ကျွန်ုပ်တို့အထဲရှိရှင်ပြန်ထမြောက်ခြင်းတန်ခိုးတော် ( Resurrection power in us )

ခရစ်တော်ရှင်ပြန်ထမြောက်ခြင်းကြောင့် ကျွန်ုပ်တို့၏ယုံကြည်ခြင်း၊ အသက်ရှင်ခြင်း၊ ကိုးကွယ်ရခြင်း၊ ဟောပြောရခြင်း၊ တမလွန်ဘ၀ အားလုံးတို့အတွက်အဓိပ္ပါယ်ရှိသည်။

ခရစ်တော်သေခြင်းမာန်ကိုအောင်ခြင်းသည်ခရစ်ယာန်တို့၏အောင်ပွဲဖြစ်သည်။

ခရစ်တော်ထမြောက်ခြင်းကြောင့်

ကျွန်ုပ်တို့၏အတိတ်၊ ပစ္စုပ္ပန်၊ အနာဂတ်အားလုံးအတွက်အကျိုးရှိသည်။

“ထိုသခင်ယေရှု သည် ငါတို့အပြစ်ကြောင့်အပ်နှံခြင်း ကိုခံတော်မူ၏။ ငါတို့သည်ဖြောင့်မတ်ရာသို့ ရောက်မည်အကြောင်း ထမြောက်တော်မူ၏။” ရောမ ၄း၂၅

“ခရစ်တော်သည် ထမြောက်တော်မမူလျှင်၊ သင်တို့သည် ယုံကြည်သော် လည်း အကျိုးမရှိ၊ ဒုစရိုက်အပြစ်အောက်၌ ရှိကြသေး၏။”(၁ကော ၁၅း၁၇)

ခရစ်တော်သည်သေခြင်းမှထမြောက်ပြီးခမည်တော်ဘုရားထံသို့သွားကာကောင်းကင်တဲတော်ထဲသို့ဝင်၍ မိမိအသွေးတော်ကိုတင်လှူပူဇေိာခြင်းအားဖြင့်ကျွန်ုပ်တို့အပြစ်ကြွေးများကိုပေးဆပ်ခဲ့သည်။ အတိတ်ဆိုးများမှလွတ်မြောက်ရသောအခွင့်ကိုကျွန်ုပ်တို့ရသည်။ မည်သူမှမချေဖျက်နိုင်သောမွေးရာပါဗီဇအပြစ်၊ ဒုစရိုက်အပြစ်အားလုံးကိုအသွေးတော်ကဆေးကြောသန့်စင်စေသောကြောင့်ဘုရားသခင်ရှေ့တော်တွင်ဖြောင့်မတ်သောသူများအဖြစ်ရပ်တည်ခွင့်ရကြသည်။

ယခုပစ္စုပ္ပန်ကာလတွင်လည်းရှင်ပြန်ထမြောက်ခြင်းတန်ခိုးတော်သည်ကျွန်ုပ်တို့အထဲတွင်ကျိန်းဝပ်စေခြင်းအား

ဖြင့်အရာရာကိုအောင်မြင်စေသည်။

“ယေရှုခရစ်၌တည်၍အသက်ရှင် စေသောဝိညာဉ်တော်၏ တရားသည်အပြစ်တရား၏ လက်မှ၎င်း၊ သေခြင်းတရား ၏လက်မှ၎င်း၊ ငါ့ကိုကယ် လွှတ်ပြီ။”

“ထိုမျှမက၊ ယေရှုကိုသေခြင်းမှ ထမြောက်စေတော်မူသော ဘုရား၏ ဝိညာဉ်တော်သည် သင်တို့အထဲ၌ ကျိန်းဝပ်တော်မူလျှင်၊ ခရစ်တော်ကိုသေခြင်းမှ ထမြောက်စေ တော်မူသောဘုရားသည် သင်တို့အထဲ၌ ကျိန်းဝပ်သောမိမိဝိညာဉ်တော်အားဖြင့်၊ သေတတ်သောသင်တို့၏ ကိုယ်ကာယကိုပင်ရှင်စေတော်မူမည်။” (ရောမ ၈း၂၊ ၁၁)

ခရစ်တော်ရှင်ပြန်ထမြောက်ခြင်းကြောင့်ဝမ်းမြောက်ဂုဏ်ယူနေရုံမျှသာမကထိုတန်ခိုးတော်အားဖြင့်အသက်ရှင်

လျှောက်လှမ်းရန်ဘုရားသခင်အလိုတော်ဖြစ်သည်။

ကျွန်ုပ်တို့အောင်မြင်စေရန်ထိုတန်ခိုးတော်ကိုကျိန်းဝပ်စေသည်။

ထိုရှင်ပြန်ထမြောက်ခြင်းတန်ခိုးတော်သည်သန့်ရှင်းသောဝိညာဉ်တော်၏တန်ခိုးတော်တည်းဟူသောဘုရားသ

ခင်၏တန်ခိုးတော်ပင်ဖြစ်သည်။

ထိုတန်ခိုးတော်အားဖြင့်ပင်လယ်နီကိုနှစ်ခြမ်းကွဲစေပြီးအဲဂုတ္တုစစ်တပ်ကိုပင်လယ်တွင်းသို့နစ်မြုတ်စေသည်။ မိမိလူတို့ကိုမူကားလွတ်မြောက်စေသည်။ ယော်ဒန်မြစ်ရေကိုပုံ့ပုံ့ကြွစေလျှက်ဖြတ်ကူးစေနိုင်သည်။ ယေရိခေါမြို့ရိုးကြီးကိုပြိုကျစေနိုင်သည်။ ကျောက်ထဲမှရေကိုစီးထွက်စေသည်။ လူသေတို့ကိုရှင်ပြန်ထမြောက်စေသည်။

ထိုတန်ခိုးတော်သည်ကျွန်ုပ်တို့၏စိတ်နေသဘောထားများ(Character)ကိုပြောင်းလဲစေနိုင်သည်။

မိမိလူကိုနှိပ်စက်နေသောအဲဂုတ္တုလူအားဒေါသဖြင့်တုန့်ပြန်သတ်ဖြတ်ခဲ့သောမောရှေသည်ဘုရားတန်ခိုးတော်ကိုခံရသောအခါယောကျာင်္းချည်းဘဲ ၆ သိန်း(စုစုပေါင်း ၂သန်းမှ ၃သန်းခန့်)သောလူဦးရေကိုဦးဆောင်သော ခေါင်းဆောင်ကောင်းဖြစ်ခဲ့သည်။ဘုရားသခင်ကိုယ်တော်တိုင်“မြေကြီးပေါ်မှာရှိသမျှသောသူတို့ထက်စိတ်နူးညံ့သိမ်မွေ့သောသူ” ဟုမှတ်တမ်းတင်သည်။

ထိုတန်ခိုးတော်သည်ဥာဏ်ပညာ(Wisdom)ကိုဖြစ်စေသည်။

လူနှစ်ဦး၏ပြဿနာကိုကိုင်တွယ်မဖြေရှင်းနိုင်ခဲ့သောမောရှေသည်သိန်းပေါင်းများစွာသောသူတို့၏ပြဿနာတို့အားကိုင်တွယ်ဖြေရှင်းနိုင်ရန်နည်းလမ်းများရခဲ့သည်။

သာမန်ထက်ထူးကဲသောအမှုများ(Extraordinary things) ကိုပြုလာနိုင်သည်။

ရှံဆုန်အပေါ်သို့ဝိညာဉ်တောာ်သက်ရောက်လာသောအခါသူ့လက်ထဲတွင်ဘာမှမရှိသော်လည်းခြင်္သေ့ကြီးကို ဆွဲဖြတ်နိုင်သည်။ လူများစွာကိုမြည်းမေးရိုးဖြင့်အနိုင်ယူခဲ့သည်။

တမန်တော်များသည်သည်းသာမညလူများပင်ဖြစ်လင့်ကစား သာမန်သဘာဝထက်ထူးကဲသောအမှုများ ကိုပြုလာကြသည်။

စုံစမ်းနှောင့်ယှက်ခြင်းအမျိုးမျိုးနှင့်သွေးဆောင်မှုအမျိုးမျိုးတို့အပေါ်တွင်တန်ခိုးတော်အားဖြင့်သာအောင်မြင်နိုင်သည်။

“သို့သော်လည်း တန်ခိုးတော်၏ ဂုဏ်အသရေ(Excellence of the power)သည် ငါတို့နှင့် မဆိုင်၊ ဘုရားသခင်နှင့် ဆိုင်မည်အကြောင်း၊ ထိုဘဏ္ဍာသည် မြေအိုးထဲမှာထည့်ထားလျက်ငါတို့၌ရှိ၏။(We have this treasure)

ငါတို့သည် အမျိုးမျိုးသောနှောင့်ရှက်ခြင်းကို ခံရသော် လည်း၊ အကျိုးနည်းခြင်းသို့မရောက်။ မကြံစည်နိုင်အောင်ရှိသော်လည်း စိတ်မပျက်။ ညှဉ်းဆဲခြင်းကိုခံရသော်လည်း ရှုံးခြင်းမရှိ၊ အောက်သို့လှဲခြင်းကိုခံရသော်လည်း ဆုံးရာသို့မရောက်။”

(၁ကော ၄း၇-၉)

“ယေရှုခရစ်၌တည်၍အသက်ရှင် စေသောဝိညာဉ်တော်၏ တရားသည်အပြစ်တရား၏ လက်မှ၎င်း၊ သေခြင်းတရား၏ လက်မှ၎င်း၊ ငါ့ကိုကယ် လွှတ်ပြီ။” (Set me free from the law of sin and death)

ထိရောက်သောသက်သေခံ/အမှုတော်ဆောင်ခြင်းကိုဖြစ်စေသည်။

“သင်တို့အပေါ်သို့ သန့်ရှင်းသောဝိညာဉ်တော် ဆင်းသက်သောအခါ သင်တို့သည် တန်ခိုးကိုခံရ၍ ယေရုရှလင် မြို့မှစသော ယုဒပြည်၊ ရှမာရိပြည်၊ မြေကြီးစွန်းတိုင်အောင် ငါ၏သက်သေဖြစ်ကြလိမ့်မည်ဟု မိန့်တော်မူ၏။”(တမန် ၁း၈)

ဧ၀ံဂေလိတရားတော်သည်စကားသက်သက်မျှသာမဟုတ်။ လူတို့ကိုပြောင်းလဲစေသောဘုရားသခင်၏ တန်ခိုးတော်ဖြစ်သည်။

ထိုတန်ခိုးတော်အားဖြင့်အနာရောဂါအမျိုးမျိုးငြိမ်းခြင်း၊ ချည်နှောင်ခြင်းအမျိုးမျိုးမှလွတ်မြောက်ခြင်း၊ စာတန်၏မှောင်မိုက်နိုင်ငံမှခရစ်တော်၏မေတ္တာအလင်းနိုင်ငံတော်သို့လူများစွာဝင်ရောက်လာခြင်းကိုမြင်တွေ့

စေမည်။

ထိုတန်ခိုးတော်အားဖြင့်ကျွန်ုပ်တို့အတွက်အရာရာ၌အောင်မြင်ခြင်းကိုဖြစ်စေသည်။

တန်ခိုးတော်မပါဘဲခရစ်ယာန်အသက်တာကိုအောင်မြင်အောင်မလျှောက်လှမ်းနိုင်။

ထို့ကြောင့်ခရစ်ယာန်အသက်တာဆိုသည်မှာဘုရားတန်ခိုးနှင့်အသက်ရှင်သောအသက်တာဖြစ်သည်။

ဘုရားသခင်မနှစ်သက်သောအကျင့်ဆိုးတစ်ခုခုကိုသင်စွဲလမ်းလျှက်လုပ်ဆောင်နေတုန်းဖြစ်လျှင်ထိုတန်ခိုးတော်သင်ခံယူဘို့လိုပါသည်။

စုစမ်းနှောင့်ယှက်ခြင်းအမျိုးမျိုးထဲတွင်စိတ်ဓာတ်ကျအားငယ်၊ ဒေါသအမျက်ရှိနေပါကထိုတန်ခိုးတော်လို အပ်ပါသည်။

မည်သို့ထိုတန်ခိုးတော်လက်ခံရယူနိုင်မည်နည်း။

ဝိညာဉ်တော်ရရှိခြင်းနှစ်မျိုးအကြောင်းသိရှိဘို့လိုပါသည်။

၁။ အတွင်းကျိန်းဝပ်ခြင်း

ခရစ်တော်ကိုသင်၏အသက်သခင်ကယ်တင်ရှင်အဖြစ်ယုံကြည်လက်ခံသောနေ့တွင်ဝိညာဉ်တော်သည်သင့်အထဲ၌လာရောက်ကျိန်းဝပ်ပါသည်။ ထို့ကြောင့်သင်သည်ဝိညာဉ်တော်ကျိန်းဝပ်သောဗိမာန်တော်ဖြစ်လာသည်။

၂။ အပြင်မှလွှမ်းခြုံခြင်း(သို့)သက်ရောက်ခြင်း

ခရစ်တော်အားယုံကြည်လက်ခံပြီးသောတပည့်တော်တို့အားခရစ်တော်ကကောင်းကင်သို့တက်ကြွခါနီးတွင်

ခမည်းတော်၏ကတိတော်ဖြစ်သောကောင်းကင်တန်ခိုးကိုခံယူရန် မိန့်မှာသည်။ တမန်တော် ၂ တွင် ထိုတန်ခိုးတော်သက်ရောက်လာပြီးနောက်တမန်တော်များ၏အသက်တာနှင့်လုပ်ဆောင်မှုများသည်ထူးခြားစွာ

ပြောင်းလဲသွားခဲ့သည်။

ဝိညာဉ်တော်တန်ခိုးသက်ရောက်ရန်(၀ိညာဉ်တော်ဖြင့်ပြည့်ဝရန်)ဘုရားမျက်မှောက်တော်တွင်အချိန်ယူရမည်။

(ဆုတောင်းရမည်)။ ၀ိညာဉ်တော်နှင့်ပြည့်ဝသောခေါင်းဆောင်များ၏လက်တင်ခြင်းသည်လည်းအရေးကြီးသည်။

မောရှေသည်ဘုရားမျက်မှောက်တော်တွင်ရက်ပေါင်း(၄၀)အချိန်ယူခဲ့သည်။ တမန်တော်တို့သည်ခရစ်တော်မိန့်မှာချက်ကြောင့်အထက်ခန်းမတွင်စုဝေးလျှက်(ဆုတောင်းလျှက်)စောင့်နေ

ကြစဉ်ဝိညာဉ်တော်သက်ရောက်လာသည်။

ဝိညာဉ်တော်ကျိန်းဝပ်ခြင်းသည်တစ်ကြိမ်သာဖြစ်သော်လည်းဝိညာဉ်တော်နှင့်ပြည့်ဝခြင်းသည်အကြိမ်ကြိမ်ဖြစ်

နိုင်သည်။

ထိုတန်ခိုးတော်ကိုယုံကြည်သူတိုင်းခံယူဘို့လိုသည်။

လောကကိုသင့်ကိုယ်ပိုင်ခွန်အားဖြင့်အနိုင်မယူနိုင်ပါ။ သင့်ခွန်အားကိုကိုးစားနေလျှင်ကြိမ်ဖန်များစွာလောကထဲသို့ပြန်ပါသွားနိုင်သည်။

ဝိညာသ်တော်တန်ခိုးတော်သည်လောကကိုအောင်မြင်စေလိမ့်မည်။

အဘယ်ကြောင့်ခရစ်ယာန်တို့သည်စုံစမ်းသွေးဆောင်မှုများအောက်တွင်လဲကျနေကြသနည်း။

မိမိအထဲ၌ကျိန်းဝပ်တော်မူသောတန်ခိုးတော်ကိုလစ်လျူရှုသောကြောင့်ဖြစ်သည်။

ကောင်းကင်မှတန်ခိုးကိုခံယူရန် ခရစ်တော်မိန့်မှာတော်မူစဉ် လူ ၅၀၀ မကတစ်ပြိုင်နက်ကြားကြသော်လည်း လူ(၁၂၀) သာလျှင်အထက်ခန်းမတွင်စောင့်ဆိုင်းနေခဲ့သည်။

ယနေ့လည်းထိုနည်းတူဖြစ်သည်။ များစွာသောခရစ်ယာန်တို့သည်သမ္မာကျမ်းစာကိုကြားသိကြသော်လည်း တန်ခိုးတော်ဖြင့်အသက်ရှင်လျှောက်လှမ်းနေသောအောင်မြင်သောခရစ်ယာန်မှာနည်းပါးလှသည်။

သင်သည်စုံစမ်းသွေးဆောင်မှု၊ နှောင့်ယှက်မှုတစ်ခုခုကိုခံရပါက“ငါ့အထဲမှာရှိသောတန်ခိုးတော်သည် ထိုသွေးဆောင်မှုများထက်သာ၍(အတိုင်းထက်အလွန်)တန်ခိုးကြီးကြောင်း” ကိုသိမှတ်ယုံကြည်ဝန်ခံပါ။

မျက်မှောက်တော်ထဲတွင်ဘုရားနှင့်အချိန်ယူပါ။

ဝိညာဉ်တော်၏တန်ခိုးသည်သင့်အပေါ်မှာသက်ရောက်လာပါလိမ့်မည်။

မယ်တော်မာရိပေါ်သန့်ရှင်းသောဝိညာဉ်တော်သက်ရောက်သောအခါအမြင့်ဆုံးသောဘုရား၏တနခိုးအာနုဘော်တော်သည်လွှမ်းမိုးလာပြီး ဖခင်မျိုးစေ့မပါသော(တစ်ခါမှမဖြစ်ခဲ့၊ မဖြစ်ဘူးသော) ဘုရားတန်ခိုးတော်အားဖြင့်ကယ်တင်ရှင်ကိုမွေးဖွားဘို့အကြောင်းဖြစ်လာသည်။

တန်ခိုးတော်သက်ရောက်လာလျှင်မဖြစ်နိုင်သောအရာ၊ မတတ်နိုင်သောအရာတစ်စုံတစ်ခုမှမရှိတော့ပါ။

ရှင်ပြန်ထမြောက်ရာနေ့တွင်အခြားသောထူးထူးခြားခြားအစီအစဉ်အမျိုးမျိုးဖြင့်ကျင့်ပခြင်းသည်ကောင်းပါသည်။

သို့သော် ရှင်ပြန်ထမြောက်တော်မူသောသခင်ကြောင့်ဂုဏ်ယူဝမ်းမြောက်ရွှင်လန်းနေရုံမျှသာမဟုတ်ဘဲ ထိုသခင်ပေးအပ်သောတန်ခိုးတော်ဖြင့်အောင်မြင်သောခရစ်ယာန်အသက်တာအဖြစ်ဘုန်းတော်ထင်ရှားစေရန် မိမိအသက်တာအားသတိပြုပြင်ဆင်ဆက်ကပ်အသက်ရှင်လျှင်သာ၍အဓိပ္ပါယ်ပြည့်ဝသော ရှင်ပြန်ထမြောက်ရာနေ့ပွဲတော်(Easter Sunday) ဖြစ်လာမည်ဟုယုံကြည်ပါသည်။

Rev. Khin San Maw

8th April 2012@Kepongmcf&FGWC

Posted in: တရားဟောချက်များ