ဒေါ်အောင်ဆန်းစုကြည် နိုဘဲလ်ဆုယူမည့် နော်ဝေးခရီးစဉ် အသေးစိတ်အစီအစဉ် ~ The Spirit Fruit

နော်ဝေး ပါလီမန် (ယာဘက်) နှင့် နီးကပ်စွာတည်ရှိသည့် ဒေါ်အောင်ဆန်းစုကြည် တည်းခိုမည့် Grand Hotel (ဓာတ်ပုံ - ကိုညို၊ အော်စလို)

အမျိုးသား ဒီမိုကရေစီအဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည်အား ၁၉၉၁ ခုနှစ်က ၎င်းရရှိခဲ့သည့် နိုဘဲလ်ဆုကို နှင်းအပ်မည့် အခမ်းအနားသို့ ကြိုတင်စာရင်း ပေးသွင်းထားသူ မြန်မာများ တက်ရောက်ခွင့် ရမည်ဟု သိရသည်။
ယင်း နိုဘဲလ်ဆု နှင်းအပ်ပွဲကို လာမည့် ဇွန်လ ၁၆ ရက်နေ့တွင် နော်ဝေးနိုင်ငံ မြို့တော် အော်စလိုတွင် ကျင်းပမည် ဖြစ်ပြီး ထိုအခမ်းအနားသည် ဒေါ်အောင်ဆန်းစုကြည်၏ ဥရောပ ၅ နိုင်ငံ ခရီးစဉ်အတွင်း ပါဝင်သည့် အစီအစဉ် တခုလည်း ဖြစ်သည်။
“ဒေါ်အောင်ဆန်းစုကြည်ကို နိုဘဲလ်ဆုချီးမြှင့်မယ့် မြို့တော်ခမ်းမမှာ ထိုင်ခုံပေါင်း ၉၇၀ လောက် ရှိတော့ နော်ဝေးနိုင်ငံ ပြင်ပက လျှောက်ထားတဲ့ မြန်မာတွေ အပါအ၀င် နော်ဝေးက မြန်မာနိုင်ငံသား တော်တော်များများ အခမ်းအနား တက်ရောက်နိုင်မယ့် အကြောင်း နိုဘဲလ်ဆု ရွေးချယ်ရေး ကော်မတီဝင် တယောက်က ကျနော့်ကို ပြောပါတယ်။ဖိတ်စာတွေ စပြီး ပို့နေပြီလို့လည်း ပြောပါတယ်” ဟု ဒေါ်အောင်ဆန်းစုကြည် ကြိုဆိုရေး ကော်မတီဝင် ဦးကျော်သွင်က ပြောသည်။
နိုဘဲလ် ဆုပေးပွဲ အခမ်းအနားအပြီး ညနေ ၃ နာရီခွဲတွင် အော်စလို ဆိပ်ကမ်းအနီးရှိ နိုဘဲလ်ငြိမ်းချမ်းရေး စင်တာတွင်
ဒေါ်အောင်ဆန်းစုကြည်က နော်ဝေးအပါအ၀င် ဆွီဒင်၊ ဒိန်းမတ်၊ ဂျာမနီ၊ အင်္ဂလန်နှင့် အမေရိကားနိုင်ငံ အသီးသီးမှ
လာရောက်မည့် မြန်မာများနှင့် မီဒီယာသမားများအား ၄၅ မိနစ်ကြာ တွေ့ဆုံ စကားပြောမည်ဟု သိရသည်။
မြန်မာများနှင့် သီးသန့်တွေ့ဆုံအပြီး ညနေပိုင်းတွင် ဆုပေးပွဲ အခမ်းအနား ကျင်းပမည့် မြို့တော် ခမ်းမရှေ့တွင် လာရောက် နှုတ်ဆက်မည့် လူထုအား ဒေါ်အောင်ဆန်းစုကြည်က မိန့်ခွန်းပြောကြားမည် ဖြစ်သည်။
၂၄ နှစ်အတွင်း ဒုတိယအကြိမ် နိုင်ငံပြင်ပ ခရီးစဉ်အဖြစ် ဒေါ်အောင်ဆန်းစုကြည်သည် ဥရောပ ၅ နိုင်ငံသို့ လှည့်လည် သွားရောက်ရန် စီစဉ်ထားရာ ဇွန်လ ၁၅ ရက်နေ့တွင် ဆွစ်ဇာလန်နိုင်ငံ၌ ကျင်းပမည့် အပြည်ပြည်ဆိုင်ရာ အလုပ်သမားများနေ့ အခမ်းအနား၌ မိန့်ခွန်းပြောပြီး ထိုနေ့ မွန်းလွဲပိုင်း၌ နော်ဝေးနိုင်ငံသို့ ခရီးဆက်မည်ဟု သိရသည်။
ဒေါ်အောင်ဆန်းစုကြည်အား နော်ဝေးလေဆိပ် အထူးဂိတ်ပေါက်မှ တဆင့် တည်းခိုရာ ဟိုတယ်သို့ တိုက်ရိုက် ခေါ်ဆောင် သွားမည်ဖြစ်ရာ အစောပိုင်းက မြန်မာများ စီစဉ်ထားသည့် အိုးစည်ဒိုးပတ်ဝိုင်းများ မြန်မာ အကများဖြင့် လေဆိပ်မှ စောင့်မျှော် ကြိုဆိုမည့် အစီအစဉ်ကို ဖျက်သိမ်းလိုက်ရကြောင်း၊ သို့သော် သံတမန်များနှင့် အစိုးရ ဧည့်သည်များသာ တည်းခိုသည့်
Grand Hotel ရှေ့တွင် ကြိုဆိုမည့် အစီအစဉ် ဖြစ်နိုင်ကြောင်း ဦးကျော်သွင်က ဆိုသည်။
“လေဆိပ်အထွက်မှာ အဝေးက လက်ပြရုံလောက်ပဲ ရမှာဆိုတော့ ဟိုတယ်ရှေ့ကပဲ စောင့်ပြီး မြန်မာတွေ ပန်းစည်းဆက်မယ်၊အိုးစည် ဒိုးပတ်ဝိုင်း ပါမယ်။ NLDအလံနဲ့ နော်ဝေးအလံကိုင်ပြီး ကြိုဆိုကြမယ်၊၊ ဒေါ်အောင်ဆန်းစုကြည်ရဲ့ ခရီးရောက်မဆိုက် မြန်မာတွေကို ပြောမယ့် နှုတ်ခွန်းဆက် စကားလည်း ကြားရတာပေါ့” ဟု သူက ဆက်ပြောသည်။
ဒေါ်အောင်ဆန်းစုကြည်၏ နော်ဝေးနိုင်ငံခရီးစဉ် ၃ ရက်တာအတွင်း အစိုးရအဖွဲ့၊ နိုဘဲလ်ဆု ရွေးချယ်ရေး ကော်မတီနှင့် အော်စလိုစင်တာမှ တာဝန်ရှိသူများ အပါအ၀င် ပညာရှင်များ၊ နော်ဝေး နိုင်ငံ လူမှုအဖွဲ့အစည်း များ၏ သီးခြား ဖိတ်ကြားမှု အစီအစဉ်များ၊ အမေးအဖြေ ကဏ္ဍများနှင့် အစီအစဉ် အပြည့်ဖြစ်နေသည့် အပြင် နိုဘဲလ်ဆု ချီးမြှင့်မည့် အခမ်းအနား မတိုင်ခင် မနက်ပိုင်းတွင်လည်း နော်ဝေးနိုင်ငံ ၀န်ကြီးချုပ်ဟောင်း ဘွန်ဒယ်ဘစ်ခ် ဦးစီးသည့် အော်စလိုစင်တာ၌ အကန့်အသတ်နှင့် ဖိတ်ကြားထားသော နိုင်ငံတကာနှင့် နော်ဝေး တတ်သိပညာရှင် အနည်းငယ်တို့နှင့်အတူ
ဒီမိုကရေစီရေး ဆိုင်ရာ ဆွေးနွေးခြင်းနှင့် အပြန်အလှန် အမေးအဖြေ ပြုလုပ်မည့် အစီအစဉ်ရှိကြောင်းလည်း သိရသည်။
“ကျနော် နောက်ဆုံးအကြိမ် ရန်ကုန်မှာ သူနဲ့ တွေ့တော့ ဒေါ်အောင်ဆန်းစုကြည်က အော်စလိုကို မိန့်ခွန်းပြောဖို့၊ အင်တာဗျူး အမေးအဖြေ လုပ်ဖို့လောက်နဲ့တော့ မလာချင်ဘူး၊ သူက လူတွေနဲ့ စကားပြောဆို၊ ဆွေးနွေးချင်တာပါလို့ ပြောခဲ့တာကို သတိတရနဲ့ အော်စလို ငြိမ်းချမ်းရေး စင်တာ ရုံးခန်းမှာ ဒီက ပုဂ္ဂိုလ်တချို့ကိုဖိတ်ကြားပြီး သူနဲ့တွေ့ဆုံဆွေးနွေးမေးမြန်း စကားပြောကြဖို့ စီစဉ်ထားတာပါ” ဟု ၀န်ကြီးချုပ်ဟောင်း မစ္စတာ ဘွန်ဒယ်ဘစ်ခ်က ပြောသည်။
နော်ဝေးနိုင်ငံ ဘုရင်နှင့် တော်ဝင်မိသားစု တက်ရောက်မည့် ဒေါ်အောင်ဆန်းစုကြည်အား နိုဘဲလ်ဆု ချီးမြှင့်မည့် ပွဲသည် နိုဘဲလ်ဆု ချီးမြှင့်ခဲ့သည့် သမိုင်းတွင် တကြိမ်မှ မရှိခဲ့ဘူးသော လူတဦးတည်းအား ဒုတိယ အကြိမ် ဆုချီးမြှင့်သည့် အခမ်းအနားတခုဖြစ်သည်။ ၁၉၉၁ ခုနှစ်အတွက် နိုဘဲလ်ငြိမ်းချမ်းရေးဆုကို နေအိမ်အကျယ်ချုပ် ကျခံနေရသူအား ချီးမြှင့်ခဲ့သည်မှာလည်း နိုဘဲလ်ဆု ချီးမြှင့်ရေးသမိုင်းတွင် ပထမဆုံးအကြိမ် ဖြစ်ခဲ့သည်။ ထိုစဉ်က ဒေါ်အောင်ဆန်းစုကြည်၏
ခင်ပွန်း မိုက်ကယ်လ်အဲရစ် (၁၉၉၉ တွင် ကွယ်လွန်) နှင့် သား ၂ ဦးတို့က ဆု လက်ခံရယူခဲ့သည်။
နိုဘဲလ်ဆု ချီးမြှင့်သည့် အခမ်းအနားကို နော်ဝေးနိုင်ငံတွင် အလွန်ချမ်းအေးလှသည့် ဒီဇင်ဘာလ၌သာ ကျင်းပလေ့ ရှိသော်လည်း ယခု အခမ်းအနားကိုမူ ၁၉၉၁ ခုနှစ်က အခမ်းအနားသို့ ကိုယ်တိုင် မတက်ရောက်နိုင်ခဲ့သည့် ဒေါ်အောင်ဆန်းစုကြည်အား ဂုဏ်ပြုသည့် အနေဖြင့် ရာသီဥတု ကောင်းမွန်လှပသော ဥရောပ၏ နွေရာသီတွင် သီးသန့် ကျင်းပခြင်း ဖြစ်သည်။
နိုဘဲလ်ဆု လက်ခံအပြီး နောက်တနေ့ ဇွန် ၁၇ ရက်နေ့တွင် ဒေါ်အောင်ဆန်းစုကြည်သည် သူ့အား နိုင်ငံတကာမှ ချီးမြှင့်သည့် ဆုများအနက် ပထမဆုံး ချီးမြှင့်ခံရသည့် ဆုဖြစ်သော ရပ်ဖ်တို လူ့အခွင့်အရေး ဆုရွေးချယ်ရေးအဖွဲ့ အခြေစိုက်ရာ နော်ဝေးနိုင်ငံ ဒုတိယမြို့တော် ဘာဂင်မြို့သို့ သွားရောက်၍ ဆုလက်ခံမည်ဟု သိရသည်။
၎င်းသည် ဘာဂင်မြို့ရှိ သော်ရိုးရပ်ဖ်တို အဆောက်အဦးအတွင်းရှိ ဒေါ်အောင်ဆန်းစုကြည်ခန်းမ၊ သုတေသနနှင့် ယဉ်ကျးမှု ဆိုင်ရာများ၊ ရပ်ဖ်တိုဆုနှင့် ပတ်သက်သော အကြောင်းအရာ များကို လေ့လာကြည့်ရှုမည့် အပြင် ကြိုတင်ဖိတ်ကြားထားသည့် စီးပွားရေး၊ သုသေသနနှင့် ပညာရေး နယ်ပယ် အသီးသီးရှိ ပုဂ္ဂိုလ်များနှင့် တွေ့ဆုံစကားပြောမည် ဖြစ်သည်။
ဒေါ်အောင်ဆန်းစုကြည် ခန်းမတွင် နိုင်ငံတကာရောက် မြန်မာများ၏ ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်ရေး လှုပ်ရှားမှု မှတ်တမ်းဓာတ်ပုံများ၊ ဒေါ်အောင်ဆန်းစုကြည်၏ နိုင်ငံရေးလှုပ်ရှားမှု ဓာတ်ပုံများ၊ မြန်မာပြည်သူများ၊ သံဃာတော်များ၏ ဒီမိုကရေစီအရေး လှုပ်ရှားခဲ့သည့် မှတ်တမ်း ဓာတ်ပုံများနှင့် မြန်မာပြည်ဆိုင်ရာ စာအုပ်များ၊ မြန်မာ့အနုပညာ ပစ္စည်းများ ပြသထားကြောင်း ဘာဂင်မြို့နေ ကိုကျော်ထင်က ပြောသည်။
“ကျနော်တို့ ဘာဂင်မြို့က မြန်မာတွေနဲ့ ၄၅ မိနစ် တွေ့ဆုံ စကားပြောဖို့ အချိန်ရမယ်၊ အမေးအဖြေတွေ အတွက်လည်း စီစဉ်ထားပါတယ်။ တိုင်းရင်းသားတွေက လက်ဆောင် ပေးလိမ့်မယ်။ ပန်းကုံးစွပ်တာ၊ ပန်းခြင်းပေးတာတွေ လုပ်မယ်၊ ပြီးတော့ ညနေပိုင်းမှာ ကျောက်တုံးပြာ (Blue Stone) ကြီးရှိတဲ့ မြို့လယ် အပန်းဖြေကွင်းပြင်မှာ ဘာဂင်မြို့သား အားလုံးနဲ့ စုစည်းပြီး လူထုဟောပြောပွဲ တခုလုပ်မယ်” ဟု သူက ဆိုသည်။
ဒေါ်အောင်ဆန်းစုကြည်၏ နော်ဝေးခရီးစဉ် တခုလုံးတွင် အချိန်မရသောကြောင့် မူလက စိတ်ကူးထားသည့် မြန်မာနိုင်ငံသားများ၏ ရိုးရာအဆိုအက ဖျော်ဖြေရေး အစီအစဉ်များ မလုပ်နိုင်တော့ကြောင်း သူက ဆက်ပြောသည်။
သို့သော်ဗြိတိန်နိုင်ငံ လန်ဒန်မြို့ရှိ မြန်မာအသိုင်းအဝန်းကမူ ဒေါ်အောင်ဆန်းစုကြည်အား မြန်မာ့ဆိုင်းဝိုင်း အပါအ၀င် အဆိုအကများနှင့် ဧည့်ခံမည့် အစီအစဉ်ရှိကြောင်း သိရသည်။
“လန်ဒန်မှာ အကြီးဆုံး လူ ၂၅၀၀ ဆံ့တဲ့ နာမည်ကြီး Royal Festival ခမ်းမကြီးကို ငှားထားတယ်။ တယောက်ကို စတာလင် ၁၀ ပေါင်နဲ့ လက်မှတ်ရောင်းမယ်။ ရန်ကုန်က ရောက်နေတဲ့ ဆိုင်းဆရာ ရွာစားကျော် သီရိမောင်မောင် ရဲ့ဆိုင်းအဖွဲ့က ဧည့်ခံတီးလုံးတွေ တီးပေးမယ်။ အဆိုတော် ဒေါ်မာမာအေးကသီချင်းတွေဆိုမယ်။တိုင်းရင်းသား အကတွေ လည်းပါမယ်။လူရွှင်တော် ကိုဇာဂနာနဲ့ ပန်းချီထိန်လင်းက အခမ်းအနားရဲ့ အစီအစဉ်မှူးတွေ လုပ်မယ်” ဟု လန်ဒန်ရှိ ကြိုဆိုရေး အလုပ်အဖွဲ့ဝင် ကိုမောင်မောင်အောင်က ပြောသည်။
ဇွန်လ ၂၂ ရက်နေ့တွင် ကျင်းပမည့် ထိုအခမ်းအနားတွင် ဒေါ်အောင်ဆန်းစုကြည်က မြန်မာများကို နှုတ်ခွန်းဆက် စကားပြောဆိုမည် ဖြစ်ပြီး သူ့အား ဖိတ်ကြားထားသည့် BBC အသံလွှင့်ဌာနသို့ သွားရောက်မည်ဟု သိရသည်။
လန်ဒန်တွင် ကျင်းပမည့် အစီအစဉ်၌ လက်မှတ်ရောင်းရငွေ တချို့ကို အခန်းငှားရမ်းခ ပေးချေမည် ဖြစ်ပြီး ပိုငွေနှင့် အလှူငွေများအား ဒေါ်အောင်ဆန်းစုကြည် လှူဒါန်းစေလိုသည့် နေရာများသို့ လှုဒါန်းမည့် အစီအစဉ် ပါဝင်မည်ဖြစ်သည်။
ဗြိတိန်နိုင်ငံ ခရီးစဉ်အတွင်း ဒေါ်အောင်ဆန်းစုကြည်သည် အောက်စဖို့ တက္ကသိုလ်မှ ချီးမြှင့်သည့် ဒေါက်တာဘွဲ့ကို လက်ခံယူကာ စကားပြောခြင်းနှင့် ဗြိတိန်ပါလီမန်၌ မိန့်ခွန်းပြောမည်ဟု သိရသည်။
ဒေါ်အောင်ဆန်းစုကြည်၏ ဆွီဒင်၊ နော်ဝေး၊ အိုင်ယာလန်၊ ဗြိတိန်နှင့် ပြင်သစ် ဥရောပ ၅ နိုင်ငံ ခရီးစဉ်သည် ဇွန်လ ၁၄ ရက်မှ၂၇ ရက်နေ့အထိ ကြာမြင့်မည် ဖြစ်သည်။

ဒေါ်အောင်ဆန်းစုကြည်၏နော်ဝေးနိုင်ငံခရီးစဉ်၊အကြမ်းဖျင်းသိရသည့်အစီအစဉ်များ)

                   ၁၅-၀၆၂၀၁၂(သောကြာနေ့)
   (ပထမနေ့)
(က )             (သောကြာ)မွန်းလွဲ၁၄း၁၀နာရီ   (ဒေါ်အောင်ဆန်းစုကြည်ဆွီဇာလန်မှအော်စလိုလေဆိပ်ဆိုက်ရောက်မည်)

(ခ)               (ညနေ၃နာရီခန့်)
တည်းခိုရာGrand Hotelရှေ့၊မြန်မာနိုင်ငံသားများကြိုဆိုရေးအစီအစဉ်။

(ဂ)      (့ညနေပိုင်း၊၁၇း၀၀မှ၁၈နာရီ)
နော်ဝေးနိုင်ငံဝန်ကြီးချုပ် နှင့်တွေ့ဆုံမည်၊
(ဃ)           ညနေ(၁၈း၃၀)
ဒေါ်အောင်ဆန်းစုကြည်သတင်းစာရှင်းပွဲလုပ်မည်၊
ဝန်ကြီးချုပ်ကဒေါ်အောင်ဆန်းစုကြည်အား၊ညစာစားပွဲနှင့်တည်ခင်းဧည့်ခံမည်။
(မြန်မာတချို့လည်းဖိတ်ကြားခံရဟုသိရ)

                      (ဒုတိယနေ့)
               ၁၆-၀၆၂၀၁၂(စနေနေ့)နိုဘယ်လ်ဆုချီးမြှင့်မည့်ရက်။

(က)        မနက်ပိုင်း(၀၉း၀၀မှ၁၀း၃၀)အစီအစဉ်မသိရသေး။

(ခ)              (စနေနေ့(နေ့လည်၁၁နာရီ)
ဝန်ကြီးချုပ်ဟောင်းဘွန်ဒါဗစ်၏အော်စလိုစင်တာ၌သီးသန့်ဖိတ်ကြားထားသည့်တတ်သိပညာရှင်များ
အထူးဧည့်သည်များနှင့်အမေးအဖြေ၊ဆွေးနွေးမှု။

(ဂ)         နေ့လည်၁၃မှ၁၄း၃၀
      မြို့တော်ခမ်းမတွင်နိုဘယ်လ်ဆုချီးမြှင့်မည့်အခမ်းအနား၊
       ဒေါ်အောင်ဆန်းစုကြည်မှနိုဘယ်လ်မိန့်ခွန်းပြောမည်။
(မြန်မာများစုစုပေါင်း၁၅၀ခန့်ခွင့်ပြုချက်ရဟုသိရ၊ နိုဘယ်ဆုအခမ်းအနားကထိုင်ခုံ၊ရှေ့ဆုံးတန်းရော
အလယ်မှာပါ မြန်မာနိုင်ငံသားတွေကိုနေရာချပေးဘို့အစီအစဉ်ရှိတယ်လို့သိရ။
နိုဘယ်လ်ဆုအခမ်းအနားကျင်းပစဉ်လန်ဒန်မှဖိတ်ကြားထားသည့်မြန်မာအမျိုးသမီးတဦးက
မြန်မာ့စောင်းတီးခတ်ဧည့်ခံမည်။
NCGUBအဝေးရောက်ညွန်ပေါင်းအစိုးရ၀န်ကြီးချုပ်ဒေါက်တာစိန်ဝင်းလည်းအဲဒီရက်အတောအတွင်း
DVBသတင်းဌာနဘုတ်အဖွဲ့အစည်းအဝေးနဲ့တိုက်ဆိုင်နေလို့နိုဘယ်လ်ဆုအခမ်းအနားလည်း
တက်ရောက်နိုင်ဘွယ်ရှိတယ်လို့သတင်းထွက်နေ)

(ဃ) ညနေ ၁၅း၃၀မှ ၁၆း၁၅နာရီ
မြန်မာနိုင်ငံသားများကိုဒေါ်အောင်ဆန်းစုကြည်သြ၀ါဒစကားပြောမည်။
ဒါပေမဲ့၊ဒေါ်အောင်ဆန်းစုကြည်နဲ့၊မြန်မာနိုင်ငံသားများနဲ့သီးခြားတွေဆုံမဲ့အခြေအနေက
ိုနိုင်ငံခြားရေးဝန်ကြီးဌာနကအတည်ပြုမပေးပါ၊
“မိမိတို့ဒေါ်အောင်ဆန်းစုကြည်ရဲ့ပြန်ကြားရေးအဖွဲ့ထံကအတည်ပြုချက်မရသေးလို့ပါ၊
ယနေ့ထိတိကျတဲ့အစီအစဉ်များရေးဆွဲလို့မရသေးပါ”ဆိုပြီးနိုင်ငံခြားရေးဌာနပြောခွင့်ရသူကပြောပါတယ်။

(င) ညနေ၁၆း၃၀မှ၁၇း၃၀နာရီထိ
အော်စလိုဆိပ်ကမ်းကိုမျက်နှာမူထားသည့်အော်စလိုမြို့တော်ခမ်းမရှေ့ရင်ပြင်စင်မြင့်ပေါ်မှ
ဒေါ်အောင်ဆုကြည်ကလာရောက်ဂါရ၀ပြုသည့်မြို့လူထုကိုမိန့်ခွန်းပြောမည်။
(မည်သူမဆိုလာရောက်နိုင်သည့်လေဟာပြင်ဟောပြောပွဲ)

(စ)ညနေ(၁၈း၀၀နာရီမှ၁၉း၃၀)ထိ
တည်းခိုရာဟော်တယ်သိုပြန်၍အနားယူမည်။

(ဆ)ညနေ(၂၀း၀၀မှ၂၁း၀၀)ထိ
နိုဘယ်လ်ကော်မတီအဖွဲ့ဝင်(၁၅)ဦးနှင့်ဒေါ်အောင်ဆန်းစုကြည်သီးသန့်ညစာစားမည်။

                    (တတိယနေ့)
၁၇-၀၆-၂၀၁၂(တနင်္ဂနွေနေ့)
နံနက် ၀၉း၀၀မှ၁၀း၃၀နာရီထိ
နော်ဝေးနိုင်ငံခြားရေးဝန်ကြီးအပါအ၀င်ဝန်ကြီးအဖွဲ့နှင့်တွေဆုံမည်။

နံနက်၁၁း၃၀
နော်ဝေးနိုင်ငံဒုတိယမြို့တော်ဘာဂင်သို့သွားရန်လေဆိပ်ဆင်းမည်။
၁၉၉၀ခုနှစ်ကဒေါ်အောင်ဆန်းစုကြည်ကိုချီးမြှင့်ခဲ့သည့်ရပ်ဖ်တိုလူ့အခွင့်အရေးဖောင်ဒေးရှင်း
သိုဆုလက်ခံမည့်ခရီးစဉ်ဖြစ်သည်။(အဆိုပါရပ်ဖ်တိုလူ့အခွင့်အရေးဆုသည်ဒေါ်အောင်ဆန်းစုကြည်
အားပထမဆုံးအကြိမ်နိုင်ငံတကာမှနှင်းအပ်သည့်ဆုဖြစ်ပြီး၊ဘာဂင်မြို့သားသော်ရိုးရပ်ဖ်တ
ိုထင်ရှားသည့်လူ့အခွင့်အရေးလှုပ်ရှားသူ၁၉၂၂-၁၉၈၆)
နေ့လည်စာကိုရပ်ဖ်တိုဖောင်ဒေးရှင်းမှပုဂ္ဂိုလ်များနှင့်အတူစားမည်။

နေ့လည်၀၁း၀၀နာရီ
ရပ်ဖ်တိုလူ့အခွင့်အရေးဆုကိုလက်ခံမည်၊ဒေါ်အောင်ဆန်းစုကြည်မိန့်ခွန်းပြောမည်။
ဒုတိယမြောက်အစီအစဉ်အဖြင့် ရပ်ဖ်တိုဟောက်စ်(ရပ်ဖ်တိုရိပ်သာ)တွင်ဖွင့်လှစ်ထားသည့်
ဒေါ်အောင်ဆန်းစုကြည်အခန်း(Aung San Suu Kyi’s Room)သို့လှည့်လည်ကြည့်ရှုမည်။
မြန်မာနိုင်ငံသားများနှင့်တွေ့ဆုံမည်၊သြ၀ါဒစကားပြောမည်။

တတိယမြောက်အစီအစဉ်အဖြင့်ညနေ၁၆း၀၀ခန့်တွင်ဘာဂင်မြို့လည်လူထုရင်ပြင်၌စုစည်း
ရောက်ရှိလာသည့်ဘာဂင်မြို့သူမြို့သားများကိုနှုတ်ခွန်းဆက်စကားပြောဆိုမည်။

ညနေပိုင်းအော်စလိုသို့ထွက်ခွါမည်။
မိတ်ဆွေဖြစ်သူဝန်ကြီးချုပ်ဟောင်းဘွန်ဒယ်ဘစ်ခ်တည်ခင်းဧည့်ခံသောညစာစားပွဲသို့
တက်ရောက်မည်။

စတ္ထုထနေ့(နောက်ဆုံးနေ့)
၁၈-၀၆၂၀၁၂(တနင်္လနေ့)

နံနက်၀၉း၀၀နာရီ
နော်ဝေးပါလီမန်ကိုလေ့လာကြည့်ရှုမည်၊နိုင်ငံခြားရေးဌာန၀န်ကြီးများနှင့်နှုတ်ဆက်မည်။
နော်ဝေးကာကွယ်ရေးဌာနလူကြီးများနှင့်တွေ့မည်။

ထိုမှတဆင့် နိုဘယ်လ်ငြိမ်းချမ်းရေးဆုရှင်များ၊နိုင်ငံတကာခေါင်းဆောင်များပါဝင်ဖွဲစည်းထားသော
အော်စလိုဖိုရမ်ဖွင့်ပွဲသို့တက်ရောက်ဖွင့်လှစ်ပြီးမိန့်ခွန်းပြောမည်။

နေ့လည်ပိုင်းတွင် အော်စလိုလေဆိပ်မှတဆင့်အိုင်ယာလန်နိုင်ငံသို့ထွက်ခွါမည်။

မှတ်ချက်။
(၁)
နိုဘယ်လ်ဆုချီးမြှင့်သည့်ညချမ်းတွင်အိုင်ယာလန်မှကမ္ဘာကျော်အဆိုတော်ဘိုနီဦးဆောင်သည့်
U2တေးဂီတအဖွဲ့ကအော်စလိုသိုလာရောက်ဧည့်ခံဖြေဖြော်မည်ဟုသတင်းရသည်၊
(အတည်မပြုနိုင်သေးပါ။)
(၂)
ဒေါ်အောင်ဆန်းစုကြည်ရဲ့ယခုခရီးစဉ်အတွင်း (World Freedom Fund)ဆိုတဲ့မြန်မာပြည်ဒီမိုက
ရေစီစနစ်အသွင်ပြောင်းရေးအတွက်ဘက်စုံကဏ္ဍများ
မြှင့်တင်ရေးဆိုင်ရာလုပ်ငန်းများအတွက်ရံပုံငွေအဖွဲ့တခုကိုဒေါ်အောင်ဆန်းစုကြည်ကိုအကြီး
အမှုးအဖြစ်ထားပြီးနော်ဝေးနိုင်ငံကဂုဏ်သိက္ခာကြီးမားတဲ့နိုင်ငံရေး၊့လူမှုရေးနယ်ပယ်ကပုဂ္ဂိုလ်များနဲ့
ဖွဲ့စည်းမယ်လို့အဆိုပါအဖွဲ့ကိုကမကထပြုဆောင်ရွက်နေသူတဦးထံကတဆင့်သတင်းရပါတယ်။
လောလောဆယ် အဲဒီအဖွဲ့ကိုဆွီဒင်နိုင်ငံကနော်ဝေးခရိုနာတသန်းမတည်ထားကြောင်းသိရတယ်။
(အသေးစိတ်သတင်းမထုတ်ပြန်သေးပါ)
သတင်းထောက်ကိုညို(အော်စလို)