ကိုယ်ပိုင်ကျောင်းဥပဒေကြောင့် မြန်မာနိုင်ငံပညာရေးတိုးတက်လာနိုင်သလား? ~ The Spirit Fruit

ကိုယ်ပိုင်ကျောင်း(Private School)

ပြီးခဲ့တဲ့ပညာရေးဆောင်းပါးဖြစ်တဲ့ အငိုလွယ်ပြီးအရှိုက်ခက်လာနိုင်သော ကိုယ်ပိုင်ကျောင်းဥပဒေမှာ ရေးသားခဲ့သလို မြန်မာနိုင်ငံပညာရေး ကိုယ်ပိုင်ကျောင်းဥပဒေကြောင့်တိုးတက်လာနိုင်သလားဆိုတာကိုဆွေးနွေးချင်ပါတယ်။ ဒီနေ့ ကိုယ်ပိုင်ကျောင်း(Private School)နှင့် အလွတ်ပညာသင်ကျောင်း (Tution)မတူဘူးဆိုတာ သိရပါမယ်။ မြန်မာနိုင်ငံမှာ တစ်လျောက်လုံးဖြစ်ထွန်းလာခဲ့တာ ကျူရှင်လို့ခေါ်တဲ့ အလွတ်ပညာသင်ကျောင်းတွေပါ။

နိုင်ငံတကာမှာလည်းရှိပါတယ် မိမိတက်ရောက်လိုတဲ့တက္ကသိုလ်တစ်ခုရဲ့သင်ရိုးညွှန်းတမ်းဘောင်အတွင်းမှာ သင်ကြားတဲ့ကျောင်း(သို့) သင်တန်းက သင်ကြားတာတွေကို နားမလည်လို့ (သို့) ပိုမိုတတ်ကျွမ်းချင်လို့ မိမိသင်ကြားလိုသော ဘာသာရပ် တစ်ခု (သို့) ဘာသာအားလုံးကို မိမိပိုင်ငွေကြေးနဲ့အချိန်ပို သင်ကြားကြရခြင်းပါ။ သင်ကြားတဲ့ဆရာ၊ဆရာမများကလည်း မိမိတို့ ကျွမ်းကျင်တဲ့ဘာသာရပ်အလိုက်သော၎င်း၊ အစုအဖွဲ့လိုက်သော်၎င်း သက်ဆိုင်ရာဝန်ကြီးဌာနမှာ မှတ်ပုံတင်ပြီး သင်ကြားကြရတာပါ။

မြန်မာနိုင်ငံမှာလည်း(၁၉၈ဝ)ပတ်ဝန်းကျင်လောက်က ဒါနဲ့ပတ်သက်ပြီး ကျူရှင်ဥပဒေတစ်ခု ပြဌာန်းခဲ့ပါတယ်။ ဒီနေ့အချိန်ထိလည်းဖျက်သိမ်းခြင်းမရှိသေးတာတွေ့ရပါတယ်။အသက်ဝင်နေဆဲပါ။ ဒီနေ့ မြန်မာနိုင်ငံမှာသင်ကြားနေတဲ့ကျူရှင်ဆရာအများစုဟာ ဒီဥပဒေအရတရားဝင်မှတ်ပုံတင်ပြီးသင်ကြားရမှာ ဖြစ်ပေမဲ့လည်း (၉ဝ%)လောက်ဟာ မှတ်ပုံတင်တဲ့သူနည်းပါးပါတယ်။ မှတ်ပုံမတင်တာကလည်း ပညာရေးဝန်ကြီးဌာနရဲ့ လုပ်ထုံးလုပ်နည်းရှုပ်ထွေးမှုရယ်၊ တစ်ချို့သောအချက်လေးတွေက ခေတ်ရဲ့တောင်းဆိုမှုနဲ့မကိုက်ညီတာရယ်ကြောင့်ပါ။ ဒီအထဲမှ သင်ကြားမှုငွေကြေးရယ်၊ တစ်မိုးအောက်မှာပြသနိုင်တဲ့ ဘာသာအရေအတွက်ရယ် နဲ့ကျန်တာလေးတွေ အနည်းငယ်ပြောင်းလဲလိုက်ရင်ကို ဒီဥပဒေဟာတော်တော်လေးပြည့်စုံမျှတတယ်လို့ပြောရမှာပါ။

ဒီကျူရှင်ကျောင်းတွေမှာ တော့ ကျောင်းစာအမှတ်ကောင်းအောင်သင်ကြားခြင်းတာဝန်သာသီးသန့်ဖြစ်လို့ လိုအပ်ချက်နည်းပါးသလို တာဝန်ယူမှုလည်း နည်းပါးပါတယ်။ ဒါအပြင် . .ကျောင်းသားကျောင်းသူတွေရဲ့ ဗလငါးတန်ဖွံ့ဖြိုးမှုမှာလည်း ဝေးကွာလွန်းလှပါတယ်။ ဒါပေမဲ့လည်း ကိုယ်ပိုင်ကျောင်း (Private School) တစ်ခုဖွင့်လှစ်တော့မယ်ဆိုရင်တော့ သင်ကြားရေးကောင်းမွန်မှုနှင့် အမှတ်ကောင်းယုံမျှမကတော့ဘဲ ကျောင်းသားကျောင်းသူများရဲ့ ဘဝရှေ့ရေးအတွက် တာဝန်ယူမှုတွေအများကြီးရှိလာပါတယ်။
အဓိကအရေးအကြီးဆုံးအချက်တွေကတော့ -

၁။    ကိုယ်ပိုင်ကျောင်းတစ်ကျောင်တည်ထောင်ဖွင့်လှစ်မည့်သူတိုင်းသည် မိမိဖွင့်လှစ်မည့်ကျောင်းနေရာ၏ မြေယာပိုင်ဆိုင်မှုအထောက်အထားပြနိုင်ရမည်။(အဘယ်ကြောင့်ဆိုသော်-မြေယာဌားရမ်းဆောင်ရွက်ပါက ကျောင်းရပ်တည်မှုတည်ငြိမ်မှုမရှိနိုင်ခြင်း၊ အာမခံချက်မရှိခြင်း)။

၂။    ကိုယ်ပိုင်ကျောင်းတစ်ကျောင်းတည်ထောင် ဖွင့်လှစ်မည့်သူတိုင်း သင့်တင့်သောငွေကြေးတစ်ရပ်ထူထောင်၍ နိုင်ငံတော် (သို့) သက်ဆိုင်ရာဝန်ကြီးဌာနတွင်(Deposite Money) အပေါင်အဖြစ်ထားရှိခြင်း။                        ( အဘယ်ကြောင့်ဆိုသော ကျောင်းသားကျောင်းသူများနှင့် ပတ်သက်၍ တစ်စုံတစ်ရာနစ်နာမှုများ ကြုံတွေ့လာပါက ဖြေရှင်းဆောင်ရွက်ပေးနိုင်ရန်)။

၃။    ကိုယ်ပိုင်ကျောင်းတစ်ကျောင်တည်ထောင်ဖွင့်လှစ်မည့်သူတိုင်းကျောင်းအုပ်ချုပ်ရေးဘုတ်အဖွဲ့ရှိရပါမယ်။ (ဘာကြောင့်လည်းဆိုတော့ ကျောင်းအုပ်ချုပ်မှု၊ စီမံခန့်ခွဲမှု၊ မိဘနှင့် ကျောင်းသား၊ကျောင်းသူတို့အား ကာကွယ်စောင့်ရှောက်တာဝန်ခံမှု) တစ်ဦးတစ်ယောက်တည်းက မိမိစိတ်သဘောကျဆောင်ရွက်ပါက မိဘနှင့် ကျောင်းသား၊ကျောင်းသူများ နစ်နာစေနိုင်ခြင်း။

၎။    ကိုယ်ပိုင်ကျောင်းတစ်ကျောင်တည်ထောင်ဖွင့်လှစ်မည့်သူတိုင်း မိမိကျောင်းသားကျောင်းသူများ ဆက်လက် တက်ရောက်သင်ကြားမည့်တက္ကသိုလ်ဘုတ်အဖွဲ့မှ သတ်မှတ်ထားသော သင်ရိုးညွှန်းတမ်း ဘောင်အတွင်းမှ ရေးဆွဲထားသော မိမိကျောင်းပိုင်သင်ရိုးညွှန်းတမ်းရှိခြင်း။ နိုင်ငံတကာတက္ကသိုလ်၊ပြည်တွင်းတက္ကသိုလ်များဖြင့် ချိတ်ဆက်ထားခြင်း။

၅။    ကိုယ်ပိုင်ကျောင်းတစ်ကျောင်တည်ထောင်ဖွင့်လှစ်မည့်သူတိုင်း မိမိကျောင်းတွင်ဖွင့်လှစ်ထားသော သင်တန်းများနှင့် လျော်ညီလုံလောက်သော သတ်မှတ်ချက်နှင့်ကိုက်ညီသည့် ဆရာ ဆရာမဝန်ထမ်းအင်အား ဖွဲ့စည်းပုံနှင့်အညီရေးသားတင်ပြ၍ ခန့်အပ်တာဝန်ပေးခြင်း။

၆။    ကိုယ်ပိုင်ကျောင်းတစ်ကျောင်တည်ထောင်ဖွင့်လှစ်မည့်သူတိုင်း ခန့်အပ်သည့်ဆရာ၊ ဆရာမနှင့် ဝန်ထမ်းများကိုလည်း နိုင်ငံတော်မှ ချမှတ်ထားသည့် အလုပ်ရှင်အလုပ်သမားဥပဒေအတိုင်းဆောင်ရွက်၍ ခံစားခွင့်များပေးခြင်း။

၇။    ကိုယ်ပိုင်ကျောင်းတစ်ကျောင်တည်ထောင်ဖွင့်လှစ်မည့်သူတိုင်း ကိုယ်ပိုင်ကျောင်းများ အရည်သွေးစစ်ဆေးရေး အဖွဲ့၏ လစဉ်၊ နှစ်စဉ် ဥပဒေနှင့်အညီစစ်ဆေးဆောင်ရွက်ခြင်းကိုအပြည့်အဝပူးပေါင်းဆောင်ရွက်ခြင်း။

၈။    ကိုယ်ပိုင်ကျောင်းတစ်ကျောင်တည်ထောင်ဖွင့်လှစ်မည့်သူတိုင်း မိမိတို့ဝင်ငွေအရကျသင့်သောအခွန်အခများကို အပြည့်အဝ မှန်မှန်ကန်ကန်ထမ်းဆောင်ခြင်း။

၉။    ကိုယ်ပိုင်ကျောင်းတစ်ကျောင်တည်ထောင်ဖွင့်လှစ်မည့်သူတိုင်း နိုင်ငံတော်မှပြုလုပ်သော ပညာရေးဆိုင်ရာ အခမ်းအနားများနှင့် လိုအပ်၍တာဝန်ပေးချက်များကို ပူးပေါင်းဆောင်ရွက်ခြင်း။

၁ဝ။    ကိုယ်ပိုင်ကျောင်းတစ်ကျောင်တည်ထောင်ဖွင့်လှစ်မည့်သူတိုင်း နိုင်ငံတော်မှချမှတ်ဆောင်ရွက်နေသော ပညာရေး ပေါ်လစီများကို ပူးပေါင်းအကောင်အထည်ဖော်ခြင်း။

၁၁။    ကိုယ်ပိုင်ကျောင်းတစ်ကျောင်တည်ထောင်ဖွင့်လှစ်မည့်သူတိုင်း နိုင်ငံတော်အစိုးရကျောင်းများနှင့်နည်းတူ ချမှတ်ထားသော စည်းမျဉ်းစည်းကမ်းများကို လိုက်နာဆောင်ရွက်ခြင်း . . . .စသည်ဖြင့် အချက်အလက်တွေနှင့်ပြည့်စုံရပါမယ်. . ။ကျန်တာတွေလည်းရှိဦးမှာပါ။
ဒါ့အပြင် အခြေခံလိုအပ်ချက်တွေဖြစ်တဲ့ –

(က)    ကျောင်းမှာ သင့်တင့်လျောက်ပတ်သောကျောင်းစာကြည့်တိုက်ရှိရပါမယ်။
(ခ)    ကျောင်းမှာကောင်းမွန်သော ကျောင်းကျန်းမာရေးစောင့်ရှောက်မှုရှိရမယ်။
(ဂ)    ကျောင်းမှာသင့်တင့်လျောက်ပတ်သော အားကစားကွင်းရှိရပါမယ်။(အနည်းဆုံးဘတ်စ်ကက်ဘောကွင်း)
(ဃ)    ကျောင်းမှာသင့်တင့်လျောက်ပတ်သောသိပံလက်တွေ့ခန်းရှိရပါမယ်။
(င)    ကျောင်းမှာသင့်တင့်လျောက်ပတ်သော မာတီမီဒီယာအခန်းရှိရပါမယ်။
(စ)    ကျောင်းမှာသင့်တင့်လျောက်ပတ်သော မုန့်ဈေးတန်းရှိရပါမယ်။

ဒီလောက်ဆိုရင် ကိုယ်ပိုင်ကျောင်းနဲ့ အလွတ်ပညာသင် သင်တန်းကွဲပြားလောက်ပြီထင်ပါတယ် . .ဒီတော့ ကျွန်တော်တို့ဆီက ကိုယ်ပိုင်ကျောင်းထောင်မည့်သူများ၊ ကိုယ်ပိုင်ကျောင်းတွင် မိမိတို့သားသမီးများကို ကျောင်းထားမည့်သူများ၊ ကိုယ်ပိုင်ကျောင်းဥပဒေကိုမြန်မြန်ဆန်ဆန်ပြဌာန်းခဲ့ကြသော လွှတ်တော်ကိုယ်စားလှယ်များ၊ ကိုယ်ပိုင်ကျောင်းများတည်ထောင်ဖွင့်လှစ်မှုကိုအသားပေးရေးသားခဲ့ကြသောမီဒီယာများအောက်ပါအချက်များကိုဖြေကြည့်ကြစေချင်ပါသည်။

၁။    ယခုပြဌာန်းသော ကိုယ်ပိုင်ကျောင်းဥပဒေကြောင့် နိုင်ငံတော်ပညာရေးတိုးတက်လာနိုင်ပါမည်လား . .

၂။    ကိုယ်ပိုင်ကျောင်းတည်ထောင်မည့်သူများမှလည်း မိမိကိုယ်ကိုမိမိ ကိုယ်ပိုင်ကျောင်း တည်ထောင် နိုင်လောက်အောင်၊ အဖက်ဖက်မှပြည့်စုံလုံလောက်နေပါပြီလား . .

၃။    အစိုးရကျောင်းများတွင် ပိုက်ဆံကုန်ပြီးပညာမတတ်၍ကိုယ်ပိုင်ကျောင်းပြောင်းထားလျှင် မိမိတို့ကလေး သေချာပေါက် ပညာတတ်ပြီလို့တစ်ထစ်ချယုံကြည်ပါသလား . .

၎။    မိဘအချို့၊ မီဒီယာအချို့ရေးသားရင်ဖွင့်သကဲ့သို့ ပညာရေးလောက အစိုးရကျောင်းမှ ဆရာ၊ဆရာမများမှာ နိုင်ငံနှင့်အဝှမ်း သုံးမရလောက်အောင်ပျက်စီးနေပါပြီလား . .

၅။    ယခုဖြစ်ပေါ်နေသောကျောင်းသားများစာမတတ်လို့ဆိုသောစကားမှာ အစိုးရ၏ပညာရေးပေါ်လစီကြောင့်လား . . ဆရာ၊ဆရာမများ၏ချို့ယွင်းချက်ကြောင့်လား . .

၆။    ဒီဥပဒေဟာ နိုင်ငံတော်ပညာရေးတိုးတက်မှုအတွက် အရေးတကြီးကိုလိုအပ်ပါသလား . .

၇။    ဒီဥပဒေဟာ နိုင်ငံတော်ပညာရေးတိုးတက်မှုအတွက် နိုင်ငံသားအများစုကိုကိုယ်စားပြုပါသလား

၈။    မီဒီယာများအနေဖြင့်လည်း ဆရာ၊ ဆရာမအချို့၏ ချို့ယွင်းချက်၊အားနည်းချက်များကို တစ်ဆိတ် တစ်အိတ်လုပ်၍ ဖော်ပြခြင်းဖြင့် မိမိတို့မီဒီယာတာဝန်ကျေပြွန်ပြီဟုယုံကြည်ပါသလား . .

၉။    နိုင်ငံအနှံနယ်စွန်နယ်ဖျားမကျန် ရိုးသားဆင်းရဲစွာဖြင့် ပညာရေးတာဝန်ထမ်းဆောင်နေကြသော ဆရာ၊ဆရာမ အများစု၏ဘဝတိုးတက်ကောင်းမွန်ရေးအတွက်၎င်း၊အစိုးရကျောင်းများဖွံဖြိုးတိုးတက်ရေးအတွက်သော်၎င်း မီဒီယာတာဝန်ကျေပြွန်စွာဖြင့်ဖော်ထုတ်ရေးသားခြင်းရန်စိတ်အားထက်သန်မှုရှိပါသလား . .
ကိုကြီးသောင်းဖြေဆိုပါမည် သဘောတူသူ/မတူသူရှိပါကလည်းလွတ်လပ်စွာသဘောကွဲလွဲနိုင်ပါသည်။

၁။    ယခုပြဌာန်းသော ကိုယ်ပိုင်ကျောင်းဥပဒေကြောင့် နိုင်ငံတော်ပညာရေးမတိုးတက်နိုင်ပါ။အဘယ်ကြောင့်ဆိုသော် ကိုယ်ပိုင်ကျောင်းနေနိုင်သောသူများသည် စုစုပေါင်းကျောင်းသားဦးရေ၏(၁%)မျှသာရှိခြင်း၊ ကိုယ်ပိုင်ကျောင်း အဖြစ်ပြောင်းလဲတည်ထောင်မည့်သူများသည် နိုင်ငံတော်၏ပညာရေးမျှော်မှန်းချက်ဖြစ်သော တီထွင်ဖန်တီးမှု များနှင့်ပြည့်ဝသော ကျောင်းသားဗဟိုပြု သင်ကြားရေးနှင့် ဖြောင့်ဖြောင့်ကြီးဆန့်ကျင်လျှက် စာမေးပွဲတွင် အမှတ်ကောင်းကောင်းဖြင့် အောင်မြင်ရန်အတွက်သာ ဦးတည်သင်ကြားကြခြင်း။

၂။    ကိုယ်ပိုင်ကျောင်းတည်ထောင်မည့်သူများမှလည်း မိမိကိုယ်ကိုမိမိ ကိုယ်ပိုင်ကျောင်း တည်ထောင် နိုင်လောက်အောင်၊ အဖက်ဖက်မှပြည့်စုံလုံလောက်နေသေးခြင်းမရှိသေးပါ၊ အတွေ့အကြုံများစွာလိုအပ် နေပါသေးသည်။ ကျောင်းသားကျောင်းသူကို အမှတ်များများဖြင့်အောင်မြင်ယုံမျှဖြင့်တော့ စိတ်ကူးယဉ်ရန်မသင့်ပါ။ မိမိတို့သည် ကျောင်းသားကျောင်းသူများကို ပုံစံခွက်ဖြင့်လေ့ကျင့်ပေးနေတာလား . . ပညာတတ်အောင်စာသင်တာလား ခွဲခြားတတ်ဖို့တော့လိုသည်။ ပြီးတော့ ကြော်ညာကောင်းကောင်းဖြင့် လူကြားကောင်းယုံ၊ စာကြည့်တိုက်၊ သိပံလက်တွေ့ခန်း၊ မာတီမီဒိယာ၊ တစ်နှစ်မှတစ်ခေါက်လောက်သာ ဝင်ခွင့်ရမည့်အခန်းများနှင့်လည်းလှည့်စားရန်မသင့်ပါ၊ (သေချာပါသည် ကျောင်းသားကျောင်းသူများ အမှတ်ကောင်းကောင်းဖြင့်အောင်မှ ကိုယ့်ကျောင်းနာမည်ရမှာဖြစ်သဖြင့် စာမှလွဲ၍ ကျန်တာသည် အပြသက်သက်((င်္သမှ့သတ)သာဖြစ်ပါလိမ့်မည်။)။

၃။    အစိုးရကျောင်းများတွင် ပိုက်ဆံကုန်ပြီးပညာမတတ်၍ကိုယ်ပိုင်ကျောင်းပြောင်းထားလျှင် မိမိတို့ကလေး သေချာပေါက် ပညာတတ်ပြီလို့တစ်ထစ်ချယုံကြည်လျှင်၊ အစိုးရကျောင်းမှ ဆရာ၊ဆရာမများမှာ နိုင်ငံနှင့်အဝှမ်း သုံးမရလောက်အောင် ပျက်စီးနေပါပြီဟု ယုံကြည်လျှင်တော့ မြန်မာနိုင်ငံပညာရေး ချောက်ထဲလုံးလုံး ကျသွားပြီဟုဆိုနိုင်ပါသည်။ကိုယ်ပိုင်ကျောင်းတွင်ထားသောကျောင်းသားတိုင်းလည်းမထူးချွန်ပါ၊ အောင်မြင်မှုလည်းမရပါ။ ပိုက်ဆံကတော့သောက်သောက်လဲကုန်ပါမည်။ (အစိုးရကျောင်းတွင်ထား၍ ကိုယ်ပိုင်ကျောင်းတွင်ထားခြင်းထက် ပိုက်ဆံပိုကုန်ပါက တိကျစွာပြောစေလိုပါသည်။ ကိုယ့်လိုအင်ဆနအတွက် လာဘ်ပေးရခြင်းနှင့်မဆိုင်ပါ)။ ယနေ့ရန်ကုန်မန္တလေးလိုမြို့ကြီးများတွင်လျှမ်းလျှမ်းတောက် အောင်ချက်ကောင်း ကျောင်းများမှာ မိဘများကြိတ်ကြိတ်တိုးအပ်နေကြပါသည်။

၎။    စာသာမတတ်တာ တစ်တန်းပြီးတစ်တန်းတက်သွားတာ ဆရာဆရာမ မသင်ကြား၍မဟုတ်ပါ၊ အထက်မှတာဝန်ရှိသူများ ညွှန်ကြားသည့်အတိုင်း စဉ်ဆက်မပြတ်အကဲဖြတ် အတန်းတင်ဆိုသော ပညာရေးပေါ်လစီအမှားကြောင့်ဖြစ်သည်ဟုယူဆပါသည်။(အတန်းတွင်းကောင်းကောင်းမသင်၊ ကျူရှင်ကြမှ ကောင်းကောင်းသင်၊ ကျူရှင်တက်မှ မျက်နှာသာပေး စုန်းပြူးအချို့ရှိနိုင်ပါသည်။)

၅။    ဒီဥပဒေဟာ နိုင်ငံတော်ပညာရေးတိုးတက်မှုအတွက် အရေးတကြီးမလိုအပ်သလို နိုင်ငံသားအများစု အတွက်လည်းကိုယ်စားမပြုပါဘူး။ နောင်တစ်ချိန်မှာ ပုဂုလိကအပိုင်းမှာခွင့်ပြုပြီး အစိုးရနဲ့လက်တွဲ ဆောင်ရွက်ရမှာဖြစ်ပေမဲ့ ပညာရေးဖွံ့ဖြိုးတိုးတက်မှုကို အချိန်တစ်ခုယူပြီး စနစ်တကျတည်ဆောက် လိုက်တဲ့အခါမှာ ဒီကိုယ်ပိုင်ကျောင်းတွေက ကျွဲကူးရေပါဖြစ်သွားမှာပါ။ အရင်ဆုံးပြန်လည်ပြင်ဆင်ရမှာက အစိုးရကျောင်းများဖွံဖြိုးတိုးတက်ရေးနဲ့ ခေတ်ရဲ့လိုအပ်ချက်နှင့်မကိုက်ညီတဲ့ကျူရှင်ဥပဒေပါ။

၆။    မီဒီယာများအနေဖြင့်လည်း ဆရာ၊ ဆရာမအချို့၏ ချို့ယွင်းချက်၊အားနည်းချက်များကို ဖော်ပြခြင်းဖြင့် မိမိတို့မီဒီယာတာဝန်ကျေပြွန်အောင်ထမ်းဆောင်ကြသလို နိုင်ငံအနှံနယ်စွန်နယ်ဖျားမကျန် ရိုးသားဆင်းရဲစွာဖြင့် ပညာရေးတာဝန်ထမ်းဆောင်နေကြသော ဆရာ၊ဆရာမအများစု၏လူနေမှုဘဝ တိုးတက်ကောင်းမွန်ရေး၊ အစိုးရကျောင်းများ ဖွံဖြိုးတိုးတက်ရေးအတွက် မီဒီယာတာဝန်ကျေပြွန်စွာဖြင့်စဉ်ဆက်မပြတ် ပညာရှင်များဖြင့် တွေ့ဆုံဆွေးနွေးဖော်ထုတ်ရေးသားခြင်း၊ လွှတ်တော်ကိုယ်စားလှယ်များအား အသိပေးတင်ပြခြင်းကိုလည်း မပျက်မကွက်ဆောင်ရွက်ကြရမှာဖြစ်ပါတယ်။

ကိုကြီးသောင်းရဲ့မျက်စေ့ထဲမှာတော့ မဝေးတော့တဲ့ကာလတစ်ခုမှာ မြန်မာနိုင်ငံပညာရေးမှာ အစိုးရကျောင်းရော ကိုယ်ပိုင်ကျောင်းတွေပါ အပြိုင်အဆိုင်ထွန်ကားလာပြီး၊ နိုင်ငံသားကောင်း ပညာတတ်တွေမွေးထုတ် လာနိုင်တော့မယ်ဆိုတာရယ်၊ ဒီထက်ပိုပြီး နိုင်ငံတွင်းမှာနေရာယူလာကြတဲ့ နိုင်ငံတကာကျောင်း (International School) တွေနဲ့ယှဉ်ပြိုင်ဖို့ဆက်လက်ကြိုးစားရဦးမယ်ဆိုတာပါဘဲ။( မှတ်ချက် - မြန်မာကျောင်းတွေမှာစာသင်တာစာမတတ်လို့ ပြည်တွင်းမှာ တရားမဝင်ဖွင့်လှစ်ထားတဲ့ နိုင်ငံတကာကျောင်း (International School) တွေမှာ ပြောင်းထားလိုက်ရသူများအတွက်လည်း မိမိတို့ကလေးစာတကယ်တတ်/မတတ် ဒီကျောင်းတွေရဲ့အကောင်းအဆိုး သီးသန့်ဆောင်းပါးတစ်စောင် မကြာမီရေးသားပါမယ်)
ပြီးခဲ့တဲ့ဆောင်းပါးမှာ အကောင်းအဆိုးပေါက်ကွဲရင်ဖွင့် မှတ်ချက်ပေးခဲ့ကြသူများအားလုံးကိုလည်းကျေးဇူးတင်ပါတယ်။

မြန်မာနိုင်ငံပြည်ရေးတိုးတက်မှုအတွက်စိတ်ဝင်စားကြသူများလည်းကောင်း၊ မိမိတို့၏သားသားများကိုဖြစ်ထွန်းစေလိုသူ မိဘများအတွက်သော်လည်းကောင်း၊ ပညာရေးတာဝန်ထမ်းဆောင်ကြမည် အစိုးရခန့်ဆရာ၊ဆရာမများနှင့် ကျူရှင် ဆရာများအားလုံး အိနိယနိုင်ငံ ဘောလိဝုဒ်မှ ရိုက်ကူးထုတ်လုပ်သော ( 3 idiots ) ဇာတ်ကားအားကြည့်ရှု့၍ အခြေအနေများကိုနှိုင်းယှဉ်သုံးသပ်ကြည့်နိုင်ပါကြောင်း . . . ။

မေတ္တာများစွာဖြင့်
ကိုကြီးသောင်း(အရာတော်)