Col.Gaddafi tapa upenpa kiman ta

A sawt nai lo nungdeuh a Lybia kumpi langpang te in a thahlup uh Lybia galkap kumpi Colonel Muammar Gaddafi ii tapa upapen Mr. Saif Al-Islam (Kum 39) pen tuni November 20,2011 ni in Lybia gam Tripoli khuapi pan Tai 400 aki gamlatna Obari Town kici sehnel gam  pan kiman zo ta hi. A mah pen Lybia gam pan Niger gamah taisim dingin anungzuite nihin avaihawm laitak aki mankhia hi ci'n Libyan Militia Commander Mr. Bashir al-Tayeleb in AP News te kiang gen hi.

Akimat thu akizak ciangin Tripoli khuapi sungah mipi lungdam lua in lam ziahziah uh a, pawlkhat in mawtaw Horn gingsak zaizai uh a, pawlkhat in Flag vit ziahziah in, van lamah thau lawh ziahziah uh hi. Saif al-Islam pen apa Muammar tawh kipawl khawm in agam mite abawlsiatna hangin ICC (International Criminal Court) in matcip dinga khentat sa ahi hi. Saif al-Islam pen akimat in a cidam sitset cih kiza a, apa danin kibawl siagawp veve dingin ki ummawh hi. Gaddafi zong akimatcil in bangmah kicih tuak lo a, ahi zongin alungkim zo mahmah lo agam mi te'n nasiatak vua dikdek in, talkaih gawp uh a, a tawpna ah alutang thau tawh akaplup uh hih tuak hi.

Source: Zomidaily

Posted in: Tedim New