Re: Kyrgyzstan gamah Vanleng tuahsia

Kyrgyzstan gamah te khuapi Bishkek pan Osh khuapi zuan aleng khualzin mi 70 tuanna Kyrgyzstan Airlines Tu-134 khat pen December 28,2011 ni-in, Osh Airport a tuksukna ah Vuuk tam luatna hangin leinal ahih manin sawi tai-a,  vanleng kilumlet in a sung a tuang mi 70 sung pan 26 liamin, asi om lo ci in CNN thuthak saite tung pan kiza hi. Hih zah a lauhuai vanleng tuahsiatna ah a si khat bek om loh pen lamdang kisa mahmah hi.

Russia kampau tawh kikhah khia RIA Novosti Thuthak tangkona (TV ) pan akipulakna ah, vanleng a tuksuk laitak lianin Vuk sah lua banah atuksuk zia zong Pilot in khialhna om ci in vanleng lam nasemte khatin gen hi. Lampi (runway) nal lua ahih manin, a tuk suk phetin veii lam ah taal suak pahin, a Kha (Wings) te kitankhia pah ahih manin, aging ngaih lua mahmah kiza ci-in mit a mu khat pa in gen hi. Tua vanleng pen Russia te bawl hi in, Setpi (Engines) 2 kibulh a, Asia gam lamah kilimzat mahmah namte ahi hi.

Source :Tongsan Post by Admin Hen Nang

Posted in: Tedim New