ပရီးမီးယားလိဂ် ထိပ်တန်းကလပ် (၃)သင်းတို့သည် ယူကရိန်း၏ လီယွန်နယ်လ် မက်ဆီဟု တင်စားခြင်း ခံရသူ လူငယ် ကစားသမားလေး တစ်ဦးအား ချိတ်ဆက်နေကြောင်း သိရှိရသည်။
ယက်ဗ်ဟန်း ကိုနိုပလိုင်ယန်ကာကို အာဆင်နယ်၊ ချယ်လ်ဆီးနှင့် မန်ချက်စတာ ယူနိုက်တက် အသင်းများက အလို ရှိနေကြောင်း သတင်းများက ဆိုသည်။ အသက်(၂၂)နှစ်သာ ရှိသေးသော တိုက်စစ် အားသန်သည့် ကွင်းလယ် ကစား သမားလေးသည် တောင်ပံများနှင့် နောက်ချန် တိုက်စစ်မှူး နေရာတွင်ပါ ကျွမ်းကျွမ်းကျင်ကျင် ကစားတတ်သူလည်း ဖြစ်သည်။ ကိုနိုပလိုင်ယန်ကာသည် ဒီနီပရို အသင်းမှ ထွက်ခွာကာ ဥရောပ ထိပ်တန်း ပြိုင်ပွဲများတွင် မိမိ၏ ခြေစွမ်းအပေါ် အတည်ပြု စမ်းသပ်ရန် လိုလားလျှက် ရှိနေသည်။
ယူကရိန်း မက်ဆီဟု တင်စားခံရသည့် ကိုနိုပလိုင်ယန်ကာ
ဥရောပ ဖလား ပြိုင်ပွဲဝင် ယူကရိန်း အသင်းအတွက် ကိုယ်စားပြုခွင့် ရထားသော ကိုနိုပလိုင်ယန်ကာအား အင်္ဂလန် ပရီးမီးယားလိဂ် ကလပ် အသင်းများက အစမ်းခေါ်ယူရန် ဆန္ဒရှိနေကြသည်။ ဘောလုံး စွမ်းရည် ပြည့်စုံ ကောင်းမွန်ခြင်းကြောင့် ဘာစီလိုနာ ကြယ်ပွင့် မက်ဆီနှင့် ခိုင်းနှိုင်းခြင်း ခံရသော ကိုနိုပလိုင်ယန်ကာအား မန်ယူအသင်း မန်နေဂျာ ဆာအဲလက်စ် ဖာဂူဆန်က အိုးလ်ထရက်ဖို့ဒ်သို့ ဖိတ်ခေါ်ရန် ဆန္ဒ ရှိနေသလို ချယ်လ်ဆီးကလည်း စောင့်ကြည့်နေသည်။ မာကိုမာရင်နှင့် အီဒင်ဟာဇက်တို့ကို ခေါ်ယူရန် သဘော တူညီမှု ရရှိထားသည့်တိုင် ချယ်လ်ဆီးသည် နောက်ချန်တိုက်စစ် ကစားသမားသစ် တစ်ဦးကို ချိန်ရွယ်နေဆဲ ဖြစ်သည်။
ကိုနိုပလိုင်ယန်ကာကို အာဆင်နယ်၊ ချယ်လ်ဆီးနှင့် မန်ချက်စတာ ယူနိုက်တက် အသင်းများက အလို ရှိနေကြောင်း သတင်းများက ဆို...
ဥရောပ တစ်လွှားမှ တက်သစ်စ လူငယ် ကြယ်ပွင့်လေးများကို ရှာဖွေ အရောင်တင်ပေးရာတွင် ထူးချွန်သော အာဆင်နယ် မန်နေဂျာ အာစင်ဝင်းဂါးသည်လည်း ကိုနိုပလိုင်ယန်ကာအား စိတ်ဝင်စားနေကြောင်း သတင်းများက ဖော်ပြသွားသည်။
Ref: Give Me Football
5:31 PM
Admin
Posted in: 

0 comments:
Post a Comment
သတင်း၊ ဆောင်းပါး ၊တိုင်ကြားစာ ၊ နည်းပညာ ၊ တရားဟောချက် etc မည်သူမဆို လွှတ်လပ်စွာရေးသား ပေးပို့နိုင်ပါသည်။
သင်၏ဝေဖန်အကြံပြုစာသည် ကျတော်တို့အတွက် နောက်တဖန်ရေးသားဖို့ရန်အတွက် အားဆေးဖြစ်စေလိုပါသည်။ အချိန်ယူကာ ဝင်ရောက်ဖတ်ရှုခြင်းအတွက် အထူးကျေးဇူးတင်ပါသည်။
ခင်မင်လေးစားစွာဖြင့်- Admins
Email - simonkamta@thespiritfruit.com