ပုပ်ရဟန်းမင်းကြီးရဲ့ ဘဏ္ဍာစိုးဟောင်း ထောင်ကျ

ရိုမန်ကက်သလစ် ခရစ်ယာန် ဘာသာဝင်တွေရဲ့ သာသနာပိုင် ပုပ်ရဟန်းမင်းကြီး ဘယ်နဲဒစ်(တ်) (Pope Benedict) ရဲ့ ဘဏ္ဍာထိန်းဖြစ်ခဲ့သူကို၊
ပုပ်ရဟန်းမင်း ကြီးရဲ့ ကိုယ်ရေးကိုယ်တာ စာရွက်စာတမ်းတွေ ခိုးယူပြီး စာနယ်ဇင်းသမား တစ်ဦးဆီကို ပေးပို့ခဲ့မှုဟာ ပြစ်မှုထင်ရှားတယ်လို့၊ ဗာတီကန် (Vatican) က တရားရုံးတစ်ရုံးကနေ စနေနေ့က ဆုံးဖြတ်လိုက်ပါတယ်။

 ဒါပေမဲ့လည်း ပုပ်ရဟန်းမင်းကြီးက ပါအိုလို ဂေဘရီရယ်လ် (Paolo Gabriele) အမည် ရှိတဲ့ ဒီပုဂ္ဂိုလ်ကို ပြစ်ဒဏ်ကနေ လွတ်ငြိမ်းချမ်းသာခွင့် ပေးလိမ့်မယ်လို့၊ ဗာတီကန် ပြောရေးဆိုခွင့်ရှိသူက ဆိုပါတယ်။

စနေနေ့က တရားရုံးမှာ တရားသူကြီး ဂစ်ဆက်ပ်ဒိုင်လာထိုး (Giuseppe Daila Torre) က တရားသူကြီးသုံးဦးပါ အဖွဲ့ရဲ့ ဂေဘရီရယ်လ် အပေါ် ပြစ်ဒဏ်စီရင်ချက် အဖြစ် ထောင်ဒဏ် (၁၈) လ ချမှတ်ကြောင်း၊ ဖတ်ကြား ကြေညာသွားခဲ့ပါတယ်။

 ဂေဘရီ ရယ်လ်ဟာ အသက် (၄၆) အရွယ် ကလေးသုံးယောက်ရဲ့ ဖခင်ဖြစ်ပြီးတော့၊ သူနဲ့ အမှုတွဲ တတွဲတည်း ဖြစ်တဲ့ ဗာတီကန် က ကွန်ပျူတာ ကျွမ်းကျင်သူကိုတော့ သီးခြား တရားစစ်ဆေးစီရင်မှာ ဖြစ်ပါတယ်။

မူလက တရားသူကြီး ဂစ်ဆက်ပ်ဒိုင်လာထိုး အပေါ် ပြစ်ဒဏ် အဖြစ် ထောင်ဒဏ် ၃၆ လ ချမှတ်ခဲ့ပေမဲ့၊ ဂေဘရီရယ်လ်ရဲ့ တာဝန်ကျေပြွန်စွာ ထမ်းဆောင်ခဲ့မှုနဲ့ ပြစ်မှုမှတ်တမ်း ကင်းရှင်းတာတွေကို ထောက်ထားပြီး ချက်ချင်းပဲ ထောင်ဒဏ် (၁၈) လ လျှော့ပေါ့ချမှတ်ခဲ့တာပါ။

ဂေဘရီရယ်လ်က ပုပ်ရဟန်းမင်းကြီးရဲ့ ကိုယ်ရေးကိုယ်တာ စာရွက်စာတမ်းတွေ ခိုးယူပြီးတော့၊ ဗာတီကန် ဘုရားရှိခိုးကျောင်းထဲမှာ ဖောက်လွဲဖောက်ပြန်မှုတွေ ရှိနေတယ်လို့ စွပ်စွဲထားတဲ့ စာအုပ်တစ်အုပ်ကို ရေးသားနေသူ စာနယ်ဇင်းသမားဆီ ပေးပို့ခဲ့တယ် လို့ ၀န်ခံထွက်ဆိုခဲ့ ပါတယ်။ ဂေဘရီရယ်လ်က သူ့ကို ခွင့်လွှတ်ဖို့ ပုပ်ရဟန်းမင်းကြီး ဘယ်နဲဒစ်(တ်) ဆီကို စာတစ်စောင် ရေးသားပေးပို့ခဲ့ပါတယ်။

VOA (မြန်မာပိုင်း)

Posted in: မြန်မာ