ကလေးမွေးပြီးရင် လုပ်ငန်းခွင် ပြန်ဝင်သင့်သလား?

 

သားဦးမိခင်တိုင်းဟာ ကလေးမွေးပြီးတဲ့အခါ အိမ်နဲ့ ဝေးတဲ့ လုပ်ငန်းခွင်ကို ပြုစုရင်း နေသင့်သလားဆိုတဲ့ မေးခွန်း နှစ်ခုကြား ဆုံးဖြတ်ရခက်နေမှာပါ။ သားသမီးမမွေးခင်အထိ လုပ်ငန်းခွင်မှာ ကြိုးစားတည်ဆောက် ခဲ့တဲ့ ကိုယ်ရဲ့ နေရာ ရပ်တည်မှုကို တန်ဖိုးထားပြီး စွန့်ပစ်ရမှာ နှမြောတဲ့စိတ်နဲ့ ရင်ကဖြစ်တဲ့ ရင်သွေးငယ်ကို ကိုယ့်ရင်ငွေ့မှာပဲ ကြီးပြင်းစေလိုတဲ့စိတ် နှစ်ခုကြား တွေဝေနေကြတဲ့ အမျိုးသမီးတွေလည်း အများကြီး ရှိနေပါလိမ့်မယ်။

လက်ရှိအလုပ်ကို ချစ်မြတ်နိုးသူဖြစ်လျှင်

ရုံး ဒါမှမဟုတ် ကုမ္ပဏီတစ်ခုက ဝန်ထမ်းတစ်ဦးဖြစ်ပြီး ကိုယ်လုပ်နေရတဲ့ အလုပ်နဲ့ ရာထူးကို မက်မော တွယ်တာတဲ့သူဖြစ်ရင်၊ ဒါမှမဟုတ် အလုပ်ကနေ ဝင်ငွေအများကြီး ရနေရင် အလုပ်ကို စွန့်ပစ်ဖို့ဆိုတာ ခက်ခဲပါလိမ့်မယ်မ။ ဒါပေမဲ့ မိခင်တစ်ယောက်ဖြစ်လာတဲ့အခါမှာတော့ သင့်ခံစားချက်က တစ်မျိုးတစ်မည် ဖြစ်သွားနိုင်ပါတယ်။ တချို့မိခင်တွေက ကလေးထိန်းရမှာကို ပျင်းရိတတ်ကြပေမယ့် တချို့မိခင်တွေကတော့ ရင်သွေးအနားမှာပဲ အချိန်ပြည့် စောက်ရှောက်လိုစိတ်ဖြစ်ပေါ်တတ်ပါတယ်။ ဒါဟာ မိသားစုအတွက် လုံလောက်တဲ့ ဝင်ငွေကို ခင်ပွန်းသည်က ရှာဖွေပေးနိုင်မှု အပေါ်မှာလည်း မူတည်နေပါတယ်။

ရင်သွေးငယ်ဘက်မှကြည့်လျှင်

ကလေးအတွက်ကတော့ တခြားသူတွေရဲ့ အနီးကပ်စောင့်ရှောက်မှုကို ဘယ်လောက်ရရ မိဘအထူးသဖြင့် မိခင်ဆီကရတဲ့ နွေးထွေးမှုမျိုးမဖြစ်နိုင်ပါဘူး။ ပြီးတော့ ကလေးလိုအပ်တဲ့အချိန်တိုင်း မိခင်နို့ချိုကို အဆင်သင့်ရရှိနိုင်ဖို့ အနည်းဆုံး အသက်ခြောက်လအထိ လိုအပ်နေတယ်မဟုတ်လား။ အလုပ်သွားတဲ့ မိခင်အနေနဲ့ အလုပ်မသွားခင် မိခင်နို့ချိုကို ညှစ်ထားပြီး ရေခဲသေတ္တာထဲ ထည့်သိမ်းထားလို့ရတယ်ဆိုပေမယ့် နို့ဘူးရဲ့ သန့်ရှင်းေ၇းနဲ့ နို့ချိုရဲ့ လတ်ဆက်မှုတွေကလည်း လိုအပ်နေပါသေးတယ်။ မိခင်နို့ချိုစို့ပြီး မိခင်ရင်ငွေ့ကို ခိုလှုံကာ ကြီးပြင်းရတဲ့ ကလေးငယ်တွေဟာ ကြီးလာတဲ့အခါ ကိုယ့်ကိုယ်ကိုယ် ယုံကြည်မှု ပိုရှိတတ်ကြောင်း သုတေသနတွေက ဆိုထားပါတယ်။

ကလေးမွေးပြီး လုပ်ငန်းခွင်သို့ ချက်ချင်းဝင်လျှင်

အကြောင်းကြောင်းကြောင့် သင့်ဟာ အိမ်နဲ့ဝေးတဲ့ လုပ်ငန်းခွင်မှာ အလုပ်လုပ်ရပြီဆိုရင် ကလေးကိုအိမ်မှာ ထားခဲ့ရတဲ့အတွက် မပျော်ရွှင်ပါက သင့်အတွက်ရော ကလေးအတွက်ပါ မကောင်းပါဘူး။ ကလေးအတွက် စိတ်မချတဲ့ ခံစားမှုမျိုးနဲ့အတူ “မိခင်ကောင်း ပီသရဲ့လား” ဆိုတဲ့အတွေးနဲ့ ဝမ်းနည်းနေရနိုင်ပါတယ်။

ကလေးကို လုပ်ငန်းခွင် ခေါ်သွားနိုင်တဲ့ အလုပ်မျိုးဆိုရင် ပြဿနာမရှိပါဘူး။ မဟုတ်ရင်တော့ ငွေကြေးဆိုင်ရာ လိုအပ်ချက်ကြောင့် လသားကလေးငယ်ကို ထားခဲ့ပြီး အလုပ်လုပ်ရတယ်ဆိုတာကလည်း မဖြစ်သင့်တဲ့ ကိစ္စပါပဲ။ ဒါကြောင့် ကလေးမယူခင်ကတည်းက ကလေးမွေးပြီးတဲ့အချိန်ကာလ၊ အထူးသဖြင့် မိခင်နို့ချိုတစ်မျိုးတည်း တိုက်ကျွေးရမယ့် အချိန်ခြောက်လအတွက် ကြိုတင်စဉ်းစားပြီး ငွေကြေးစုဆောင်းထားသင့်ပါတယ်။

အဲဒီအချိန်အတိုင်းအတာအတွင်း အိမ်မှာနေရတာ ငြီးငွေ့ရင် အိမ်နဲ့ မခွဲမခွာဘဲ လုပ်လို့ရမယ့် အလုပ်တွေ၊ ဥပမာ-လက်မှုလုပ်ငန်း၊ အိမ်ဆိုင်ဖွင့်ခြင်းကို ပြုလုပ်နိုင်ဖို့ ကြိုတင်စဉ်းစားထားသင့်ပါတယ်။ ဒါမှမဟုတ်သင့်လက်ရှိအလုပ်ကို အိမ်ကနေပြီး လုပ်ဆောင်လို့ရအောင် အလုပ်ရှင်နဲ့ ညှိနှိုင်းသင့်ပါတယ်။ ဒါဆိုရင် သင့်ကလေးကို လက်လွှတ်ရတဲ့အချိန်မှာ လုပ်ငန်းခွင်ကို ပြန်ဝင်ဖို့ သင့်အတွက် အခက်အခဲရှိတော့မှာ မဟုတ်ပါဘူး။

Ref : Good Health

Posted in: ကျန်းမာရေး