ဒလမြို့နယ်အတွင်း ရေလှူဒါန်းရန် လိုအပ်နေသေး

ဒလမြို့နယ်အတွင်းတွင် သောက်သုံးရေပြတ်လပ်မှုကြောင့် အလှူရှင်းများ သွားရောက်လှူဒါန်းနေကြသည်ကို သိရှိရ၍ ကိုယ်တိုင် သွားရောက်လှူဒါန်းနေသူ ဒလမြို့နယ်အတွင်းမှ တစ်သီးပုဂ္ဂလလွှတ်တော်ကိုယ်စားလှယ်အဖြစ် ၀င်ရောက် အရွေးခံခဲ့သူ ဦးဝင်းချိုအား ဆက်သွယ်မေးမြန်းခဲ့ပါသည်။

 

 

ဦးဝင်းချိုမှ `ဒီနေ့ သုံးခေါက်လှူဖြစ်တယ်။ တစ်ခေါက်ကို ဂါလံ ၁၂၀၀ လောက်ပါတယ်။ ပထမဆုံးတစ်ခေါက်က ၁၁/၁၄ရပ်ကွက်မှာပါ။ အဲဒီမှာက အပိုင်း ၄ ပိုင်းရှိတယ်။ ၁၁ ကတစ်ပိုင်း ၁၄ က တစ်ပိုင်း ၉ နံပါတ်က တစ်ပိုင်း တစ်ပိုင်းကတော့ နာမည်မမှတ်မိတော့ဘူး။ မနက်ပိုင်းမှာ ၁၄ အပိုင်းကို ဝေဖြစ်တယ်။ ရေကို ရန်ကုန်ပေါက်ကျေးရွာကနေသွားသယ်ရတယ်။ ဆိပ်ကြီးစာပါချောင် ရပ်ကွက်ကို ရေဝေပေးတယ်။ အဲဒီမှာ ရေဝေနေတုံးမှာပဲ ကိုးနံပါတ်ကနေပြီေးတာ့ သူတို့ရေလိုပါတယ် ဆိုပြီး ထပ်အကြောင်းကြားတဲ့အတွက် သွားလိုက်ကြည့်တဲ့အခါ မှာ တကယ်လည်း ရေလိုနေတဲ့အတွက် ၉နံပါတ်ကို နောက်တစ်ကြိမ်သွားလှူခဲ့တယ်။ အဲဒီရပ်ကွက်မှာက ကားအ၀င်အထွက် အရမ်းခက်တယ်။ လမ်းကြမ်းတယ်။လမ်းကျဉ်းတယ်။အကွေ့အကောက်လည်းများတယ်။ တော်တော်တန်တန်ကား မ၀င်နိုင်တဲ့ အတွက် ရေကိုဒိုင်နာကားကြီးနဲ့ တာလပတ်ခံပြီးသယ်တာဖြစ်တဲ့အတွက် ဘောက်ဆာလိုမငြိမ်ဘူး။ မော်တော်ကား ပိုင်ရှင်တွေ ကိုယ်၌က အဲဒီလမ်းတွေကို မလိုက်ဘူး။ ဒီနေ့တော့ သုံးနေရာလှူဖြစ်တယ်။ မနေ့က ၃ နေရာ။  ညောင်ကုန်း ၊အံ့ကြီးအရှေ့၊ အံ့ကြီးအနောက်၊တစ်နေ့ကတုန်းက ကျန်စစ်သား ရပ်ကွက်မှာ နှစ်ကြိမ်၊ ရာဇသင်္ကြန် တစ်ကြိမ်၊ တာကြီးပိုင်း တစ်ကြိမ်၊ ၂၆ ရက်နေ့တုန်းကကြတော့ ခနောင်ချောင်းဝနဲ့ ခနောင်မီးခြစ်စက်ကို သမာန်နဲ့သွားတာဖြစ်တဲ့အတွက် တစ်ခေါက်ကို ဂါလံ ၃၅၀၀ ဆံ့တဲ့သမာန်ကြီးနဲ့ တစ်ခေါက်သွားခဲ့တယ်။ မနက်ဖြန်ခါသွားရအုံးမယ်။ ၁၁/၁၄ဘက်ကို ၁၁အပိုင်က သူတို့မရလို့ပါဆိုပြီးတော့ ၉နံပါတ်ကိုသွားတဲ့အချိန်မှာ အတင်းတောင်းကြတယ်။ ကျန်စစ်သားရပ်ကွက်ရဲ့ ဧရာဝတီ ၁လမ်း၊ ၂လမ်းဆိုတာ ကျူးကျော် ရပ်ကွက်တွေများတယ်။ အဲဒီတော့ သူတို့ဆီကိုလည်း ရေအလာနည်းတယ်။ ရေ၀ယ်မသုံးနိုင်ကြဘူး။´လို့ ရှင်းပြပါတယ်။

လက်ရှိဒလမှာရေပေါက်ဈေးက ၆ထမ်းဝင်တဲ့ ၄၈ ဂါလံဆံ့ ပေပါနဲ့ ရေစည်လှည်း တစ်လှည်းကို ၁၈၀၀၊ ၂၀၀၀ ပေါက်နေတယ် ဆိုတဲ့အကြောင်းလည်း သိရပါတယ်။ ရေဆည်လှည်းတွေကလည်း ရန်ကုန်ကနေပြီးတော့ သမာန်တွေနဲ့သယ်တယ်။ သမာန်တွေကလည်း ရန်ကုန်ရေပေးတဲ့နေရာကနေ ရေ၀ယ်ရတယ်။ ရေ၀ယ်ရတာနဲ့ ဟိုဘက်ကမ်းဒီဘက်ကမ်းသမာန်ကူးရတဲ့ ဈေးနှုန်းနဲ့ စက်နဲ့မောင်းတင်းရတာ တစ်ခါဆိုတော့ ရေစည်လှည်းတွန်းတဲ့လုပ်အားခလည်း ပါသေးတော့ ပေါက်ဈေး ၁၈၀၀ လောက်အထိ ဖြစ်နေတာပါလို့ ရှင်းပြပါတယ်။

အခြားလှူဒါန်းသူများအနေဖြင့် တောင်ဥက္ကလာမှ မျှဝေခြင်း ဆိုတဲ့လူငယ်အဖွဲ့ကလည်း ခနောင်ချောင်းဝမှာကတည်းက ဦးဝင်းချိုတို့နှင့်အတူ လှူဒါန်းနေကြောင်း ၊ ရန်ကုန်ပေါက်ကျေးရွာမှ ဦးညွန့်ရွှေက ရေကိုအလကားလှူဒါန်းပေးကြောင်း ဦးဝင်းချိုတို့အနေဖြင့် ကားစရိတ်သာ ကုန်ကျရကြောင်း သိရပါတယ်။

NWT (Hot News)

Posted in: တိုင်ကြားစာ,မြန်မာ