"သွေးထိုးလှုံ့ဆော်မှုများကို ရပ်တန့်သင့်ပြီ" ~ The Spirit Fruit

ရခိုင်ဒေသဖြစ်စဉ်များနဲ့ ပတ်သက်ပြီး မှားယွင်းပြောဆိုရေး
သားမှုများ ရပ်တန့်ကြဖို့ တိုက်တွန်းထားတဲ့ နိုင်ငံခြားရေး
ဝန်ကြီးဌာနရဲ့ သတင်းထုတ်ပြန်ချက် ဒီကနေ့ သတင်း
စာများမှာ ဖော်ပြထားပါတယ်။

"မြန်မာအစိုးရအနေဖြင့် မူစလင်ဘာသာဝင်တို့အပေါ် အကြမ်းဖက်မှု မူဝါဒများ မည်သည့်ကာလတွင်းမှ ကျင့်သုံးခြင်းမရှိခဲ့ပါ။ အစိုးရအနေဖြင့် ဤသို့သော မူဝါဒမျိုး ကျင့်သုံးကြောင်းဖြင့် အဖွဲ့အစည်းအချို့မှ စွပ်စွဲရေးသားမှုများကို လုံးဝပယ်ချပါသည်"

နိုင်ငံခြားရေးဝန်ကြီးဌာန
သတင်းထုတ်ပြန်ချက်

မြန်မာနိုင်ငံ ရခိုင်ပြည်နယ်အတွင်း ဖြစ်ပွားခဲ့သော အကြမ်းဖက်မှုများနှင့် စပ်လျဉ်း၍ ပြည်ပသတင်းဌာနများနှင့် ပြင်ပအဖွဲ့အစည်းအချို့၏ မဟုတ်မမှန် ချဲ့ထွင်၍ လုပ်ကြံထုတ်လွှင့်နေသည့် သတင်းအမှားများကိုအခြေခံပြီး ပြည်ပမှ လူပုဂ္ဂိုလ်တစ်ဦးချင်းက လည်းကောင်း၊ အဖွဲ့အစည်းအချို့ကသော်လည်းကောင်း သဘောထားထုတ်ပြန်မှုများ ပြုလုပ်လျက်ရှိနေပါသည်။

အဆိုပါ အကြမ်းဖက်မှုများမှာ မတူကွဲပြားကြသည့် ဘာသာ(၂)ခုအကြားဖြစ်ပွားသော ပဋိပက္ခမဟုတ်သလို လူသားချင်းစာနာထောက်ထားမှုဆိုင်ရာ ပြဿနာလည်း မဟုတ်ကြောင်း ထင်ရှားလျက်ရှိပါသည်။ မြန်မာနိုင်ငံ၏ ပြည်နယ်တစ်ခုအတွင်း လူ့အဖွဲ့အစည်းအစိတ်အပိုင်း နှစ်ရပ်အကြား ရာဇဝတ်မှုတစ်ခုကို အကြောင်းပြု၍ နောက်ဆက်တွဲဖြစ်ပွားသော အကြမ်းဖက်မှုများသာ ဖြစ်ပါသည်။

ဤအကြမ်းဖက်မှုများကြောင့် နှစ်ဖက်စလုံးမှ (၈၈)ဦး အသက်ဆုံးရှုံးကြရာတွင် ရခိုင်တိုင်းရင်းသား (၃၁)ဦးနှင့် မူစလင်ဘာသာဝင် ဘင်္ဂါလီလူမျိုး(၅၇)ဦး ပါဝင်ကြောင်း တွေ့ရှိရပါသည်။ အလားတူ အသိုင်းအဝိုင်းနှစ်ဖက်လုံးမှ ဘာသာရေးအဆောက်အအုံများ၊ လူနေအိမ်ခြေများ မီးလောင်ဖျက်ဆီးခံခဲ့ရပါသည်။

အထက်ပါ ပျက်စီးဆုံးရှုံးမှု၊ သေကျေဒဏ်ရာရရှိမှုများကို သုံးသပ်ကြည့်လျှင် လူမျိုးစုတစ်စုက အခြားလူမျိုးစုတစ်စုအပေါ် တစ်ဖက်သတ်ဖိနှိပ်ညှဉ်းပန်းခြင်းမဟုတ်သည်မှာ ထင်ရှားလှပေသည်။ ထိုသို့ ဖြစ်ပျက်မှုကိုလည်း တရားဥပဒေနှင့်အညီ စုံစမ်းဖော်ထုတ်အရေးယူရန် စုံစမ်းရေးကော်မတီတစ်ရပ်ကို ချက်ချင်းဖွဲ့စည်း၍ တရားဥပဒေနှင့်အညီ အရေးယူဆောင်ရွက်မှုများ ပြုလုပ်ခဲ့ပါသည်။

နိုင်ငံတော်အစိုးရအနေဖြင့် ဆူပူအကြမ်းဖက်မှု စတင်သည့်အချိန်မှစ၍ တရားဥပဒေစိုးမိုးရေး၊ နယ်မြေအေးချမ်းတည်ငြိမ်ရေးအတွက် အစွမ်းကုန်ထိန်းထိန်းသိမ်းသိမ်းဆောင်ရွက်ခဲ့ရာ ယခုအခါ ဒေသတွင်း၌ တည်ငြိမ်မှုပြန်လည်ရရှိနေပြီ ဖြစ်ပါသည်။ မြန်မာအစိုးရအနေဖြင့် မူစလင်ဘာသာဝင်တို့အပေါ် အကြမ်းဖက်မှု မူဝါဒများ မည်သည့်ကာလတွင်းမှ ကျင့်သုံးခြင်းမရှိခဲ့ပါ။ အစိုးရအနေဖြင့် ဤသို့သော မူဝါဒမျိုး ကျင့်သုံးကြောင်းဖြင့် အဖွဲ့အစည်းအချို့မှ စွပ်စွဲရေးသားမှုများကို လုံးဝပယ်ချပါသည်။

အကြမ်းဖက်မှုများကြောင့် ဒုက္ခရောက်ကြရသည့် ပြည်သူများအတွက် ကယ်ဆယ်ရေး၊ ပြန်လည်ထူထောင်ရေးနှင့် ကူညီပံ့ပိုးမှုပေးရေးအတွက် အစိုးရက နိုင်ငံတကာ အသိုင်းအဝိုင်းနှင့်လည်း ခွဲခြားမှုမရှိဘဲ ပွင့်လင်းမြင်သာစွာ ပူးပေါင်းဆောင်ရွက်လျက်ရှိပါသည်။

မြန်မာနိုင်ငံအခြေစိုက် သံတမန်များ၊ ကုလသမဂ္ဂအဖွဲ့အစည်းများအား အခြေအနေမှန်များ သိရှိနိုင်ရေးအတွက် သက်ဆိုင်သည့် ဝန်ကြီးများက ရှင်းလင်းမှုများ ပြုလုပ်ခဲ့သည့်အပြင် ရခိုင်ပြည်နယ်သို့ ပို့ဆောင်ပြီး အခြေအနေမှန်များကို လေ့လာသိရှိနိုင်ရန် စီစဉ်ပေးခဲ့ပါသည်။

ထို့ပြင် ကုလသမဂ္ဂအတွင်းရေးမှူးချုပ်၏ အထူးကိုယ်စားလှယ် မစ္စတာ ဗီဂျေ၊ နမ်ဘီးယား၊ လူ့အခွင့်အရေးဆိုင်ရာ အထူးအစီရင်ခံစာတင်သွင်းသူ မစ္စတာကွင်တားနား၊ တူရကီ နိုင်ငံခြားရေးဝန်ကြီး မစ္စတာအာမက် ဒါဝူတိုဂလူ ဦးဆောင်သော ကိုယ်စားလှယ်အဖွဲ့၊ အင်ဒိုနီးရှားနိုင်ငံ ကြက်ခြေနီအသင်းဥက္ကဋ္ဌ မစ္စတာ ယူဆွတ်ကာလာနှင့် အစ္စလမ်မစ်ပူးပေါင်းဆောင်ရွက်ရေးအဖွဲ့(အိုအိုင်စီ)ကိုယ်စားလှယ် လက်ထောက်အတွင်းရေးမှူးချုပ် မစ္စတာ အတ္တာအာမန်နမ် ဘက်ခစ်တို့အားလည်း ဖိတ်ခေါ်၍ ရခိုင်ပြည်နယ်သို့ ကိုယ်တိုင်သွားရောက်ကြည့်ရှုပြီး ဒုက္ခသည်များအတွက် အကူအညီအထောက်အပံ့များ ပေးအပ်နိုင်ရန် စီစဉ်ပေးခဲ့ပါသည်။ အိုအိုင်စီ အတွင်းရေးမှူးချုပ်အနေဖြင့် မြန်မာနိုင်ငံသို့ ကိုယ်တိုင်လာရောက်လိုကြောင်း အဆိုပြုလာသည့် အတွက် ၎င်းအဆင်ပြေချိန် လာရောက်ရန် ဖိတ်ခေါ်ထားပြီး ဖြစ်ပါသည်။

နိုင်ငံတော်အစိုးရအနေဖြင့် ယင်းပဋိပက္ခနှင့် စပ်လျဉ်း၍ ဖြစ်ရပ်မှန်ပေါ်ပေါက်ရေး စုံစမ်းစစ်ဆေးရန်နှင့် အမျိုးသားအကျိုးစီးပွားတိုးတက်ရေး အကြံပြုရန်အတွက် အဖွဲ့ဝင် ၂၇ ဦးပါ စုံစမ်းစစ်ဆေးရေးကော်မရှင်ကို သြဂုတ်လ ၁၇ ရက်နေ့တွင် နိုင်ငံတော်သမ္မတရုံးမှ ဖွဲ့စည်းပေးခဲ့ပြီးဖြစ်ပါသည်။ ၎င်းကော်မရှင်တွင် အစ္စလာမ် အပါအဝင် ဘာသာရေးအဖွဲ့အစည်းများမှ ပုဂ္ဂိုလ်များ၊ ပညာရှင်များ၊ နိုင်ငံရေးသမားများ၊ အငြိမ်းစားဝန်ထမ်းများကိုလည်း ပါဝင်ဖွဲ့စည်းထားပါသည်။
ထိုသို့ဖွဲ့စည်းခြင်းကို ကုလသမဂ္ဂအတွင်းရေးမှူးချုပ်ကလည်း ထောက်ခံကြောင်း သတင်းထုတ်ပြန်ခဲ့ပါသည်။ ရခိုင်ပြည်နယ်အရေးကိစ္စနှင့်စပ်လျဉ်း၍ မြန်မာအစိုးရ၏ ဆောင်ရွက်မှုများအပေါ် ကုလသမဂ္ဂအတွင်းရေးမှူးချုပ်၏ သတင်းထုတ်ပြန်ချက်၊ အာဆီယံနိုင်ငံခြားရေးဝန်ကြီးများ၏ သဘောထားထုတ်ပြန်ချက်များမှာ ဖြစ်ရပ်မှန် အခြေအနေများကို ထင်ဟပ်ဖော်ပြနေခြင်းဖြစ်၍ ကြိုဆိုပါသည်။

ရခိုင်ပြည်နယ်တွင် ဖြစ်ပွားခဲ့သော ဖြစ်စဉ်များသည် အုပ်စုချင်း အပြန်အလှန် လက်တုံ့ပြန်အကြမ်းဖက်မှုများသာဖြစ်၍ အချုပ်အခြာအာဏာပိုင် နိုင်ငံတစ်နိုင်ငံ၏ ပြည်တွင်းရေးကိစ္စသာဖြစ်ပါသည်။ ယင်းဖြစ်ရပ်များသည် ဘာသာရေးအရ ဖိနှိပ်ချုပ်ချယ်မှု၊ နှိပ်စက်ညှဉ်းပန်းမှုကြောင့် ဖြစ်ပွားသည့်ကိစ္စမဟုတ်ပါ။
သို့ဖြစ်၍ ဤကိစ္စကို ဘာသာရေးအကြောင်းပြပြီး နိုင်ငံရေးအရ ဒေသတွင်း သို့မဟုတ် အပြည်ပြည်ဆိုင်ရာ ပြဿနာတစ်ရပ်အဖြစ် ပုံဖော်ရန် ကြိုးပမ်းလုပ်ဆောင်မှုများကို မြန်မာနိုင်ငံအနေဖြင့် လက်ခံမည်မဟုတ်ပါ။ ထိုသို့သော လုပ်ရပ်များသည် ပြဿနာအတွက်အဖြေရှာရေးကို အထောက်အကူမပြုဘဲ ပိုမို၍ ရှုပ်ထွေးခက်ခဲစေမည်ဖြစ်ပါသည်။

ပြည်ထောင်စုမြန်မာနိုင်ငံတော်သည် သမိုင်းစဉ်တစ်လျှောက် ဗုဒ္ဓဘာသာ၊ ခရစ်ယာန်၊ မူစလင်၊ ဟိန္ဒူနှင့် အခြားကိုးကွယ်မှုများကို လွတ်လပ်စွာ ကိုးကွယ်ကြသူများအကြား စည်းလုံးညီညွတ်စွာနှင့် သဟဇာတရှိစွာ နေထိုင်ခဲ့သော နိုင်ငံတစ်နိုင်ငံ ဖြစ်ပါသည်။

သို့ဖြစ်ရာ ပဋိပက္ခဖြစ်ပွားခဲ့သည့် ဒေသတွင်းပြန်လည်ရရှိနေပြီဖြစ်သောတည်ငြိမ်အေးချမ်းမှုများကို ထိခိုက်စေမည့်ပြင်ပမှ ဝင်ရောက်စွက်ဖက်မှုများ၊ သွေးထိုးလှုံ့ဆော်မှုများကို ရပ်တန့်သင့်ပြီဖြစ်ကြောင်းနှင့် တည်ငြိမ်အေးချမ်းရေး၊ တရားဥပဒေစိုးမိုးရေးနှင့် သက်ဆိုင်သူများအကြား ပြန်လည်သင့်မြတ်ရေးနှင့် ပြန်လည်ထူထောင်ရေးလုပ်ငန်းများအတွက်သာ အားပေးဆောင်ရွက်သင့်ကြောင်း ဖော်ပြအပ်ပါသည်။

ရက်စွဲ။ ၂ဝ၁၂ ခုနှစ်၊ သြဂုတ် ၂၁ ရက်

နိုင်ငံခြားရေးဝန်ကြီးဌာန
နေပြည်တော်

(ဧရာဝတီ)