Tamu ah Bomb puak mi 1 si

(Zogampost) -- January 31 ni nitak lam nai 3:30 pm kiim bawl in India-kawlgam gi Tamu khuasung No.2 vengah apuakkham khat om in naupang khat si pah hi ci-in thu kiza hi.

Tua apuak khamna mun ah Win Kyaw aki ci naupang kum 3 gualkhat si in, naupang pa ii Unu Mah Win Win Khaing kum 5 gual pen liampha mahmah in Tamu zatopi ah kipauk hi ci-in Irrawaddy ten gen hi.

Nuapang te' Nu pen India sing nuaimi Meitei te tawh kizop na anei khat hi a, khatpeuh in khut tawi bomb (hand-grenade) tawh a-va deng hi ding in khua sungmi ten um mawk uh hi.

Meitei singnuai mite atam na gamgi khua ahi bang mah in amau leh amau zong kikap thei zel uh a, tua ahih man in khua sungmi te ading dimkuah patau huai mahmah hi ci-in khua sungmi ten gen hi.

Puakkham na vaitawh kisai in athu leh ala aki ciantak in kithei nai lo in,  Tamu palik ten thusit in thukan san lai tak ahi cin thu kiza hi.

Tuaban ah India gam Manipur Election vai hang in mi 7 bang ki kaplum khin ta cin zong kiza hi.

India-kawlgam gi Tamu khusung zipi teng aki muh laitak hi. Photo: Tongsan

Posted in: Tedim New