ကရင်၊ဗမာ၊ကုလား၊တရုပ်၊အမေရိကန်၊အင်္ဂလိပ်တွေ ----

ကျွန်တော်ပြောပြချင်တဲ့ ၃ချက်ရှိပါတယ်။
(၁) ကျွန်တော်လူဖြစ်ရတာ ကျေးဇူးတင်တယ်။ ကံကောင်းလို့ လူဖြစ်နေတာမဟုတ်ပါဘူး။ ဖန်ဆင်းရှင်ရှိလို့ လူဖြစ်နေရတာပါ။ ဒါကြောင့်မို့ ဒီလောကကြီးမှာ လူ၂မျိုးပဲရှိတယ်။ ဘာပဲယုံကြည်၊ယုံကြည်၊ ကွန်မြူနစ်ပဲ ခေါ်ခေါ်၊ ဘာသာတရားရှိတဲ့သူပဲ ခေါ်ခေါ်၊ ဂုဏ်ချုပ်ကြီးပဲ ခေါ်ခေါ်၊ လူ၂မျိုးပဲ ရှိပါတယ်။ ဘုရားကိုသိသောသူ ဆိုတာရှိတယ်။ ဘုရားကို မသိသောသူ ဆိုတာ ရှိတယ်။ ဘုရားကို သိသောသူသည် ဘုရားလူ ဖြစ်တယ်။ ဘုရားကို မသိသောသူသည် စာတန်လူဖြစ်တယ်။

(၂) ဘုရားရှင် ကျွန်တော်တို့ကို ပေးထားတဲ့ ဆုကျေးဇူးမှာ အကြီးဆုံး ဆုကြေးဇူးဟာ ဖြစ်ရင် ဟောဒီမှာရှိတဲ့ ကျွန်တော်တို့အားလုံးဟာ လွတ်လပ်စွာ ကိုယ်ပိုင်ရွေးချယ်ခွင့်ရှိတယ်။ ဟိုက အမိန့်တွေ ထုတ်လို့၊ ဒီက အာဏာတွေ ထုတ်လို့၊ ဘယ်သူက ဘယ်လိုဆွဲခေါ်လို့ အပိုတွေ ရှောက်ပြောမနေပါနဲ့။ ကျွန်တော်တို့ကို ဘုရားက ပေးထားတဲ့ ဆုကျေးဇူးဟာ လွတ်လပ်စွာ ရွေးချယ်လို့ရပါတယ်။

ဒါကြောင့်မို့ ကျွန်တော့်အနေနဲ့ ဘုရားသခင်ကို ရွေးချယ်လို့ ရပါတယ်။ စာတန်ကို ရွေးချယ်လို့ ရပါတယ်။ စာတန်ကိုရွေးချယ်ရင် ကျွန်တော်ဟာ စာတန်လူဖြစ်မှာပဲ၊ ဘုရားရှင်ကို ရွေးချယ်ရင် ကျွန်တော်ဟာ ဘုရားလူ ဖြစ်မှာပဲ။ ဒါကြောင့်မို့ ကရင်တွေ၊ ဗမာတွေ၊ ကုလားတွေ၊ တရုပ်တွေ၊ အမေရိကန်တွေ၊ အင်္ဂလိပ်တွေ၊ လုပ်မနေပါနဲ့။ ဘုရားလူ ဖြစ်ကြရအောင်။

ဒါဟာ ဘုရားရှင်ပေးတဲ့ ဆုကျေးဇူးဖြစ်တယ်။

(၃) နောက်ဆုံးတချက် ကျွန်တော်ပြောချင်တာက ဘုရားရှင်သည် လူကိုဖန်ဆင်းတဲ့အချိန်မှာ ထိုလူထဲမှာသာလျှင် ၀ိညာဉ်ဆိုတာကို ထည့်သွင်းပေးပါတယ်။ ၀ိ ဆိုတဲ့ အထူး၊ ညာဉ်ဆိုတဲ့ သိခြင်း၊ အဲဒါက လူမှာပဲရှိတယ်။ အဟိတ် တိရိစ္ဆာန်တွေကိုလည်း ဘုရား ဖန်ဆင်းတာပဲ။ ဒါပေမဲ့ အဟိတ် တိရိစ္ဆာန်ကို ဘုရားဖန်ဆင်းတုံးက ၀ိညာဉ်ကို မထည့်သွင်းပေးဘူး။ လူယောင်္ကျားနဲ့၊ လူမိန်းမကို ဖန်ဆင်းတဲ့အခါမှ ၀ိညာဉ်ကို ဖန်ဆင်းပေးတယ်။ ဒါကြောင့်မို့လို့ ကျွန်တော်တို့ လူဟာ အရမ်းကြီးမားတယ်။ ဘုရားရှင်ရဲ့ ၀ိညာဉ်ရှိလို့ ကျွန်တော်တို့ ရွေးချယ်တတ်တယ်။ ကျွန်တော်တို့မှာ ဆင်ချင်တုံတရားရှိတယ်။ အမှားနဲ့အမှန်ကို ကျွန်တော်တို့ သိတယ်။ ဒါကြောင့် ဒီနေ့ကျွန်တော်တို့ သာမန်လူလောက်နဲ့ မကြေနပ်နေပါနဲ့။ တဆင့်တက်ရအောင်။ တဆင့်တက်တဲ့အခါ ဘာဖြစ်မလဲ .. ဘုရားလူ ဖြစ်မယ်။ ယေရှုခရစ်တော်ကိုသာ ယုံကြည်သောသူသည် ဘုရားလူဖြစ်တယ်။

ဘုရားရှင် ကောင်းကြီးပေးပါစေ။

ဧ၀ံဂေလိတရားဟောပွဲ၊
အမ်စီအေ၊ ဘန်ကောက်မြို့
ဒီဇင်ဘာ-၂၀၀၇

Posted in: တရားဟောချက်များ