သင့်ဦးနှောက် စွမ်းရည် ကောင်းစေနို်င်သည့် နည်းလမ်းများ

  

မှတ်ဥာဏ် ပိုကောင်းချင်သလားပိုကောင်းတဲ့ ဆုံးဖြတ်ချက်တွေ ချလိုသလား၊ စာသင်တဲ့အခါ ပိုပြီးလိုက်နိုင် လိုပါသလား၊ သင်ရဲ့ ဦးနှောက် စွမ်းရည်ကိုပိုပြီးကောင်းမွန်စေနိုင်တဲ့ နည်းလမ်းကောင်းတွေ များစွာရှိပါတယ်။


(၁) သင်ကြားရပိုလွယ်ကူစေဖို့ ချရေးပါ


အတန်းတက်တာပဲ ဖြစ်ဖြစ်၊ ဟောပြောပွဲနားထောင်တာပဲ ဖြစ်ဖြစ်၊ ရှေ့က ဆရာ/ ဟောပြောသူတွေ ပြောတဲ့ အကြောင်းအရာတွေကိုဒီအတိုင်းနားထောင်မယ့်အစားစာရွတ်လွတ်ထဲမှာဘောပင်နဲ့ ချရေးကာလိုက်မှတ်ပါ။ Laptop ဒါမှမဟုတ် Tablet တို့၊ I-pad တို့ထဲမှာစာရိုက်ကာမှတ်တာထက်စာရင် လက်ရေးနဲ့ ရေးမှတ်တာကအသေးစိတ်အချက်အလက်တွေကိုပိုမှတ်မိလွယ်စေသလိုအချိန်ကြာကြာလည်းမှတ်မိစေပါတယ်။


ဘာကြောင့်လဲ


ဘောပင်ကိုစာရွတ်ပေါ်တင်လိုက်တဲ့ လက်ရဲ့ လှုပ်ရှားမှုကဦးနှောက်ရှိသင်ကြားရေးဌာနအစိတ်အပိုင်းကိုလှုံ့ဆော်လိုက်တာကြောင့် အချက်အလက်တွေကိုပိုလွယ်ကူစွာမှတ်ယူနိုင်တာပဲ ဖြစ်ပါတယ်။ စာလုံးတစ်လုံးချင်းကိုသေချာအချိန်ယူရေးပါကအဲဒီစာလုံးကိုပိုပြီးမှတ်ရလွယ်ကူပါတယ်။


လက်ဟန် ခြေဟန်ကိုလည်းသုံးပါ


လက်ဟန်ခြေဟန် အသုံးပြုပြီးစ်ိတ်ထဲပုံဖော်ကြည့်တာကလည်းအချက်အလက်တွေကိုပိုမှတ်မိစေပါတယ်။ ဥပမာအားဖြင့် ကားမောင်းဖို့ လမ်းကြောင်းမှတ်တဲ့အခါ ညာဘက် ကွေ့ရမယ့်နေရာမှာညာဘက်ကိုလက်ညှိုးထိုးပြီးမှတ်တဲ့အခါ ပိုမှတ်မိစေပါတယ်။ ဦးနှောက်ကစာကြောင်းတွေထက် စာရင် ပုံရိပ်ကိုပိုမှတ်မိတတ်ပါတယ်။

(၂) မှတ်ဥာဏ်ထက်စေဖို့ စကားပြောပါ

နာမည်တွေ၊ နေ့စွဲတွေ၊ နံပါတ်တွေကိုသတိမမေ့ဘဲမှတ်မိနေစေမယ့် လျှို့ဝှက်ချက်ကတော့ သူငယ်ချင်းတွေနဲ့ စကားစမြည်ပြောဆိုတာပါပဲ။ စကားကိုစိတ်ပါလက်ပါ ပြောသူတွေဟာဦးနှောက်ကောင်းစေတဲ့ ဂိမ်းကစားနည်းတွေကိုအချိန်ကြာကစားသူတွေလောက် မှတ်ဥာဏ်ကောင်းတာကိုလေ့လာချက်တစ်ခုအရတွေ့ရပါတယ်။ တစ်နေ့ကိုဆယ်မိနစ်လောက် စိတ်ပါလက်ပါ စကားပြောဆိုရုံနဲ့တိုးတက်မှုရှိတာကိုတွေ့ရပါလိမ့်မယ်။

ဘာကြောင့်လဲ

ဥာဏ်ကစားနည်းတွေလိုပဲစကားပြောဆိုခြင်းကမှတ်ဥာဏ်ကိုထိန်းချုပ်တဲ့ ဦးနှောက်အစိတ်အပိုင်းကိုလှုံ့ဆော်ပေးပါတယ်။ ဒီအစိတ်အပိုင်းတွေကိုများများအသုံးပြုလေမှတ်ဥာဏ် ပိုကောင်းလေပါပဲ။

အပေါင်းအသင်းများလေကောင်းလေ

သူငယ်ချင်းမိတ်ဆွေအပေါင်းအသင်းများသူတွေဟာဦးနှောက်ရှိမှတ်ဥာဏ်ထိန်းပေးတဲ့ အာရုံစူးစိုက်စေတဲ့ သူများရဲ့ စိတ်ခံစားချက်တွေကိုသိစေတဲ့ အစိတ်အပိုင်းပိုကြီးကြောင်းလေ့လာချက်တစ်ခုအရတွေ့ရပါတယ်။ ဒါကြောင့် မ်ိတ်ဆွေအပေါင်းအသင်းနယ်ပယ် ချဲ့ထွင်ပါ။

(၃) ဦးနှောက်အိုမင်းမှု လျော့ကျစေဖို့ ဘလူးဘယ်ရီစားပါ

အာဟာရပြည့်ဝတဲ့ ဘလူးဘယ်ရီသီးတွေကဦးနှောက်ကိုကာကွယ်ပေးပါတယ်။ တစ်နေ့ကိုဘယ်ရီသီးလက်တစ်ဆုပ်စာလောက် တစ်လစားပေးရင် အသက်အရွယ်ကြောင့်ဖြစ်တဲ့ မှတ်ဥာဏ် လျော့နည်းကျဆင်းမှုကိုသက်သာစေပါတယ်။

ဘာကြောင့်လဲ

ဘလူးဘယ်ရီသီးတွေမှာဦးနှောက်ဆဲလ်တွေ ဆက်သွယ်မှု ကောင်းစေနိုင်တဲ့ Anthocyanin လို့ ခေါ်တဲ့ ဓာတ်တိုးဆန့်ကျင်ပစ္စည်းတွေ ပါဝင်နေတာကြောင့်ပါ။

အစေ့အဆန်လည်းစားပေးပါ

ကောင်းမွန်တဲ့ HDL ကိုလက်စထရောများသူတွေဟာအယ်လ်ဇိုင်းမားရောဂါ ဖြစ်နိုင်ခြေနည်းတယ်လို့ သိရပါတယ်။ ဒါကြောင့်  HDL ကိုလက်စထရောများစေနိုင်တဲ့ အစေ့အဆန်လေးတွေကိုများများစားပေးသင့်ပါတယ်။

(၄) အလုပ်ပြီးစေဖို့ လေချွန်ပါ

အလုပ်လုပ်ရင်းလေချွန်တာဟာအလုပ်ကိုအနှောင့်အယှက် မဖြစ်စေတဲ့အပြင် အလုပ်တောင် ပိုပြီးစေကြောင်းသိရပါတယ်။ စိတ်ဖိစီးမှု များစေနိုင်တဲ့ အလုပ်ကိုလုပ်ရာမှာလေလေးတချွန်ချွန်၊ သီချင်းလေးတညည်းညည်းလိုစဉ်းစားစရာမလိုဘဲအလိုလိုလုပ်မိနေတဲ့ အပြုအမူတွေကိုလုပ်သူတွေဟာအလုပ်ထဲမှာပဲအာရုံအားလုံးစူးစိုက်ထားသူတွေထက် စာရင် အလုပ်ပိုပြီးတာကိုတွေ့ရပါတယ်။

ဘာကြောင့်လဲ

အလုပ်တစ်ခုထဲမှာပဲဦးနှောက်ကိုအားကုန်ထည့်ထားပါကအချက်အလက်တွေ ပိုလျှံ ကျလာနိုင်ပါတယ်။ ဒါပေမဲ့ လေချွန်တာ၊ သီချင်းညည်းတာလိုအာရုံလွှဲတဲ့ အရာနဲ့ တွဲလုပ်ပါကဦးနှောက်ကတစ်ချိန်ထည်းမှာပဲအချက်အလက်တွေကိုနည်းနည်းစီခွဲမှတ်တာကြောင့် ပိုပြီးအလုပ်ပြီးပါတယ်။

သစ်ပင်တွေရဲ့ အကူအညီလည်းယူပါ

ပန်းခြံထဲလမ်းထွက်လျှောက်တာ၊ ဓာတ်ပုံထဲရှိစိမ်းလန်းစိုပြည်နေတဲ့ ရှုခင်းတွေကိုငေးကြည့်တာကလည်းအလုပ်ကိုပိုပြီးစေပါတယ်။ သစ်ပင်၊ ပန်းမန်တွေရဲ့ ပုံတွေကစိတ်ဖိစီးတင်းကျပ်မှုကိုလျော့ကျစေလို့ပါ။

(၅) ပြဿနာတွေ ဖြေရှင်းနိုင်ဖို့ အိပ်ချိန် ၇ နာရီရှိပါစေ

ညဘက်အိပ်ချိန်ကအနည်းဆုံးခုနှစ်နာရီရှိဖို့ လိုပါတယ်။ ဒါမှသာအိပ်ရေးဝပြီးအိပ်မက်မက်စေတဲ့ REM Sleep အဆင့်ကိုအပြည့်အဝရမှာပါ။ ဒါဟာအရေးကြီးပါတယ်။ ဘာကြောင့်လဲဆိုတော့ အိပ်တဲ့အခါ ဒီအဆင့်ရောက်တဲ့ သူတွေဟာအိပ်ရေးမဝကာအိပ်မက် မက်သူတွေထက်စာရင် တီထွင်ဖန်တီးမှု ဥာဏ်နဲ့ မှတ်ဥာဏ် ပိုကောင်းတာကြောင့်ပါ။ ဒီဥာဏ်တွေ ပိုကောင်းမှလည်း ပြဿာနာတွေ ပိုဖြေရှင်းနိုင်မှာပါ။

ဘာကြောင့်လဲ

အချက်အလက်တွေကို ပြန်ပြီးမှတ်မိစေသလိုအနာဂတ်မှာလည်းစိတ်ကူးစိတ်သန်းပိုကောင်းစေနိုင်တာကြောင့်ပါ။

အခြားဦးနှောက်စွမ်းရည် တိုးစေသောအရာများ

-ဆုံးဖြတ်ချက်မြန်စေဖို့ ဟင်းနုနယ်စားပါ

ဟင်းနုနယ်၊ ဂေါ်ဖီထုပ်၊ မုန်လာဥတို့မှာဦးနှောက်ဆီသွေးစီးဆင်းမှု မြန်စေတဲ့ နိုက်ထရိတ်ဓာတ်တွေ ပါရှိပါတယ်။

-ဥာဏ်ကောင်းစေဖို့ ကော်ဖီချိုချိုသောက်ပါ။

ကော်ဖီမှာသကြားထည့်သောက်ပါ။ ဒါမှမဟုတ် ဘလက်ကော်ဖီ ကြိုက်ရင်လည်းကွတ်ကီးတစ်ခုခုနဲ့ တွဲစားပါ။ ကဖင်းနဲ့ သကြားတွဲပြီးစားသောက်တာကဦးနှောက်ဆဲလ်တွေကိုအားဖြည့်ကာဦးနှောက်စွမ်းအားပိုကောင်းစေပါတယ်။

-အိုင်ဒီယာသစ်တွေ ထွက်ဖို့ လမ်းလျှောက်ပါ

ခန္ဓာကိုယ် ချွေးထွက်ပြီး နှလုံးခုန်မြန်စေတဲ့ ကိုယ်လက်လှုပ်ရှားမှုတွေကဦးနှောက်ကိုလှုံဆော်ကာအလုပ်ပိုလုပ်စေတာကြောင့် ဖန်တီးနိုင်မှု စွမ်းရည်တွေ ပိုပြီးထွက်ရှိစေပါတယ်။

Posted in: ကျန်းမာရေး