ပက်ဒရို၏ သွင်းဂိုးကို ခွင့်ပြုခဲ့ခြင်းမှာ စည်းကြပ်ဒိုင်၏ အမှားဟု မော်ရင်ဟို ဝေဖန်

ရီးယဲလ်မက်ဒရစ် နည်းပြ ဟိုဆေး မော်ရင်ဟိုက ဘာစီလိုနာအား အရေး နိမ့်ခဲ့သည့် စပိန်စူပါ ဖလား ပထမ အကျော့ ပွဲစဉ်တွင် ပက်ဒရို ဟာနန်ဒက်ဇ်၏ သွင်းဂိုးမှာ လူကျွံနေကြောင်း ပြောကြားလိုက်သည်။
(၃-၂)ဖြင့် ဘာစီလိုနာက အနိုင် ရခဲ့သော နူးကမ့် အားပြိုင်မှုတွင် ခရစ္စတီယာနို ရော်နယ်လ်ဒိုက ရီးယဲလ်အတွက် ဦးဆောင်ဂိုး သွင်းယူပြီး မိနစ်ပိုင်း အတွင်း စပိန်သား ပက်ဒရိုက ချေပခဲ့သည်။ ကွင်းလယ်မှ ကန်ပို့ ပေးလိုက်သော ဘောလုံးကို ပက်ဒရိုက ရီးယဲလ် နောက်ခံလူ ဖေဘီယို ကွန်ထရာအိုအား ကျော်ဖြတ် ရယူပြီး ဂိုးသွင်းခဲ့ရာ မော်ရင်ဟိုက ပက်ဒရိုသည် ဘောလုံးမရမီ လူကျွံနေကြောင်း ပြောဆိုခဲ့သည်။ ၎င်းက ယင်းဂိုးကို ခွင့်ပြုခဲ့သော ဒိုင်၏ ဆုံးဖြတ်ချက်သည် မှားယွင်းကြောင်းလည်း ဝေဖန်သွားသည်။

"ဘာစီလိုနာ ရသွားတဲ့ ပထမဂိုးကတော့ လုံးဝဥဿုံ စည်းကြပ်ဒိုင်ရဲ့ အမှားပါ။ သေချာပါတယ်"ဟု မော်ရင်ဟိုက ပွဲအပြီးတွင် သတင်းထောက်များအား ပြောကြားခဲ့သည်။ ပေါ်တူဂီသား နည်းပြက ယခုပွဲတွင် ပွဲထွက်နေရာ ရခဲ့သည့် ဟိုဆေး ကာလီဂျွန်ကိုမူ ချီးကျူးသွားသည်။ စပိန် တောင်ပံ ကစားသမားနှင့် ပတ်သက်ပြီး မော်ရင်ဟိုက "ကာလီဂျွန် ကစားတာ ကောင်းတယ်။ သူက ဒီပွဲအတွက် ကောင်းကောင်း ပြင်ဆင်ထားတာပါ။ သူ့ရဲ့ လုပ်အားနှုန်းနဲ့ ကြိုးစားမှုကို ကျွန်တော် တော်တော်လေး သဘော ကျသွားပြီ" ဟု မှတ်ချက်ပြုသွားသည်။
ဘာစီလိုနာ ရသွားတဲ့ ပထမဂိုးကတော့ လုံးဝဥဿုံ စည်းကြပ်ဒိုင်ရဲ့ အမှားပါ။ သေချာပါတယ်...

Posted in: အားကစား