Paletwa တွင် ALP ဆက်ဆံရေးရုံး ထားရှိရေး ခူမီးချင်းများကန့် ကွက်

ချင်းပြည်နယ် ပလက်ဝမြို့ ပေါ်တွင် Arakan Libration Party (ALP) ဆက်ဆံရေးရုံး ထားရှိရေးကို ပြည်ပရောက် ခူမီးမျိုးနွယ်စုများမှ ကန့် ကွက်ကြောင်း ၂၆ ရက်နေ့က ကျင်းပပြုလုပ်သည့် Seminar on setting Liaison office (ALP) in Paletwa တွင်ထုတ်ဖေါ်ခဲ့ ကြသည်။

အိန္ဒိယနိုင်ငံ နယူးဒေလီမြို့ တွင် အခြေစိုက်သည့် Khumi Development Organization (KDO) ကကြီးမှူး ကျင်းပသော ယင်းဆီမီနာတွင် မိမိတို့  ခူမီး မျိုးနွယ်စုများသည် ရှေးဖိုးဘွားခေတ် ကတည်းက ပလက်ဝမြို့ နယ်တွင် နေထိုင်ကြသူများဖြစ်ပြီး လူမှု ရေး၊ ယဉ်ကျေးမှုစသည့်ကိစ္စ များတွင် ရခိုင်လူမျိုး များနှင့် လုံးဝ မတူညီကြကြောင်း၊ ယခုကဲ့သို့  မိမိတို့  ခူမီးမျိုးနွယ်စုနေ ထိုင်သည့် ပလက်ဝမြို့ တွင် ALP မှဆက်ဆံရေးရုံး ထားရှိရန် ရခိုင်ပြည်နယ်အစိုးရနှင့် ALP အကြား သဘောတူ ထားချက်အပေါ် လုံးဝကန့် ကွက်ကြောင်း KDO ဥက္ကဌ Mr. Luka ကပြောကြားခဲ့သည်။

ဒေလီတွင် ရောက်ရှိနေထိုင်ကြသည့် Zomi National Congress, Chin National Front, Chin Community Network, Falam community, Hakha community, Matu community, Zotung community, Chin Refugee Committee မှကိုယ်စားလှယ် ၅၀ ခန့်တက်ရောက်ခဲ့ကြသည်။

ဆက်ဆံရေးရုံးမထားရှိရေးကန့် ကွက်သည့် Signature campaign ကိုလည်းဆက်လက်ပြုလုပ်ပြီး အိန္ဒိယနိုင်ငံ နယူးဒေလီရှိ မြန်မာသံရုံးကို ပေးပို့ မည်ဖြစ်ကြောင်း ယင်းဆီမီနာက ဆုံးဖြတ်ခဲ့ကြ သည်။

အလားတူ ချင်းပြည်နယ်ပလက်ဝမြို့နယ်တွင်လည်း ခူမီးလူငယ်များက ဆက်ဆံရေးရုံးမထားရှိရေး Signature Campaign ပြုလုပ်နေကြပြီး နိုင်ငံတော် သမ္မတ ဦးသိန်းစိန်ထံ ပေးပို့ကြမည်ဟု လည်း သိရှိရသည်။

ဒေလီရှိ Zomi National Congress (ZNC)၏တာဝန်ခံ Mr. Min Thang က” ပြည်နယ်တခုကို ကျော် ပြီး ဆက်ဆံရေးရုံးဖွင့်ဖို့ လုပ်နေတာ ကတော့ မသင့်တော်ဘူးပေါ့။ ဒါကို ကန့် ကွက် တယ်” ဟုယင်း ဆီမီနာတွင် ပြောကြားခဲ့သည်။

ချင်းပြည်နယ်ပလက်ဝမြို့ တွင် ALP ၏ဆက်ဆံရေးရုံးထားရှိရေးကို ၂၀၁၂ ခုနှစ် ဧပြီလ ပထမပတ် အတွင်းကျင်းပသည့် ရခိုင်ပြည်နယ်အစိုးရနှင့် ALP တို့ အကြား ပြည်နယ်အဆင့် ဆွေးနွေးပွဲတွင်  သဘော တူလက်မှတ်ရေးထိုးခဲ့သည်။

Posted in: မြန်မာ