပါတယ်။ ဒါပေမယ့် တစ်ကောင်မျှမရခဲ့ပါဘူး။

အဲဒီအချိန်မှာပဲ ယေရှုက ပေတရုကို ရေနက်တဲ့နေရာကိုရွေ့ပြီးပိုက်ကွန်ထပ်ပစ်ပါလို့ ပြောပါတယ်။ ပင်ပန်းနွမ်းနယ်နေတဲ့ အချိန်မျိုးမှာ ပေတရုအနေနဲ့လည်း စဉ်းစားမိပါလိမ့်မယ်။ တစ်သက်လုံးတံငါသည်လုပ်လာတဲ့သူကို တစ်သက်လုံးလက်သမား လုပ်လာတဲ့သူတစ်ယောက်က ဆရာလာလုပ်နေတယ်။ သူ့အနေနဲ့ချက်ချင်းတော့ စိတ်ထဲကနေလက်ခံနိုင်မှာမဟုတ်လောက်ဘူး။ ဒါပေမယ့် ပေတရုရဲ့အသက်တာမှာ နာခံခြင်းကိုတွေ့ရပါတယ်။ နာခံတယ်လို့ပြောတဲ့အခါမှာ ကိုယ့်ဖက်ကသိပ်စိတ်မဝင်စားရင် လည်း အောင့်အီးပြီးလုပ်ရတာမျိုးဖြစ်ပါတယ်။

ကျွန်တော်တို့အသက်တာမှာလည်း တစ်ခါတလေ ဘုရားသခင်ခိုင်းတဲ့အခါ ပေတရုလိုလုံးဝနာခံတဲ့အသက်တာမျိုးရှိဖို့လိုပါတယ်။ ကိုယ့်စိတ်အလိုအတိုင်းဆိုရင်တော့ ပျော်စရာကောင်းချင်မှကောင်းပါလိမ့်မယ်။ ဒါပေမယ့်လည်း နာခံခြင်းရဲ့နောက်ကွယ်မှာ ဘုရားသခင် ပေးမယ့်ကောင်းချီးက အမြဲတမ်းရှိနေပါတယ်။ တစ်ချို့ဆရာတွေက နာခံခြင်း ဆိုတာ နာရင်လည်းခံလိုက်ပါတဲ့..။ ဘုရား စကားနာခံခြင်းရဲ့အကျိုးရလဒ်ကတော့ ကိုယ့်အတွက်အမြဲတမ်း အကောင်းဆုံးဖြစ်နေမှာပါ။ နာခံခြင်းဆိုတာလည်း ကိုယ်တိုင်ဆုံးဖြတ်ချက်ချပြီး လျှောက်လှမ်းခြင်းပါ။

(၃) ပိုင်ရှင်နောက်ကိုလိုက်ခြင်း

လူတိုင်းအသက်ရှင်လှုပ်ရှားနိုင်ဖို့အတွက် ငွေရှာနေရပါတယ်။ အချိန်ရှိသရွေ့ တတ်နိုင်သလောက်ရှာဖွေနေကြတာဟာ တစ်နည်းအားဖြင့် ယုံကြည်သူတွေအသက်တာမှာ ကောင်းချီးမင်္ဂလာကို ရှာဖွေနေတာဖြစ်ပါတယ်။ ပေတရုရဲ့အသက်တာမှာလည်း သူ့အတွက်အရေးကြီးဆုံးဖြစ်တဲ့ ငါးကိုရှာနေခဲ့တာပါ။ ငါးကိုရှာတဲ့အချိန်မှာ သူ့အနေနဲ့ငါးမရခဲ့ပါဘူး။ ဒါပေမယ့်လည်း ငါးတွေကို ဖန်ဆင်းတဲ့သူ၊ ငါးတွေကိုပေးနိုင်တဲ့သူနောက်ကိုလိုက်တဲ့အခါမှာ သူအရင်ကရှာနေတဲ့အရာတွေဟာ အလိုလိုသူ့နောက်ကနေ လိုက်လာတာဖြစ်ပါတယ်။ ယနေ့ကျွန်တော်တို့အသက်တာတွေလည်း ဆင်ခြင်ဖို့ဖြစ်ပါတယ်။ ကျွန်တော်တို့ ကောင်းချီးမင်္ဂလာကိုပဲ ရှာနေတာလား။ ဒါမှမဟုတ် ကောင်းချီးမင်္ဂလာကိုပေးနိုင်စွမ်းရှိတဲ့အရှင်ကို ရှာနေတာလား။ ကောင်းချီးမင်္ဂလာကို ပေးပိုင်တဲ့ သခင်နောက်ကိုလိုက်မယ်ဆိုရင် ကောင်းချီးတွေလည်း ကိုယ့်နောက်မှာ အလိုလိုလိုက်နေတော့မှာဖြစ်ပါတယ်။

တစ်ခါတလေမှာ ပေတရုအသက်တာလို ဘုရားသခင်ပြုတဲ့နိမိတ်လက္ခဏာတွေ ကျွန်တော်တို့အသက်တာမှာ မြင်တွေ့ဖို့လို ပါတယ်။ ဘုရားသခင်ပြုမယ့်အရာကို အခွင့်ပေးလိုက်မယ်ဆိုရင် နာခံခြင်းရဲ့နောက်ကွယ်မှာရှိတဲ့ ကောင်းချီးမင်္ဂလာတွေကပဲ ကျွန်တော်တို့အသက်တာကို ပြောင်းလဲစေမှာဖြစ်ပါတယ်။ သခင်ယေရှုအနေနဲ့ ပေတရုကိုတရားမဟောခဲ့ပါဘူး။ ဒါပေမယ့်လည်း ပေတရုဟာငါးတွေကိုမြင်လိုက်ပြီးနောက်ပိုင်းမှာ သူ့စိတ်ထဲမှာ သူ့အားနည်းချက်တွေ၊ အပြစ်တွေကိုအလိုလိုမြင်လာ ပါတယ်။ ဘယ်သူမှသူ့ကိုအတင်းမတိုက်တွန်းဘဲ ဘုရားသခင်ရဲ့တို့ထိခြင်းကို သူကိုယ်တိုင်ခံစားခဲ့ရတာဖြစ်ပါတယ်။ သူ့အသက်တာ တစ်ခုလုံးကို ဘုရားလက်တော်ထဲအပ်နှံပြီး ခရစ်တော်နောက်ကိုလိုက်တဲ့အထိ အသက်တာပြောင်းလဲခဲ့တာဟာ သူ့ရဲ့မှန်ကန်တဲ့ ရွေးချယ်မှုကြောင့်ဖြစ်ပါတယ်။

ကျွန်တော်တို့အသက်တာမှာလည်း ပေတရုကဲ့သို့ မှန်ကန်တဲ့ရွေးချယ်မှုကို ရွေးချယ်နိုင်ကြပါစေ..။

(မှတ်ချက်။ ။ ၂၁.၈.၂၀၁၁ တနင်္ဂနွေနေ့တရားဟောချက်မှကောက်နှုတ်ဖော်ပြသည်။)

https://www.facebook.com/note.php?note_id=126108264164190