မြန်မာနိုင်ငံတွင်ကျင်းပခဲ့သော ရွေးကောက်ပွဲများကို စစ်တမ်းထုတ်ကြည့်ခြင်း

၁၉၈၈ခုနှစ်မှစ၍ အာဏာသိမ်းပိုက်ခဲ့သော နိုင်ငံတော်ငြိမ်ဝပ်ပိပြားမှုတည်ဆောက်ရေး အဖွဲ့တဖြစ် လဲ နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီသည် ၂၂ နှစ်အကြာ ၂ဝ၁ဝ ခုနှစ်၊ နိုဝင်ဘာလ (၇) ရက်နေ့တွင် ၂ဝဝ၈ ခုနှစ် ဖွဲ့စည်းပုံအခြေခံဥပဒေကိုအခြေခံ၍ ရွေး ကောက်ပွဲကျင်းပပြီးနောက် ၂ဝ၁၁ ခုနှစ် မတ်လ ၃ဝ ရက်နေ့၌ နိုင်ငံတော်သမ္မတအဖြစ် ရွေးချယ်တင်မြှောက်ခံထားသော ဦးသိန်း စိန်ခေါင်း ဆောင်သည့် ပြည်ထောင်စုအစိုးရသစ်ထံ အာဏာလွှဲပြောင်း၍ နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီကို ဖျက်သိမ်းလိုက် ကြောင်း ကြေညာခဲ့သည်။

ယင်းနေ့မှာပင် သမ္မတဦးသိန်းစိန်နှင့် ဒုတိယသမ္မတများ၊ ပြည်ထောင်စုအဆင့်ဖွဲ့ အစည်းဝင်များ၊ ပြည်ထောင်စုလွှတ်တော် နာယက၏ရှေ့ မှောက်တွင် ကတိသစ္စာပြုပြီးနောက် ပြည်ထောင်စုအစိုးရအဖွဲ့ဝင်ဝန်ကြီးများ၊ ဒုတိယဝန်ကြီးများ၊ အမျိုးသားကာကွယ်ရေးနှင့် လုံခြုံရေး ကောင်စီဝင်များစာရင်းကို ထုတ်ပြန်ခဲ့သည်။

ပြည်ထောင်စုအစိုးရအဖွဲ့ဝင်များမှာ အောက်ပါအတိုင်းဖြစ်သည်။
(၁) ဦးသိန်းစိန် - နိုင်ငံတော်သမ္မတ
(၂) သီဟသူရဦးတင်အောင်မြင့်ဦး - ဒုတိယသမ္မတ
(၃) ဒေါက်တာစိုင်းမောင်ခမ်း (ခ) မောင်အုန်း - ဒုတိယသမ္မတ
(၄) ဗိုလ်ချုပ်လှမင်း - ဝန်ကြီး၊ ကာကွယ်ရေးဝန်ကြီးဌာန
(၅) ဒုတိယဗိုလ်ချုပ်ကြီးကိုကို - ဝန်ကြီး၊ ပြည်ထဲရေးဝန်ကြီးဌာန
(၆) ဗိုလ်ချုပ်သိန်းဋ္ဌေး - ဝန်ကြီး၊ နယ်စပ်ရေးရာဝန်ကြီးဋ္ဌာနနှင့် မြန်မာ့စက်မှုဖွံ့ဖြိုးရေးဝန်ကြီးဋ္ဌာန
(၇) ဦးဝဏ္ဏမောင်လွင် - ဝန်ကြီး၊ နိုင်ငံခြားရေးဝန်ကြီး
(၈) ဦးကျော်ဆန်း - ဝန်ကြီး၊ ပြန်ကြားရေးနှင့် ယဉ်ကျေးမှုဝန်ကြီးဋ္ဌာန
(၉) ဦးမြင့်လှိုင် - ဝန်ကြီး၊ လယ်ယာစိုက်ပျိုးရေးနှင့် ဆည်မြောင်းဝန်ကြီးဋ္ဌာန
(၁ဝ) ဦးဝင်းထွန်း - ဝန်ကြီး၊ သစ်တောရေးရာဝန်ကြီးဋ္ဌာန
(၁၁) ဦးလှထွန်း - ဝန်ကြီး၊ ဘဏ္ဍာရေးနှင့် အခွန်ဝန်ကြီးဋ္ဌာန
(၁၂) ဦးခင်မောင်မြင့် - ဝန်ကြီး၊ ဆောက်လုပ်ရေးဝန်ကြီးဋ္ဌာန
(၁၃) ဦးတင်နိုင်သိန်း - ဝန်ကြီး၊ အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှုဝန်ကြီးဋ္ဌာနနှင့် မွေးမြူရေးနှင့်ရေလုပ်ငန်းဝန်ကြီးဋ္ဌာန
(၁၄) ဦးဝင်းမြင့် - ဝန်ကြီး၊ စီးပွားရေးနှင့် ကူးသန်းရောင်းဝယ်ရေးဝန်ကြီးဋ္ဌာန
(၁၅) ဦးသိန်းထွန်း - ဝန်ကြီး၊ ဆက်သွယ်ရေး စာတိုက်နှင့်ကြေးနန်းဝန်ကြီးဋ္ဌာန
(၁၆) ဦးအောင်ကြည် - ဝန်ကြီး၊ အလုပ်သမားဝန်ကြီးဋ္ဌာနနှင့် လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဋ္ဌာန
(၁၇) ဦးသိန်းထိုက် - ဝန်ကြီး၊ သတ္တုတွင်းဝန်ကြီးဋ္ဌာန
(၁၈) ဦးအုန်းမြင့် - ဝန်ကြီး၊ သမဝါယမဝန်ကြီးဋ္ဌာန
(၁၉) ဦးဉာဏ်ထွန်းအောင် - ဝန်ကြီး၊ ပို့ဆောင်ရေးဝန်ကြီးဋ္ဌာန
(၂ဝ) ဦးတင့်ဆန်း - ဝန်ကြီး၊ ဟိုတယ်နှင့်ခရီးသွားလာရေးဝန်ကြီးဋ္ဌာနနှင့် အားကစားဝန်ကြီးဋ္ဌာန
(၂၁) ဦးကျော်စွာခိုင် - ဝန်ကြီး၊ အမှတ် (၁) စက်မှုဝန်ကြီးဋ္ဌာန၊ (၂ဝ၁၁ ခုနှစ်၊ သြဂုတ်လ ၁ဝ ရက်နေ့တွင် သမ္မတရုံးဝန်ကြီးဋ္ဌာနသို့ပြောင်းလဲခန့်အပ်၍ ၂ဝ၁၂ ခုနှစ်ဇန်နဝါရီလ ၆ ရက်နေ့တွင် ကျန်းမာရေးအခြေအနေကြောင့် နှုတ်ထွက်သွားသည်။)
(၂၂) ဦးစိုးသိန်း - ဝန်ကြီး၊ အမှတ် (၂) စက်မှုဝန်ကြီးဋ္ဌာန၊ (၂ဝ၁၁ ခုနှစ် သြဂုတ်လ၁ဝရက်နေ့တွင် အမှတ် (၁) စက်မှုဝန်ကြီးဋ္ဌာနဝန်ကြီးအဖြစ် ပူးတွဲထမ်းဆောင်စေခဲ့သည်)
(၂၃) ဦးအောင်မင်း - ဝန်ကြီး၊ ရထားပို့ဆောင်ရေးဝန်ကြီးဋ္ဌာန။
(၂၄) ဦးသန်းဌေး - ဝန်ကြီး၊ စွမ်းအင်ဝန်ကြီးဋ္ဌာန။
(၂၅) ဦးဇော်မင်း - ဝန်ကြီး၊ အမှတ် (၁) လျှပ်စစ်စွမ်းအားဝန်ကြီးဋ္ဌာန။
(၂၆) ဦးခင်မောင်စိုး - ဝန်ကြီး၊ အမှတ် (၂) လျှပ်စစ်စွမ်းအားဝန်ကြီးဋ္ဌာန။
(၂၇) ဒေါက်တာမြအေး - ဝန်ကြီး၊ ပညာရေးဝန်ကြီးဋ္ဌာန။
(၂၈) ဒေါက်တာဖေသက်ခင် - ဝန်ကြီး၊ ကျန်းမာရေးးဝန်ကြီးဌာန။
(၂၉) သူရဦးမြင့်အောင် - ဝန်ကြီး၊ သာသနာရေးဝန်ကြီးဋ္ဌာန။
(၃ဝ) ဦးအေးမြင့် - ဝန်ကြီး၊ သိပ္ပံနှင့်နည်းပညာဝန်ကြီးဋ္ဌာန။
(၃၁) ဦးခင်ရီ - ဝန်ကြီး၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဋ္ဌာန။
(၃၂) ဦးသိန်းညွှန့် - ဝန်ကြီး၊ သမ္မတရုံးဝန်ကြီးဋ္ဌာန။
(၃၃) ဦးစိုးမောင် - ဝန်ကြီး၊ သမ္မတရုံးဝန်ကြီးဋ္ဌာန။
(၃၄) ဒေါက်တာထွန်းရှင် - ပြည်ထောင်စုရှေ့နေချုပ်၊ ပြည်ထောင်စုရှေ့နေချုပ်ရုံး။
(၃၅) ဦးတင်မျိုးကြည် - အတွင်းရေးမှူး၊ အစိုးရအဖွဲ့ရုံး။

အမျိုးသားကာကွယ်ရေးနှင့် လုံခြုံရေးကောင်စီမှာ အောက်ပါအတိုင်းဖြစ်သည်။
(၁) နိုင်ငံတော်သမ္မတ - ဦးသိန်းစိန်
(၂) ဒုတိယသမ္မတ - သီဟသူရဦးတင်အောင်မြင့်ဦး
(၃) ဒုတိယသမ္မတ - ဒေါက်တာစိုင်းမောက်ခမ်း (ခ) မောင်အုန်း
(၄) ပြည်သူ့လွှတ်တော်ဥက္ကဋ္ဌ - သူရဦးရွှေမန်း
(၅) အမျိုးသားလွှတ်တော်ဥက္ကဋ္ဌ - ဦးခင်အောင်မြင့်
(၆) တပ်မတော်ကာကွယ်ရေးဦးစီးချုပ် - ဗိုလ်ချုပ်ကြီးမင်းအောင်လှိုင် (ယခု ဒုတိယဗိုလ်ချုပ်မှူးကြီး)
(၇) ဒုတိယတပ်မတော်ကာကွယ်ရေး - ဒုတိယဗိုလ်ချုပ်ကြီးစိုးဝင်း (ယခု ဗိုလ်ချုပ်ကြီး)

ဦးစီးချုပ်
(၈) ကာကွယ်ရေးဝန်ကြီးဋ္ဌာနဝန်ကြီး - ဗိုလ်ချုပ်လှမင်း
(၉) နိုင်ငံခြားရေးဝန်ကြီးဋ္ဌာနဝန်ကြီး - ဦးဝဏ္ဏမောင်လွင်
(၁ဝ) ပြည်ထဲရေးဝန်ကြီးဋ္ဌာနဝန်ကြီး - ဒုတိယဗိုလ်ချုပ်ကြီးကိုကို
(၁၁) နယ်စပ်ရေးရာဝန်ကြီးဋ္ဌာနဝန်ကြီး- ဗိုလ်ချုပ်သိန်းဋ္ဌေး

ပြည်နယ် သို့မဟုတ် တိုင်းဒေသကြီးဝန်ကြီးချုပ်များ
(၁) ကချင်ပြည်နယ် - ဦးလဂျွန်ငန်ဆိုင်း
(၂) ကယားပြည်နယ် - ဦးခင်မောင်ဦး (ခ) ဦးဘူးရယ်
(၃) ကရင်ပြည်နယ် - ဗိုလ်မှူးချုပ်ဇော်မင်း
(၄) ချင်းပြည်နယ် - ဦးဟုန်းငိုင်း
(၅) စစ်ကိုင်းတိုင်းဒေသကြီး - ဦးသာအေး
(၆) တနင်္သာရီတိုင်းဒေသကြီး - ဦးခင်ဇော်
(၇) ပဲခူးတိုင်းဒေသကြီး - ဦးဉာဏ်ဝင်း
(၈) မကွေးတိုင်းဒေသကြီး - ဦးဘုန်းမော်ရွှေ
(၉) မန္တလေးတိုင်းဒေသကြီး - ဦးရဲမြင့်
(၁ဝ) မွန်ပြည်နယ် - ဦးအုန်းမြင့်
(၁၁) ရခိုင်ပြည်နယ် - ဦးလှမောင်တင်
(၁၂) ရန်ကုန်တိုင်းဒေသကြီး - ဦးမြင့်ဆွေ
(၁၃) ရှမ်းပြည်နယ် - ဦးအောင်မြတ် (ခ) စဝ်အောင်မြတ်
(၁၄) ဧရာဝတီတိုင်းဒေသကြီး - ဦးသိန်းအောင်

ထိုစဉ်အတွင်း ၂ဝ၁ဝ ရွေးကောက်ပွဲကျင်းပပြီး ၇ ရက်အကြာ ၂ဝ၁ဝ ပြည့်နှစ် နိုဝင်ဘာလ ၁၃ ရက်နေ့တွင် ဒေါ်အောင်ဆန်းစုကြည်သည် နေအိမ်အကျယ်ချုပ်မှ ပြန်လည်လွတ်မြောက်လာခဲ့သည်။ ဒီမိုကရေစီစနစ်ကို မလိုလားသောစစ်အာဏာရှင်အချို့က ယနေ့မြန်မာနိုင်ငံ တော်တွင် ဒေါ်အောင်ဆန်းစုကြည်ကို မည်သူမျှ စိတ်မဝင်စားတော့ချေ။ သူ့ကို အကျယ်ချုပ်ဖြင့် နှစ်ရှည်လများ ထိန်းသိမ်းထားလိုက်သည့် အတွက် လူထုနှင့် ဝေးကွာသွားပြီ။ ကင်းကွာသွားပြီဟု ဝါဒဖြန့်ခဲ့ကြသည်။ သို့သော် သူလွတ်ခဲ့သည့်နေ့က သူ၏နေအိမ်ရှေ့သို့ အပြေးအလွှား သွားရောက်ကြိုဆိုခဲ့ကြသည့် ထောင်ပေါင်းများစွာသော လူထုပရိသတ်ကိုကြည့်ခြင်းဖြင့် ပြည်သူတို့သည် ဒေါ်အောင်ဆန်းစုကြည်ကို မိမိတို့ ဦးနှောက်မှ မေ့ပျောက်သွားသည့်တိုင် နှလုံးသားထဲမှ အစဉ်ထာဝရရှိနေကြောင်း သိသာလှပေသည်။

၂ဝ၁ဝ ပြည့်နှစ် ပါတီစုံဒီမိုကရေစီရွေးကောက်ပွဲတွင် အငြင်းပွားဖွယ်အနိုင်ရရှိခဲ့သော ဦးသိန်းစိန်ဦးဆောင်နေသော ပြည်ထောင်စုအစိုးရ အဖွဲ့သစ်သည် ပြည်တွင်းပြည်ပ လူထုထောက်ခံမှု အပြည့်အဝရရှိထားသော ဒေါ်အောင်ဆန်းစုကြည်နှင့် လွှတ်တော်ပြင်ပနိုင်ငံရေးအင်အားစုများ၏ ပူးပေါင်းဆောင်ရွက်မှုမရရှိဘဲ စစ်မှန်သော ဒီမိုကရေစီစနစ်ကို မတည်ဆောက်နိုင်ကြောင်း နားလည်သဘောပေါက်ခဲ့သည်။

ထို့ကြောင့် သမ္မတဦးသိန်းစိန်သည် သူ၏နိုင်ငံတော်အခြေပြမိန့်ခွန်းတွင် ၂ဝဝ၈ ခုနှစ် ဖွဲ့စည်းပုံအခြေခံဥပဒေကို လက်မခံလိုသည့် နိုင်ငံရေး အင်အားစုများရှိနေသည်ကို အသိအမှတ်ပြုပြောကြားခဲ့ပြီး လွှတ်တော်ပြင်ပ နိုင်ငံရေးအင်အားစုများကို လျစ်လျူမရှုကြောင်း အတိအလင်း ပြောကြားခဲ့သည်။ ဤသည်မှာ ပကတိအရှိတရားကို နိုင်ငံရေးအင်အားစု နှစ်ဖက်စလုံးက လက်ခံအသိအမှတ်ပြုခဲ့ခြင်းသည် ကောင်းမြတ် သော နိုင်ငံရေးရင့်ကျက်တည်ငြိမ်မှုပင် ဖြစ်သည်။

ယင်းနောက် ၂ဝ၁၁ ခုနှစ် ဇူလိုင်လ၂၅ ရက်နေ့တွင် ဒေါ်အောင်ဆန်းစုကြည်နှင့် ပြည်ထောင်စုဝန်ကြီး ဦးအောင်ကြည်တို့ အစိုးရဧည့်ဂေဟာ စိမ်းလဲ့ကန်သာတွင် အစိုးရသစ်လက်ထက် ပထမအကြိမ်အဖြစ် မွန်းလွဲ ၁ နာရီမှ ၂ နာရီ ၁ဝ မိနစ်အထိ တွေ့ဆုံခဲ့သည်။ ဆွေးနွေးအပြီး၌ ကိုယ်စိတ်နှစ်ပါး ချမ်းသာစေရေးအတွက် နှစ်ဖက်ပူးပေါင်းဆောင်ရွက်နိုင်မည့် အခွင့်အလမ်းများ၊ တရားဥပဒေစိုးမိုးရေးကိစ္စ၊ စိတ်ဝမ်းကွဲပြားမှု ပပျောက်ရေးကိစ္စရပ်များနှင့် အများပြည်သူ အကျိုးဖြစ်ထွန်းစေမှု စသည့်ကိစ္စရပ်များဆွေးနွေးခဲ့ကြောင်း၊ သင့်လျော်သည့်ရက်တွင် ထပ်မံ တွေ့ဆုံဆွေးနွေးရန်ကိုလည်း နှစ်ဦးသဘောတူကြေညာချက်ထုတ်ပြန်ခဲ့သည်။ စစ်အုပ်ချုပ်ရေးကာလတွင် (၉) ကြိမ်တွေ့ဆုံခဲ့သော်လည်း မည်သည့် ကြေညာချက်မှမထုတ်ခဲ့၍ ယခုပူးတွဲကြေညာချက်ထုတ်ပြန်မှုသည် ထူးခြားသည်ဟုဆိုကြသည်။

ဆွေးနွေးပွဲအပြီး သတင်းစာဆရာများ၏ အမေးကို ဒေါ်အောင်ဆန်းစုကြည်က ...
“ကျမတို့ကတော့ တိုင်းပြည်အတွက်အကျိုးဖြစ်စေမယ့်ရလဒ်တွေပဲ မျှော်လင့်ပါတယ်။ ဘာပဲလုပ်လုပ်ပေါ့နော်။ ဘာစကားပဲပြောပြော၊ ဘယ်သူနဲ့ပဲ တွေ့တွေ့ကျမတို့ရဲ့ရည်ရွယ်ချက်ကတော့ နိုင်ငံနှင့်တိုင်းပြည်အတွက် ပြည်သူပြည်သားများကိုအကျိုးပြုဖို့ပါပဲ။ အဲဒါကိုပဲ ကျမတို့ မျှော်လင့်ပါတယ်” ဟူ၍ ပြောကြားသွားသည်။

ယင်းနောက် အလုပ်သမားဝန်ကြီးဋ္ဌာနနှင့်လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ဝန်ကြီးဋ္ဌာန ပြည်ထောင်စုဝန်ကြီး ဦး အောင်ကြည်နှင့် ဒေါ်အောင်ဆန်းစုကြည်တို့သည် ၂ဝ၁၁ ခုနှစ်၊ သြဂုတ်လ ၁၂ ရက်နေ့တွင် ရန်ကုန်မြို့စိမ်းလဲ့ကန်သာအစိုးရဧည့်ဂေဟာ၌ မွန်းလွဲ ၁ နာရီမှ ၁ နာရီ မိနစ် ၅ဝ အထိ ဒုတိယအကြိမ်တွေ့ဆုံဆွေးနွေး၍၊ နှစ်ဦးသဘောတူ သတင်းထုတ်ပြန်ချက် (၄) ချက် ထုတ်ပြန်ခဲ့ သည်။ သတင်းထုတ်ပြန်ချက်အပြည့်အစုံမှာ အောက်ပါအတိုင်းဖြစ်သည်။

(၁) ပြည်သူလူထုတရပ်လုံး၏ ပကတိလိုအပ်ချက်ဆန္ဒများကို ဖြည့်ဆည်းပေးသည့်အနေဖြင့် တိုင်းပြည်တည်ငြိမ်အေးချမ်းရေးနှင့် ဖွံ့ဖြိုးတိုး တက်ရေးအတွက် နိုင်ငံတော်အစိုးရနှင့် နှစ်ဖက်လက်တွဲဆောင်ရွက်သွားမည်။

(၂) မြန်မာနိုင်ငံတွင် ဒီမိုကရေစီစနစ် ဆက်လက်တိုးတက်ထွန်းကားလာစေရေးအတွက်လည်းကောင်း၊ စီးပွားရေးနှင့် လူမှုရေးလုပ်ငန်းများ ပိုမိုဖွံ့ဖြိုးတိုးတက်လာစေရေးအတွက်လည်းကောင်း အပြုသဘောပူးပေါင်းဆောင်ရွက်သွားမည်။

(၃) ပဋိပက္ခအသွင်ဆောင်သော အမြင်သဘောထားများကို ရှောင်ရှားကြပြီး အပြန်အလှန်ကူညီတော့ ပူးပေါင်းဆောင်ရွက်ရေးလုပ်ငန်းစဉ် (reciprocal basis) အတွက် ဦးတည်ဆောင်ရွက်သွားမည်။

(၄) တွေ့ဆုံဆွေးနွေးမှုများ ဆက်လက်ပြုလုပ်သွားမည်။

ဦးအောင်ကြည်နှင့် ဒေါ်အောင်ဆန်းစုကြည်တို့ တွေ့ဆုံဆွေးနွေးအပြီး တစ်ပတ်အကြာ ၂ဝ၁၁ ခုနှစ်၊ သြဂုတ်လ ၁၉ ရက်နေ့တွင် နေပြည် တော်ရှိသမ္မတအိမ်တော်ရုံးခန်း၌ ညနေ ၄ နာရီမှ ၅ နာရီအထိ ပထမဆုံးအကြိမ်အဖြစ် အစိုးရအဖွဲ့သစ်၏ သမ္မတဦးသိန်းစိန်နှင့် ဒေါ်အောင် ဆန်းစုကြည်တို့တွေ့ဆုံ၍ မတူကွဲပြားသော သဘောထားအမြင်များဘေးဖယ်ထားပြီး နိုင်ငံနှင့်ပြည်သူလူထုအတွက် အမှန်တကယ်အကျိုး ရှိစေမည့် ဘုံအကျိုးစီးပွားများတွင် ပူးပေါင်းဆောင်ရွက်နိုင်မည့် အလားအလာများအား ရင်းနှီးပွင့်လင်းစွာဆွေးနွေးခဲ့ကြောင်း သိရသည်။

၂ဝ၁၁ ခုနှစ်၊ နိုဝင်ဘာလ ၄ ရက်နေ့တွင် အစိုးရအသစ်သည် နိုင်ငံရေးပါတီများမှတ်ပုံတင်ခြင်းဥပဒေကို ပြင်ဆင်သည့်ဥပဒေကို တရားဝင်ပြ ဋ္ဌာန်းလိုက်ပြီဖြစ်ကြောင်း ကြေညာခဲ့သည်။

ပြင်ဆင်ခဲ့သည့်ဥပဒေ၌ ယခင်ဥပဒေတွင်ပါရှိသည့် ၂ဝဝ၈ ဖွဲ့စည်းပုံအခြေခံဥပဒေကို ထိန်းသိမ်းစောင့်ရှောက်ရေးအစား၊ ဖွဲ့စည်းပုံအခြေခံ ဥပဒေကို လေးစားလိုက်နာရေးဟူ၍ ပြင်ဆင်ခြင်း၊ နိုင်ငံရေးပါတီများမှတ်ပုံတင်ခြင်း ဥပဒေပုဒ်မ ၁ဝ ၌ ပါတီဝင်များ စည်းရုံးရာ၌ ပုဒ်မခွဲ (င)အရ ထောင်ဒဏ်ကျခံနေရသူ မဟုတ်ခြင်းကို ပယ်ဖျက်လိုက်ခြင်းနှင့် ပုဒ်မ ၁၂ (က) (၁) ၌ အထွေထွေရွေးကောက်ပွဲတွင် ပြည်သူ့လွှတ်တော် မဲဆန္ဒနယ်၊ အမျိုးသားလွှတ်တော်မဲဆန္ဒနယ်၊ တိုင်းဒေသကြီး (သို့မဟုတ်) ပြည်နယ်မဲဆန္ဒနယ်တို့၌ အနည်းဆုံးမဲဆန္ဒနယ် (၃) နယ်တွင် မိမိပါတိမှ လွှတ်တော်ကိုယ်စားလှယ်လောင်းများ ဝင်ရောက်ယှဉ်ပြိုင်မှုမပြုနိုင်ခြင်းဆိုသည့်အချက်ကို လွှတ်တော်သက်တမ်းတစ်ရပ်စီ အတွက် အထွေထွေရွေးကောက်ပွဲ ကျင်းပပြီးသည့်နောက်ပိုင်းတွင် မှတ်ပုံတင်ခွင့်ရရှိသောပါတီများသည် ဤပြဋ္ဌာန်းချက်နှင့် အကျုံးမဝင်စေ ရဟူသောရှင်းလင်းချက်ကို ဖြည့်စွက်ပေးခြင်းတို့ ဖြစ်သည်။

အစိုးရသစ်မှ နိုင်ငံရေးပါတီများ မှတ်ပုံတင်ခြင်းဥပဒေကို ပြင်ဆင်သည့်ဥပဒေထုတ်ပြန်ပြီးနောက် ၂ဝ၁၁ ခုနှစ်၊ နိုဝင်ဘာလ ၁၈ ရက်နေ့တွင် အမှတ် ၉၇/ခ အနောက်ရွှေဂုံတိုင်လမ်းရှိ အမျိုးသားဒီမိုကရေစီအဖွဲ့ချုပ်ရုံး၌ အဖွဲ့ချုပ်၏ ဗဟိုဦးစီးအစည်းအဝေးကျင်းပကာ နိုင်ငံရေးပါတီများ မှတ်ပုံတင်ခြင်းဥပဒေနှင့်အညီ မှတ်ပုံတင်မည်ဟုဆုံးဖြတ်၍ နောင်လာမည့်ရွေးကောက်ပွဲတွင် ဝင်ရောက်ယှဉ်ပြိုင်မည်ဟု အထူးကြေညာချက် ထုတ်ပြန်ခဲ့သည်။

ကြေညာချက်အပြည့်အစုံမှာ ...

အထူးကြေညာချက်အမှတ်- ၁/၁၁/၁၁
အမျိုးသားဒီမိုကရေစီအဖွဲ့ချုပ်သည် တွေ့ဆုံဆွေးနွေးရေးနှင့် အမျိုးသားပြန်လည်သင့်မြတ်ရေးကို အစဉ်တစိုက် ကြိုးပမ်းအားထုတ်လျက်ရှိပါ သည်။ အမျိုးသားဒီမိုကရေစီအဖွဲ့ချုပ်၏မူများဖြစ်သော အာဃာတကင်းစင်သော အထွေထွေ သဟဇာတဖြစ်မှုကို ရှေးရှုရေး၊ ငြိမ်းချမ်းချော မွေ့သောနည်းကို အသုံးချရေး၊ အပြန်အလှန် ပူးပေါင်းဆောင်ရွက်ရေးတို့ကိုလည်း စွဲလျက်ရှိပါသည်။

ထို့အပြင် ပြည်သူလူထုနှင့်တကွ ဒီမိုကရေစီအင်အားစုများကလည်း ၎င်းတို့လိုလားနှစ်သက်ပြီး အားကိုးအားထားပြုသော အမျိုးသားဒီမိုက ရေစီအဖွဲ့ချုပ်အား နိုင်ငံရေးပါတီတစ်ခုအဖြစ် ဆက်လက်ရှင်သန်ရပ်တည်စေလိုသော ဆန္ဒသဘောထားများပေါ်ပေါက်နေကြောင်း ကြား သိနေရပါသည်။

သို့ပါ၍ အမျိုးသားဒီမိုကရေစီအဖွဲ့ချုပ် ဗဟိုဦးစီးအဖွဲ့အစည်းအဝေးကို (၁၈-၁၁-၂ဝ၁၁) ရက်နေ့တွင် ကျင်းပပြုလုပ်ပါသည်။ ယင်းအစည်း အဝေးသို့ ပြည်နယ်/တိုင်း ၁၄ ခုမှ ဗဟိုဦးစီးအဖွဲ့ဝင်များ အဖွဲ့ချုပ်ညီနောင်ပါတီဖြစ်သော အမျိုးသားဒီမိုကရေစီပါတီနှင့် အဖွဲ့ချုပ်ဗဟိုအမျိုး သမီးလုပ်ငန်းအဖွဲ့တို့မှ ဗဟိုဦးစီးအဖွဲ့ဝင်များ၊ လူငယ်လုပ်ငန်းများဖော်ဆောင်ရေးမှကိုယ်စားလှယ်များ တက်ရောက်ကြပါသည်။ တက် ရောက်ခွင့်ရှိသူ ၁ဝ၆ ဦး တက်ရောက်ကြပါသည်။ ဤဗဟိုဦးစီးအဖွဲ့အစည်းအဝေးမှ အောက်ပါဆုံးဖြတ်ချက်များကို ကန့်ကွက်သူမရှိ တညီ တညွတ်တည်း ချမှတ်ကြောင်း ကြေညာလိုက်သည်။

ဆုံးဖြတ်ချက်များ
(၁) အမျိုးသားဒီမိုကရေစီအဖွဲ့ချုပ်ကို နိုင်ငံရေးပါတီများမှတ်ပုံတင်ခြင်းဥပဒေနှင့်အညီ မှတ်ပုံတင်မည်။
(၂) နောင်လာမည်ရွေးကောက်ပွဲများတွင် ဝင်ရောက်ယှဉ်ပြိုင်အရွေးခံမည်။

၁၈-၁၁-၂ဝ၁၁နေ့တွင် ကျင်းပသော ဗဟိုအလုပ်အမှုဆောင်အဖွဲ့ အစည်းအဝေးဆုံးဖြတ်ချက်အရ။

ဗဟိုအလုပ်အမှုဆောင်အဖွဲ့
အမျိုးသားဒီမိုကရေစီအဖွဲ့ချုပ်
ရန်ကုန်မြို့။

လွှတ်တော်အသီးသီးတွင် လွှတ်တော်ကိုယ်စားလှယ်လစ်လပ်နေသော မဲဆန္ဒနယ်များအတွက် ကြားဖြတ်ရွေးကောက်ပွဲကို ၂ဝ၁၂ ခုနှစ် ဧပြီလ ၁ ရက်နေ့ (တနင်္ဂနွေနေ့) တွင်ကျင်းပသွားမည်ဟု ပြည်ထောင်စုရွေးကောက်ပွဲကော်မရှင်မှ ကြေညာချက်အမှတ် (၆၁/၂ဝ၁၁) ဖြင့် ၂ဝ၁၁ ခုနှစ် ဒီဇင်ဘာလ ၃ဝ ရက်နေ့တွင် ထုတ်ပြန်ခဲ့သည်။

အဆိုပါကြေညာချက်နှင့်အတူ လစ်လပ်နေသောမဲဆန္ဒနယ်များကိုလည်းထုတ်ပြန်ခဲ့သည်။ လစ်လပ်လျက်ရှိသော မဲဆန္ဒနယ်များမှာ ...

အမျိုးသားလွှတ်တော်- ၆ နေရာ
(၁) ရှမ်းပြည်နယ်မဲဆန္ဒနယ် အမှတ် ၃
(၂) ဧရာဝတီတိုင်းဒေသကြီး မဲဆန္ဒနယ် ၁ဝ (ဖျာပုံ၊ ဒေးဒရဲ)
(၃) ပဲခူးတိုင်းဒေသကြီးမဲဆန္ဒနယ် (အုတ်တွင်း၊ ထန်းတပင်)
(၄) စစ်ကိုင်းတိုင်းဒေသကြီး (ရေဦး၊ တန့်ဆည်၊ ကန့်ဘလူ၊ ကျွန်းလှ)
(၅) မကွေးတိုင်းဒေသကြီး (တောင်တွင်းကြီး)

ပြည်သူ့လွှတ်တော် - ၄ဝ နေရာ
(၁) ဖားကန့်မြို့နယ်
(၂) မိုးကောင်းမြို့နယ်
(၃) ဗန်းမော်
(၄) စစ်ကိုင်း
(၅) ပုလဲ
(၆) မင်းကင်း
(၇) ကျွန်းစုမြို့နယ်
(၈) လောင်းလုံမြို့နယ်
(၉) တောင်ငူမြို့နယ်
(၁ဝ) ထန်းတပင်မြို့နယ် (ပဲခူးတိုင်းဒေသကြီး)
(၁၁) သနပ်ပင်
(၁၂) လက်ပံတန်း
(၁၃) မကွေး
(၁၄) ရေစကြို
(၁၅) မြိုင်
(၁၆) ပခုက္ကူ
(၁၇) ပွင့်ဖြူ
(၁၈) ဇမ္ဗူသီရိ
(၁၉) ပုဗ္ဗသီရိ
(၂ဝ) ဒက္ခိဏသီရိ
(၂၁) ဥတ္တရသီရိ
(၂၂) ကျောက်ပန်းတောင်း
(၂၃) နွားထိုးကြီး
(၂၄) မဟာအောင်မြေ
(၂၅) တံတားဦး
(၂၆) မိတ္ထီလာ
(၂၇) ပြင်ဦးလွင်
(၂၈) မော်လမြိုင်
(၂၉) ကော့မှူး
(၃ဝ) သုံးခွ
(၃၁) ဒဂုံဆိပ်ကမ်း
(၃၂) မင်္ဂလာတောင်ညွှန့်
(၃၃) လှည်းကူး
(၃၄) မရမ်းကုန်း
(၃၅) ကလော
(၃၆) ပုသိမ်
(၃၇) မအူပင်
(၃၈) မြောင်းမြ
(၃၉) ဝါးခယ်မ
(၄ဝ) မြန်အောင်

တိုင်းဒေသကြီး - ၂ နေရာ
(၁) ကဝမြို့နယ် မဲဆန္ဒနယ် အမှတ်-၂
(၂) ရေကြည်မြို့နယ် မဲဆန္ဒနယ် အမှတ်-၂ တို့ဖြစ်သည်။

သို့သော် ကချင်ပြည်နယ်ရှိ အင်ဂျန်းယန်- ၂၊ ဆွမ်ပရာဘွမ်- ၂၊ ရှမ်းပြည်နယ် မိုင်းလား၊ နားဖန်း၊ ပန်ဝိုင်၊ မိုးမော၊ ပန်ဆန်း (ပန်စမ်း) မြို့နယ် တို့ပါဝင်သော ပြည်သူ့လွှတ်တော် ၅ နေရာ၊ ပြည်နယ်လွှတ်တော် ၁၂ နေရာ၊ စုစုပေါင်း ၁၇ နေရာသည် လုံခြုံရေးအခြေအနေကြောင့် ကြား ဖြတ်ရွေးကောက်ပွဲမကျင်းပနိုင်ဟု ဆိုသည်။

ထို့နောက် ၂ဝ၁၁ ခုနှစ်၊ နိုဝင်ဘာလ၂၅ ရက်နေ့တွင် အမျိုးသားဒီမိုကရေစီအဖွဲ့ချုပ်ပါတီ ဒုတိယဥက္ကဋ္ဌ ဦးတင်ဦး၊ အထွေထွေအတွင်းရေးမှူး ဒေါ်အောင်ဆန်းစုကြည်တို့ပါဝင်သည့် ၂၁ ဦးအမည်စာရင်းဖြင့် နေပြည်တော်ရှိ ရွေးကောက်ပွဲကော်မရှင်သို့ ပါတီတည်ထောင်ခြင်းကို လျှောက်ထားခဲ့ကြသည်။

၂၁ ဦး နာမည်စာရင်းမှာ
(၁) ဦးတင်ဦး
(၂) ဒေါ်အောင်ဆန်းစုကြည်
(၃) ဦးဝင်းတင်
(၄) ဦးဉာဏ်ဝင်း
(၅) ဦးဟံသာမြင့်
(၆) ဒေါက်တာဒေါ်မေဝင်းမြင့်
(၇) ဦးစိုးဝင်း
(၈) ဦးမျိုးညွှန့်
(၉) ဦးလဆိုင်း (ကချင်)
(၁ဝ) ဒေါ်နန်းခင်ထွေးမြင့် (ကရင်)
(၁၁) ဦးဇိုဘွဲ (ချင်း)
(၁၂) ဒေါ်ခင်စန်းလှိုင်
(၁၃) ဒေါ်ခင်အေးမူ (တနင်္သာရီ)
(၁၄) ဒေါ်လှလှမျိုး (ပဲခူး)
(၁၅) ဒေါ်ခင်စောဋ္ဌေး(မကွေး)
(၁၆) ဒေါ်အုန်းကြည် (မန္တလေး)
(၁၇) ဒေါ်ခင်ဋ္ဌေးကြွယ် (မွန်)
(၁၈) ဦးကျော်ခိုင် (ရခိုင်)
(၁၉) ဒေါက်တာဒေါ်သန်းငွေ (ရှမ်း)
(၂ဝ) ဒေါ်ခင်မိုးမိုး (ရှမ်း)
(၂၁) ဦးခင်ဇော်လင်း (ဧရာဝတီ) တို့ဖြစ်သည်။

ဒေါ်အောင်ဆန်းစုကြည်က ပါတီပြန်လည်မှတ်ပုံတင်ခြင်းနှင့် ကြားဖြတ်ရွေးကောက်ပွဲဝင်ရခြင်းကို ...

“အမျိုးသားဒီမိုကရေစီအဖွဲ့ချုပ်ကို ပြန်လည်မှတ်ပုံတင်ပြီးတော့ ရွေးကောက်ပွဲဝင်ဖို့ ဆုံးဖြတ်ချက်ဟာ ဘယ်အပေါ်မှာအခြေခံသလဲဆိုတော့ ကျမတို့ အရေးအကြီးဆုံး ဘာတွေမြင်ရသလဲဆိုတာ ကျမတို့တင်ပြသွားပါမယ်။ သုံးချက်ပါ။ ဥပဒေစိုးမိုးရေး၊ ပြည်တွင်းငြိမ်းချမ်းရေးနဲ့ ဖွဲ့ စည်းပုံအခြေခံဥပဒေကို ပြန်လည်ပြင်ဆင်ရေး။ ဒီလိုကြိုးစားနေတာဟာ ကျမတို့အဖွဲ့အတွက်မဟုတ်ပါဘူး။ ကျမတို့ယုံကြည်တဲ့ ဒီမိုက ရေစီပြည်ထောင်စုကြီးအတွက် ဖြစ်ပါတယ်။ အဲဒီစစ်မှန်တဲ့ဒီမိုကရေစီပြည်ထောင်စုကြီးကို ထူထောင်သွားနိုင်ဖို့လုပ်သင့်တယ်လို့ထင်လို့ ကျမတို့အဖွဲ့ချုပ်ကို ပြန်လည်ပြီးတော့ မှတ်ပုံတင်ပြီးတော့ ရွေးကောက်ပွဲတွေမှာဝင်ဖို့ ဆုံးဖြတ်ခဲ့တာဖြစ်ပါတယ်”

`ပြီးတော့ ဘာဖြစ်လို့ ဥပဒေစိုးမိုးရေးကို ပထမဆုံးထားသလဲဆိုတော့ တခြားကိစ္စတွေက အဲဒါနဲ့ဆက်နွယ်နေပါတယ်။ နိုင်ငံရေးအကျဉ်းသားလွတ်မြောက်ရေးဆိုတာ ဥပဒေစိုးမိုးရေးနဲ့ ဆိုင်ပါတယ်။ ဥပဒေစိုးမိုးရေးရှိရင် နိုင်ငံရေးအကျဉ်းသားတွေရှိစရာ မလိုတော့ပါဘူး။

ဥပဒေစိုးမိုးမှုမရှိလို့ရှိရင် ပြည်တွင်းငြိမ်းချမ်းရေးရဖို့ဆိုတာလည်း ခက်ပါတယ်။ ကျမတို့တိုင်းရင်းသားနယ်မြေတွေမှာ လူ့အခွင့်အရေးချိုး ဖောက်တာတွေကို စုံစမ်းပြီးတော့ သေသေချာချာထိန်းနိုင်မှာပါ။ အဲဒီတော့ လူ့အခွင့်အရေးချိုးဖောက်တာတွေနဲ့ပတ်သက်လို့ ဘယ်လို လုပ်ရမလဲလို့ မေးတာတွေဟာ ဒီဟာနဲ့ဆက်စပ်နေပါတယ်။ ဥပဒေစိုးမိုးရေးနဲ့ ပြည်တွင်းငြိမ်းချမ်းရေးဆိုတာ ဆက်စပ်နေပါတယ်။ နိုင်ငံ ရေးအကျဉ်းသားများလွတ်မြောက်ရေးဆိုတာနဲ့ ဆက်စပ်နေပါတယ်။ ဒါ့ကြောင့်မို့ ကျမတို့ဟာ ဥပဒေစိုးမိုးရေးကို အလေးထားရမှာပါ။´

ယင်းနောက် အမျိုးသားဒီမိုကရေစီအဖွဲ့ချုပ်ပါတီအား နိုင်ငံရေးပါတီများမှတ်ပုံတင်ခြင်း ဥပဒေပုဒ်မ ၉ နှင့်အညီ မှတ်ပုံတင်ခွင့်ပြုလိုက်ကြောင်း ပြည်ထောင်စုရွေးကောက်ပွဲကော်မရှင်မှ ၂ဝ၁၁ ခုနှစ်၊ ဒီဇင်ဘာလ ၅ ရက်နေ့တွင် ကြေညာချက် အမှတ် (၁/၂ဝ၁၂) ထုတ်ပြန်ကြေညာခဲ့သည်။

ရွေးကောက်ပွဲကော်မရှင်က ကြားဖြတ်ရွေးကောက်ပွဲသို့ ဝင်ရောက်ယှဉ်ပြိုင်မည့် လွှတ်တော်ကိုယ်စားလှယ်လောင်းအမည်စာရင်းကို ၂ဝ၁၂ ခုနှစ် ဇန်နဝါရီလ ၁၆ ရက်နေ့တွင် စတင်တင်သွင်းနိုင်ပြီး ဇန်နဝါရီလ ၃၁ ရက်နေ့ နောက်ဆုံးထားတင်သွင်းရမည်ဖြစ်ကြောင်း၊ လွှတ်တော်ကိုယ်စားလှယ်လောင်းအမည်ရုတ်သိမ်းလိုက ရုတ်သိမ်းနိုင်သည့် နောက်ဆုံးနေ့ရက်မှာ ဖေဖော်ဝါရီလ ၃ ရက်နေ့ဖြစ်ကြောင်းနှင့် လွှတ်တော် ကိုယ်စားလှယ်လောင်း အမည်စာရင်းတင်သွင်းလွှာများကို ဖေဖော်ဝါရီလ ၆ ရက်နေ့မှ ၁ဝ ရက်နေ့အထိ စိစစ်သွားမည်ဖြစ်ကြောင်းကို လည်း ထုတ်ပြန်ခဲ့သည်။

လက်ရှိတွင် မှတ်ပုံတင်ပြီး ဆက်လက်တည်ရှိနေသည့် နိုင်ငံရေးပါတီပေါင်းမှာ (၃၇) ပါတီရှိပြီး ၂ဝ၁ဝ ပါတီစုံဒီမိုကရေစီ အထွေထွေရွေး ကောက်ပွဲပြီးနောက် ပါတီတည်ထောင်ခွင့် လျှောက်ထားခဲ့သည့်ပါတီများမှာ (၁ဝ) ပါတီသည်။ ၎င်းတို့မှာ
(၁) ပြည်သူ့ဒီမိုကရေစီပါတီ
(၂) အမျိုးသားဒီမိုကရေစီပါတီသစ်
(၃) ညီညွတ်ရေးနှင့်ငြိမ်းချမ်းရေးပါတီ
(၄) ဒီမိုကရက်တစ်မဟာမိတ်ပါတီ
(၅) ၈၈ ပြည်သူ့အင်အားစုပါတီ
(၆) မြန်မာ့လူ့ဘောင်သစ်ဒီမိုကရက်တစ်ပါတီ
(၇) မြန်မာအမျိုးသားကွန်ကရက်
(၈) အမျိုးသားဒီမိုကရေစီအဖွဲ့ချုပ်
(၉) ကရင်ဒီမိုကရက်တစ်ပါတီ
(၁ဝ) မြိုတိုင်းရင်းသားပါတီတို့ဖြစ်ကြသည်။

၂ဝ၁၂ ခုနှစ်၊ ဇန်နဝါရီလ၉ရက်နေ့တွင် အမျိုးသားဒီမိုကရေစီအဖွဲ့ချုပ် ကျစ်လျစ်ခိုင်မာတောင့်တင်းရန်နှင့် အဖွဲ့ချုပ်၏ နိုင်ငံရေးဝါဒ သဘော တရားနှင့်လုပ်ငန်းစဉ်များ ထိရောက်စွာအကောင်အထည်ဖော်နိုင်ရန်အတွက် သဘာပတိအဖွဲ့၊ ဗဟိုအလုပ်အမှုဆောင်အဖွဲ့တို့ကို ပြန်လည် ဖွဲ့စည်းခဲ့သည်။

သဘာပတိအဖွဲ့တွင် ဦးတင်ဦး (နာယက)၊ ဦးဝင်းတင်၊ ဦးသန်းထွန်း၊ ဦးလှဖေ၊ ဦးညွှန့်ဝေ တို့ပါရှိပြီး ဗဟိုအလုပ်အမှုဆောင်အဖွဲ့ဝင်များမှာ

ဒေါ်အောင်ဆန်းစုကြည် - ဥက္ကဋ္ဌ
ဦးဉာဏ်ဝင်း - အဖွဲ့ဝင်
ဦးဝင်းမြင့် - အဖွဲ့ဝင်
ဦးအုန်းကြိုင် - အဖွဲ့ဝင်
ဦးဟံသာမြင့် - အဖွဲ့ဝင်
ဦးထွန်းထွန်းဟိန် - အဖွဲ့ဝင်
ဒေါက်တာဒေါ်မေဝင်းမြင့် - အဖွဲ့ဝင်

ယင်းနောက် ၂ဝ၁၂ ခုနှစ်၊ ဇန်နဝါရီလ ၁၉ ရက်နေ့တွင် အဖွဲ့ချုပ်ဗဟိုအလုပ်အမှုဆောင်အဖွဲ့၏ အတွင်းရေးမှူးအဖွဲ့ကို ပြန်လည်ဖွဲ့စည်းရာ အတွင်းရေးမှူးအဖွဲ့တွင် ဦးဉာဏ်ဝင်း၊ ဦးအုန်းကြိုင်၊ ဦးဟံသာမြင့်တို့ ပါဝင်ခဲ့ကြသည်။

အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်သည် ကြားဖြတ်ရွေးကောက်ပွဲတွင် ရန်ကုန်တိုင်း ကော့မှူးမြို့နယ်မှ ဝင်ရောက် ယှဉ်ပြိုင်ရန်အတွက် ကိုယ်စားလှယ်လောင်းအမည်စာရင်းကို ဇန်နဝါရီလ ၁၈ ရက်နေ့တွင် သန်လျင်မြို့နယ်ရှိ ရန်ကုန်တိုင်းတောင်ပိုင်းခရိုင် ရွေးကောက်ပွဲကော်မရှင်ရုံးသို့ ကိုယ်တိုင်သွားရောက်ကာ အမည်စာရင်းတင်သွင်းခဲ့သည်။

အမျိုးသားဒီမိုကရေစီအဖွဲ့ချုပ်ကို ရွေးကောက်ပွဲကော်မရှင်မှ မှတ်ပုံတင်ခွင့်ပြုလိုက်ပြီးနောက် လာမည့်ကြားဖြတ်ရွေးကောက်ပွဲတွင် ဝင် ရောက်ယှဉ်ပြိုင်ရန်အတွက် အဖွဲ့ဝင် ၂၁ ဦးပါ ဗဟိုရွေးကောက်ပွဲအောင်နိုင်ရေးကော်မတီကို အဖွဲ့ချုပ်က ဖွဲ့စည်းလိုက်သည်။

ဗဟိုရွေးကောက်ပွဲအောင်နိုင်ရေးကော်မတီတွင် ပါဝင်သူများမှာ ...
(၁) ဦးတင်ဦး - တာဝန်ခံ
(၂) ဒေါ်အောင်ဆန်းစုကြည်
(၃) ဦးဝင်းတင်
(၄) ဦးသန်းထွန်း
(၅) ဦးလှဖေ
(၆) ဦးညွှန့်ဝေ
(၇) ဦးဉာဏ်ဝင်း
(၈) ဦးဝင်းမြင့်
(၉) ဦးအုန်းကြိုင်
(၁ဝ) ဦးဟံသာမြင့်
(၁၁) ဦးထွန်းထွန်းဟိန်
(၁၂) ဒေါက်တာဒေါ်မေဝင်းမြင့်
(၁၃) ဦးစိုးဝင်း
(၁၄) ဦးဝင်းထိန်
(၁၅) ဦးသိန်းဦး
(၁၆) ဒေါ်ခင်ဋ္ဌေးကြွယ်
(၁၇) ကိုမျိုးညွှန့်
(၁၈) မဖြူဖြူသင်း
(၁၉) ကိုသိန်းဆွေ
(၂ဝ) ဒေါ်ခင်စောမူ
(၂၁) ဦးစောတင်ဝင်းတို့ဖြစ်ကြသည်။

ထို့နောက် အမျိုးသားဒီမိုကရေစီအဖွဲ့ချုပ်သည် ၂ဝ၁၂ ခုနှစ် ဧပြီလ ၁ ရက်နေ့တွင်ကျင်းပမည့် ကြားဖြတ်ရွေးကာက်ပွဲတွင် ဝင်ရောက်ယှဉ် ပြိုင်မည့် လွတ်တော်ကိုယ်စားလှယ်လောင်းများ၏ အမည်စာရင်းကို ၂ဝ၁၂ ခုနှစ်၊ ဇန်နဝါရီလ ၁၂ ရက်နေ့နှင့် ၁၇ ရက်နေ့တို့တွင် ထုတ်ပြန် ခဲ့သည်။

ထို့နည်းတူစွာ ပြည်ထောင်စုကြံ့ခိုင်ဖွံ့ဖြိုးရေးပါတီသည် မဲဆန္ဒနယ် ၄၈ နေရာ၊ တိုင်းရင်းသားညီနောင်ငါးပါတီအပါအဝင် ညီညွတ်ရေး ၁ဝပါတီက ၂၂ နေရာကို ဝင်ရောက်ယှဉ်ပြိုင်ခဲ့သလို၊ အမျိုးသားဒီမိုကရေစီအင်အားစု (NDF) ကလည်း ၁၂ နေရာသို့ ဝင်ရောက်ယှဉ်ပြိုင် ခဲ့ကြသည်။ ကျန်ပါတီများဖြစ်သည့် ရှမ်းအမျိုးသားဒီမိုကရက်တစ်ပါတီ (SNDP) မှ ၃ နေရာ၊ အမျိုးသားဒီမိုကရေစီပါတီမှ ၃ နေရာ၊ မွန်ဒေသလုံးဆိုင်ရာဒီမိုကရေစီပါတီ (AMDP) မှ ၁ နေရာ၊ ဖလုံ-စဝေါ် ဒီမိုကရက်တစ်ပါတီ (PSDP) မှ ၁ နေရာ၊ ဒီမိုကရက်တစ်ပါတီ (မြန်မာ) မှ ၁ နေရာ၊ ညီညွတ်ရေးနှင့် ငြိမ်းချမ်းရေးပါတီမှ ၄ နေရာ၊ အသီးသီးဝင်ရောက်ယှဉ်ပြိုင်ကြမည်ဖြစ်သည်။ ကြားဖြတ်ရွေးကောက်ပွဲ၌ ပြည် သူ့လွှတ်တော်နေရာ ၄ဝ၊ တိုင်းဒေသကြီးလွှတ်တော် ၂ နေရာ၊ အမျိုးသားလွှတ်တော် ၆ နေရာ၊ စုစုပေါင်း ၄၈ နေရာ အတွက် နိုင်ငံရေး ပါတီ ၁၇ ပါတီမှ လွှတ်တော်ကိုယ်စားလှယ်ပေါင်း ၁၆ဝ ဦး၊ တသီးပုဂ္ဂလကိုယ်စားလှယ် ၈ ဦး အပါအဝင်၊ စုစုပေါင်း ၁၆၈ ဦး ယှဉ်ပြိုင်အရွေးခံမည်ဟု ကော်မရှင်မှ ထုတ်ပြန်ခဲ့သည်။ ကြားဖြတ်ရွေးကောက်ပွဲသို့ လာရောက်လေ့လာရန် ပြည်ပမှလေ့လာစောင့်ကြည့်ရေးအဖွဲ့ဝင် ၁၅ဝ ကိုလည်း ဖိတ်ကြားခဲ့သည်ဟု ဆိုသည်။

ကြားဖြတ်ရွေးကောက်ပွဲတွင်ယှဉ်ပြိုင်မည့် လွှတ်တော်ကိုယ်စားလှယ်လောင်း များ ရွေးကောက်ပွဲကော်မရှင်၏ ညွှန်ကြားချက်များကို တိကျ စွာလိုက်နာဆောင်ရွက်ရန် အချက် (၆) ချက်ပါ ကြေညာချက်ကို ၂ဝ၁၂ ခုနှစ်၊ ဇန်နဝါရီလ ၃၁ ရက်နေ့တွင် ထုတ်ပြန်ခဲ့သည်။

အဆိုပါကြေညာချက်တွင်
(၁) ဧပြီလ ၁ ရက်နေ့တွင် ကျင်းပမည့်ကြားဖြတ်ရွေးကောက်ပွဲအတွက် ဝင်ရောက်ယှဉ်ပြိုင်ကြမည့် လွှတ်တော်ကိုယ်စားလှယ်များကို (၆-၂-၂ဝ၁၂) ရက်မှ (၁ဝ-၂-၂ဝ၁၂) ရက်အတွင်း သက်ဆိုင်ရာကော်မရှင်အဖွဲ့ခွဲများက စိစစ်အတည်ပြုမည်ဖြစ်သည်။

(၂) ယင်းသို့စိစစ်အတည်ပြုမည့် နိုင်ငံရေးပါတီကိုယ်စားပြုလွှတ်တော်ကိုယ်စားလှယ်လောင်းများနှင့် တသီးပုဂ္ဂလ လွှတ်တော်ကိုယ်စားလှယ်လောင်းများသည် မကြာမီကာလအတွင်း ရွေးကောက်ပွဲတွင် ၎င်းတို့အနိုင်ရရှိရေးကို ရှေးရှုလျက် မိမိတို့၏ မူဝါဒ၊ သဘောထား၊ လုပ်ငန်း စဉ် စသည်တို့ကို ပြည်သူလူထုအား ဟောပြောခြင်း၊ ရေးသားတင်ပြခြင်း၊ မဲဆွယ်စည်းရုံးခြင်းတို့ကို ဆောင်ရွက်ကြမည်ဖြစ်သည်။

(၃) ပြည်ထောင်စုရွေးကောက်ပွဲကော်မရှင်သည် လွှတ်တော်ကိုယ်စားလှယ်လောင်းများ စုဝေးဟောပြောခွင့်၊ မဲဆွယ်စည်းရုံးရေးတို့နှင့် စပ် လျဉ်း၍ ဆောင်ရွက်ရန်နည်းလမ်းနှင့် လိုက်နာရမည့်စည်းကမ်းချက်များကို (၁၈-၈-၂ဝ၁ဝ) ရက်စွဲပါ ကော်မရှင်၏ကြေညာချက် အမှတ် (၉၁/၂ဝ၁ဝ) ဖြင့် ထုတ်ပြန်ညွှန်ကြားထားပြီးဖြစ်သည်။

(၄) ယင်းကြေညာချက်တွင် မဲဆွယ်စည်းရုံးရန်အတွက် စုဝေးဟောပြောခြင်းကို မိမိတို့၏ ပါတီဋ္ဌာနချုပ်နှင့် ပါတီရုံးခန်းများတွင် ပြုလုပ်ခြင်း ဖြစ်ပါက ခွင့်ပြုချက်လျှောက်ထားရန်မလိုဘဲ သက်ဆိုင်ရာကော်မရှင်သို့ ကြိုတင် အသိပေးထားရန်သာလိုကြောင်း၊ သို့ရာတွင် (ပါတီရုံးမှအပ အခြားနေရာများ၌ စုဝေးဟောပြောခြင်းပြုလုပ်လိုလျှင် သတ်မှတ်ထားသော စည်းကမ်းချက်များနှင့်အညီ သက်ဆိုင်ရာကော်မရှင်အဖွဲ့ခွဲသို့ (၇) ရက်ကြိုတင်လျှောက်ထားပြီး ခွင့်ပြုမိန့်ရောက်ရှိမှသာ စုဝေးဟောပြောခွင့်ရှိကြောင်း ညွှန်ကြားထားသည်။

(၅) သို့ဖြစ်ပါ၍ နိုင်ငံရေးပါတီကိုယ်စားပြုလွှတ်တော်ကိုယ်စားလှယ်လောင်းများနှင့် တသီးပုဂ္ဂလ လွှတ်တော်ကိုယ်စားလှယ်လောင်းများ အနေဖြင့် ပြည်ထောင်စုရွေးကောက်ပွဲကော်မရှင်က ထုတ်ပြန်ထားသည့်ကြေညာချက် (၉၁/၂ဝ၁ဝ) ကို တိကျစွာလိုက်နာဆောင်ရွက်၍ ဥပ ဒေနှင့်အညီ မဲဆွယ်စည်းရုံးခြင်း၊ စုဝေးဟောပြောခြင်းတို့ကိုပြုလုပ်ကြပါရန် အသိပေးနှိုးဆော်ကြောင်း ဖော်ပြထားသည်။

ယင်းနောက် ၂ဝ၁၂ ခုနှစ် ဇန်နဝါရီလ၂၉ ရက်နေ့တွင် ဒေါ်အောင်ဆန်းစုကြည်သည် ပထမဆုံးနိုင်ငံရေးခရီးစဉ်အဖြစ် ထားဝယ်မြို့သို့ နေ့ ချင်းပြန်ခရီးသွားရောက်မဲဆွယ်စည်းရုံးဟောပြောခဲ့သလို၊ ဇန်နဝါရီလ ၃၁ ရက်နေ့တွင် မကွေးတိုင်းဒေသကြီး မြိုင်မြို့နယ်ရှိ ပေပင်တိုက်ကျေး ရွာနှင့် ကျစ်တီကျေးရွာများသို့ သွားရောက်မဲဆွယ်စည်းရုံး၍၊ ထိုမှတဆင့် ညောင်ဦး၊ ပခုက္ကူမြို့များသို့ သွားရောက်ခဲ့သည်။

ထို့နောက် ဖေဖော်ဝါရီလ ၉ ရက်နေ့တွင် နိုင်ငံရေးခရီးစဉ်အဖြစ် ဧရာဝတီတိုင်းဒေသကြီး၊ ပုသိမ်မြို့နှင့် မြောင်းမြမြို့များသို့ နေ့ချင်းပြန်ခရီးသွားရောက်ခဲ့သည်။ ဖေဖော်ဝါရီလ ၁၉ ရက်နေ့တွင် ဖျာပုံမြို့သို့ အမြန်ရေယာဉ်ဖြင့်သွားရောက်ခဲ့ရာ သူ၏ပါတီစည်းရုံးရေးခရီးစဉ်အတွင်း ဖျာပုံ၊ ဘိုကလေး၊ ကျိုက်လတ်၊ ဒေးဒရဲမြို့နယ်များမှ ပြည်သူများ တက်ရောက်ခဲ့ကြသည်။

ဆက်လက်၍ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်သည် ဖေဖော်ဝါရီလ ၂၁ ရက်နေ့တွင် ကော့မှူးမြို့နယ် ဝါးဘလောက်သောက်ကျေးရွာသို့လည်းကောင်း၊ ဖေဖော်ဝါရီလ ၂၃ ရက်နေ့တွင် ကချင်ပြည်နယ် မြစ်ကြီးနားမြို့သို့လည်းကောင်း၊ ဖေဖော်ဝါရီလ ၂၆ ရက်နေ့တွင် ရန် ကုန်တိုင်းဒေသကြီး သုံးခွမြို့နယ်သို့လည်းကောင်း၊ မတ်လ ၁ ရက်နေ့တွင် ရှမ်းပြည်နယ်ဟဲဟိုး၊ အောင်ပန်း၊ ကလောမြို့များသို့လည်းကောင်း၊ မတ်လ ၃ ရက်နေ့တွင် မန္တလေးနှင့် စစ်ကိုင်းမြို့များသို့လည်းကောင်း၊ မတ်လ ၅ ရက်နေ့တွင် မိတ္ထီလာ၊ နေပြည်တော် ဒက္ခိဏသီရိမြို့နယ်၊ ဇမ္ဗူသီရိမြို့နယ်များသို့လည်းကောင်း၊ မတ်လ ၆ ရက်နေ့တွင် တောင်ငူ၊ ထန်းတပင်သို့လည်းကောင်း၊ မတ်လ၁ဝရက်နေ့ တွင် မွန်ပြည်နယ်မော်လမြိုင်မြို့သို့လည်းကောင်း၊ မတ်လ ၁၇၊ ၁၈ ရက်နေ့များတွင် ရှမ်းပြည်နယ်(မြောက်ပိုင်း) လားရှိုး၊ သိန္ဒီမြို့များသို့လည်းကောင်း၊ မတ်လ၂၄ ရက်နေ့တွင် တနင်္သာရီတိုင်းဒေသကြီး မြိတ်မြို့သို့လည်းကောင်း၊ လုံးဝအနားမယူဘဲ သွားရောက်မဲဆွယ်စည်းရုံးဟောပြောခဲ့ သည်။

၂ဝ၁၂ ခုနှစ် မတ်လ ၁၄ ရက်နေ့ ညပိုင်းတွင် အဖွဲ့ချုပ်ဥက္ကဋ္ဌဒေါ်အောင်ဆန်းစုကြည်သည် ရေဒီယိုနှင့်ရုပ်မြင်သံကြားအစီအစဉ်မှ ပါတီ၏ မူဝါဒ၊ သဘောထား၊ လုပ်ငန်းစဉ်စသည်တို့ကို ဟောပြောတင်ပြခဲ့သည်။
..................

“ယခုလို ကျမရဲ့နိုင်ငံရေးပါတီဖြစ်တဲ့ အမျိုးသားဒီမိုကရေစီအဖွဲ့ချုပ်ရဲ့မူဝါဒသဘောထားတွေကို ဧပြီလ ၁ ရက် နေ့မှာကျင်းပမယ့် ကြားဖြတ် ရွေးကောက်ပွဲမတိုင်မီ တင်ပြခြင်းဟာ ပြည်သူတွေရဲ့အခွင့်အရေးတရပ်ကို အသိအမှတ်ပြုလိုက်ခြင်းဖြစ်ပါတယ်။

ဒီမိုကရေစီအခြေခံမူအရ ပြည်သူတွေရဲ့ဆုံးဖြတ်ချက်ကို လက်ခံမှာဖြစ်တဲ့ ကျမတို့ပါတီရဲ့ နိုင်ငံနဲ့ပြည်သူတွေအတွက်ထားတဲ့ ရည်မှန်းချက် တွေကို အနှစ် ၂ဝ ကျော်ကိုင်စွဲခဲ့တဲ့မူတွေနဲ့တွဲပြီး ရှင်းပြချင်ပါတယ်။

အဖွဲ့ချုပ်ရဲ့အဓိကရည်ရွယ်ချက်တွေအနက် ထိပ်တန်းတင်ထားတဲ့ကိစ္စသုံးရပ်ကတော့ တရားဥပဒေစိုးမိုးရေး၊ ပြည်တွင်းငြိမ်းချမ်းရေးနဲ့ ဖွဲ့ စည်းပုံအခြေခံဥပဒေပြင်ဆင်ရေးတို့ဖြစ်ပါတယ်။

တရားစီရင်ရေးစနစ်ကို အစိုးရယန္တရားအောက်သွတ်သွင်းခဲ့ပြီး မီဒီယာတွေကို အစိုးရပိုင်အဖြစ်ပြောင်းကာ ချုပ်ကိုင်လာခြင်း၊ တင်းကျပ်တဲ့ မီဒီယာနဲ့ ဆင်ဆာစည်းကမ်းတွေကိုပြဋ္ဌာန်းပြီး ပြည်သူတွေရဲ့ လွတ်လပ်စွာ ပြောပိုင်ခွင့်၊ ကြားပိုင်ခွင့်၊ ဆန္ဒဖော်ထုတ်ပိုင်ခွင့်တွေကို ရုတ်သိမ်း ပစ်ခြင်းစတဲ့ နည်းလမ်းစုံနဲ့ တရားဥပဒေစိုးမိုးမှုကို ချေဖျက်ပစ်ခဲ့တာ၊ ပြည်သူလူထုဘဝမှာ အကြောက်တရားကသာ လွှမ်းမိုးခဲ့ပါတော့တယ်။

ပြည်သူလူထုဘဝ၊ အကြောက်တရားကလွတ်မြောက်ပြီး လူ့အခွင့်အရေးမရသေးတဲ့အထိတော့ ဒီမိုကရေစီစနစ် ထွန်းကားခိုင်မြဲနိုင်မှာ မ ဟုတ်ပါဘူး။ ဥပဒေစိုးမိုးမှုရှိမှသာ ပြည်သူတွေဟာ ဥပဒေရဲ့အကာအကွယ်ကို အမှန်တကယ်ရနိုင်ပြီး လွတ်လပ်မှုရဲ့အရသာကို အမှန်တ ကယ် ခံစားနိုင်ကြမှာဖြစ်ပါတယ်။ ဥပဒေစိုးမိုးရေးရှိခြင်း သည် သာမာန်ပြည်သူများ၊ နိုင်ငံတော်ဝန်ထမ်းများနဲ့၊ နိုင်ငံရေးသမားအားလုံးကို မိမိတို့ရသင့်ရထိုက်တဲ့ အကာအကွယ်အစောင့်အရှောက် ပေးမှာဖြစ်ပါတယ်။ အာဏာရှိတဲ့ပုဂ္ဂိုလ်၊ အဖွဲ့အစည်းအကြီးအကဲတွေက တချက် လွှတ်အမိန့်နဲ့ ဘယ်သူ့ကိုမှ အရေးယူအနိုင်ကျင့်နိုင်မှာ မဟုတ်ပါ။ ဒါမှ ဒီမိုကရေစီလည်း ခိုင်မာထွန်းကားတယ်လို့ ဆိုနိုင်ပါတယ်။

ဥပဒေစိုးမိုးရေးအတွက် ကျမတို့က ဘယ်လိုလုပ်ကြမလဲ။ ပြည်သူတွေကိုဖိနှိပ်ထားတဲ့ခေတ်နဲ့ မလျော်ညီတော့တဲ့ ဥပဒေအချို့ကို မဆိုင်း မတွ ဖျက်သိမ်းပစ်ကြရပါမယ်။ ပြည်သူတွေကို အကာအကွယ်ပေးတဲ့ ဥပဒေတွေကို ပြဋ္ဌာန်းရေးဆွဲကြရပါမယ်။ တရားစီရင်ရေးစနစ်ကို လွတ်လပ်အောင်ထားရှိပြီး သမာသမတ်ဖြစ်အောင် ပြုပြင်ရပါမယ်။ စာနယ်ဇင်းလွတ်လပ်ခွင့် အပြည့်အဝပေးရပါမယ်။

ပြည်သူလူထုကို ကူညီပေးမယ့် ဥပဒေအထောက်အကူပြုကွန်ရက်တွေကို တိုးချဲ့ရပါမယ်။ တရားစီရင်ရေးမဏ္ဍိုင်ဟာ ဒီမိုကရေစီသဘော တရားနဲ့ကိုက်ညီတဲ့ ဥပဒေပြုမဏ္ဍိုင်၊ အုပ်ချုပ်ရေးမဏ္ဍိုင်တို့နဲ့ လွတ်လပ်စွာရပ်တည်နေစေရပါမယ်။

တရားစီရင်ရေးမဏ္ဍိုင်ဟာ အုပ်ချုပ်ရေးမဏ္ဍိုင်ရဲ့အပေါ်မှာပဲ အမြဲရှိနေမှာဖြစ်ပြီး ဥပဒေနဲ့ ငြိစွန်းတဲ့ အုပ်ချုပ်သူ လူပုဂ္ဂိုလ်အဖွဲ့အစည်းမှန်သမျှကို တရားစီရင်ပိုင်ခွင့်ရှိစေရပါမယ်။ ဥပဒေအရ ပြစ်မှုထင်ရှားပြီး စီရင်ခြင်းမရှိသေးရင် ဘယ်သူ့ကိုမဆို အပြစ်ကင်းတယ်လို့ မှတ်ယူရမှာပဲဖြစ်ပါ တယ်။

လွတ်လပ်ရေးနဲ့ ဖွားဖက်အဖြစ်ပါလာတဲ့ ပြည်တွင်းစစ်ဟာ ကျမတို့နိုင်ငံမှာ ဒီနေ့အထိ လောင်မြိုက်နေဆဲဖြစ်နေပါတယ်။ ၁၉၄၇ ခုနှစ် အမျိုး သားခေါင်းဆောင်ကြီးများ ရုတ်တရက်လုပ်ကြံခံရပြီးကတည်းက စတင်ခဲ့တဲ့ တိုင်းရင်းသားမျိုးနွယ်များအကြား သဘောထားကွဲပြားခြင်း စတာတွေကို စာပွဲဝိုင်းမှာ တွေ့ဆုံညှိနှိုင်းဖြေရှင်းမှုမပြုနိုင်ကြသေးဘဲ လက်နက်အားကိုး အင်အားသုံးဖြေရှင်းဖို့ ကြိုးစားနေကြခြင်းဟာ က နေ့ အထိပဲဖြစ်ပါတယ်။ ဒါ့အပြင် ဥပဒေစိုးမိုးမှုမရှိတာကလည်း ပြည်တွင်းစစ်မီးကို အရှိန်မြင့်စေခဲ့ပါတယ်။ တိုင်းရင်းသားတွေရဲ့ လုံခြုံမှုနဲ့ အခွင့်အရေးတွေကို အကာအကွယ်မပေးနိုင်ခဲ့ဘဲ ပြည်တွင်းစစ်ရဲ့ဆိုးကျိုးတစ်ခုအဖြစ် စစ်အာဏာရှင်စနစ်ကိုသာ ပေါ်ပေါက်စေခဲ့ပါတယ်။

ပထမအဆင့်အနေနဲ့က တနိုင်ငံလုံးအတိုင်းအတာနဲ့ အပစ်အခတ်ရပ်စဲရပါမယ်။ ဒုတိယအဆင့်အနေနဲ့ နိုင်ငံရေးအရ ဆွေးနွေးပွဲတွေကျင်း ပပြီး ညှိနှိုင်းအဖြေရှာကြရပါမယ်။

တတိယအဆင့်အနေနဲ့ တိုင်းရင်းသားတွေလိုလားနေတဲ့အတိုင်း ပင်လုံရဲ့အခြေခံမူဖြစ်တဲ့ တန်းတူညီမျှမှု၊ ကိုယ်ပိုင်အုပ်ချုပ်ရေးပြဋ္ဌာန်းခွင့်၊ ဖွဲ့စည်းပုံအခြေခံဥပဒေအရ လွတ်လပ်စွာဆုံးဖြတ်နိုင်ခွင့် စတာတွေကိုအခြေခံတဲ့ ပြည်ထောင်စုနိုင်ငံစစ်စစ် တည်ဆောက်နိုင်ဖို့ ဘုံဦးတည် ချက်ထားပြီး ကြိုးပမ်းရပါမယ်။

၂ဝဝ၈ ဖွဲ့စည်းပုံအခြေခံဥပဒေမူကြမ်းထွက်ခဲ့ပြီးကတည်းက ဒီဥပဒေကို အဖွဲ့ချုပ်ကသဘောမတူတာကြေညာခဲ့ပြီး ပြုပြင်ရမယ့် အချက်တွေ ကို ထောက်ပြခဲ့ပါတယ်။ ဖွဲ့စည်းပုံအခြေခံဥပဒေမူပြင်ဆင်ရေးအတွက် ပါတီစွဲ၊ အဖွဲ့စွဲ၊ ပုဂ္ဂိုလ်စွဲတွေမထားဘဲ နိုင်ငံအကျိုးကိုသာ ရှေးရှုတဲ့ စိတ်ဓာတ်နဲ့ ညီညွတ်တဲ့ တပ်မတော်အင်အားစုအပါအဝင် လွှတ်တော်ကိုယ်စား လှယ်အားလုံးက ညှိညှိနှိုင်းနှိုင်း လုပ်သွားကြရမှာပဲဖြစ်ပါတယ်။

မြန်မာနိုင်ငံရဲ့စစ်တပ်နဲ့ နိုင်ငံတကာမှာရှိတဲ့ နိုင်ငံအသီးသီးရဲ့စစ်တပ်များဟာ နိုင်ငံကာကွယ်ရေးအတွက် အဓိကအင်အား စုဖြစ်တယ်ဆိုတာ ကို အငြင်းပွားဖို့ မရှိပါဘူး။ မြန်မာနိုင်ငံရဲ့ နိုင်ငံရေးအတွေ့အကြုံနဲ့ တွေ့ကြုံခဲ့ရတဲ့ဖြစ်စဉ်များအရ လက်ရှိမြန်မာနိုင်ငံကို ဖွံ့ဖြိုးတိုးတက် ရေးအတွက်ဆောင်ရွက်ကြရာမှာ တပ်မတော်ဟာ မပါမဖြစ်ပါရန် လိုအပ်တယ်လို့ ကျမယုံကြည်ပါတယ်။

ကျမရဲ့ဖခင် ဗိုလ်ချုပ်အောင်ဆန်းတည်ထောင်ခဲ့တဲ့ တပ်မတော်ဟာ နိုင်ငံတော်အကျိုးအတွက်ဆောင်ရွက်ဖို့ အစဉ်အမြဲ အဆင်သင့်ရှိ တယ်လို့လည်း ကျမယုံကြည်ပါတယ်။

ဖွဲ့စည်းပုံအခြေခံဥပဒေဆိုတာ ပြည်သူနဲ့အုပ်စိုးသူတို့ကြားမှာထားရှိတဲ့ ပဋိညာဉ်ဖြစ်တယ်ဆိုတဲ့အတိုင်း လိုအပ်တဲ့အခါ တွေမှာ ပြင်ဆင်ခြင်း၊ ပြောင်းလဲခြင်း၊ ပယ်ဖျက်ခြင်းတို့ကို ပြုလုပ်ကြရမှာဖြစ်ပါတယ်။

ထင်ရှားတဲ့ ဥပမာတစ်ခုပေးရမယ်ဆိုရင် ပြည်သူတွေကို ပြည်သူကတင်မြှောက်တဲ့ ရွေးကောက်ခံကိုယ်စားလှယ်တွေက အုပ်စိုးခြင်းကသာ ဒီမိုကရေစီရဲ့ အနှစ်သာရဖြစ်ပါတယ်။ ၂ဝဝ၈ ဖွဲ့စည်းပုံအခြေခံဥပဒေမှာ ရွေးကောက်ခံမဟုတ်တဲ့ လွှတ်တော်ကိုယ်စားလှယ် ၂၅ ရာခိုင်နှုန်း ပါဝင်နေတာကို ပြည်သူတွေအသိဖြစ်ပါတယ်။ ဆိုလိုတာက လက်ရှိလွှတ်တော်အသီးသီးမှာ ပြည်သူတွေရွေးကောက်ထားခြင်းမဟုတ်တဲ့ လွှတ်တော်ကိုယ်စားလှယ်တွေပါဝင်နေတဲ့အတွက် ဒီမိုကရေစီမူများနှင့် မကိုက်ညီပါဘူး။

အဖွဲ့ချုပ်ဟာ ၁၉၈၈ခုနှစ် ဒီမိုကရေစီအရေးတော်ပုံကြီးပြီးတဲ့နောက် မြန်မာနိုင်ငံမှာ စစ်မှန်တဲ့ဒီမိုကရေစီစနစ်ပေါ်ပေါက်လာရေးအတွက် ကြိုးပမ်းဆောင်ရွက်ခဲ့ရတာ နှစ်ပေါင်း ၂ဝ ကျော် အဖိနှိပ်ခံဘဝနဲ့ ကြိုးပမ်းရုန်းကန်ခဲ့တာကို ပြည်သူတွေ အသိဖြစ်ပါတယ်။ အဖွဲ့ချုပ်ရဲ့ သစ္စာရှိအဖွဲ့ဝင်တွေ အလုပ်ထုတ်ခံရတာ၊ ရှေ့နေများလိုင်စင်ရုတ်သိမ်းခံရတာ၊ ဆရာဝန်များ လိုင်စင်ရုတ်သိမ်းခံရတာ၊ မတရားဖမ်းဆီးခံရပြီး အမြင့်ဆုံးပြစ်ဒဏ်များ ချမှတ်ခံရတာတွေကြောင့် မိမိတို့လူမှုဘဝတွေ ပျက်စီး၊ မိသားစုစီးပွားရေးတွေ ပျက်စီးခဲ့ရပါတယ်။ ဘယ်လိုပဲဖြစ်ဖြစ် အဖွဲ့ချုပ်အဖွဲ့ဝင်တွေဟာ မိမိတို့ရဲ့ယုံကြည်ချက် ဆက်လက်ထိန်းသိမ်းပြီး ပြည်သူတွေအတွက် အဖွဲ့ချုပ်အတွက် ရပ်တည်ခဲ့ကြပါတယ်။

စီးပွားရေးနဲ့ပတ်သက်လို့ လွတ်လပ်မှု၊ တည်ငြိမ်မှုနဲ့ လူမှုရေးတရားမျှတမှုတို့ ဟန်ချက်ညီပြီး ဥပဒေစိုးမိုးမှုကိုအခြေခံတဲ့ ဈေးကွက်စီးပွားရေး စနစ်သို့ ပြောင်းလဲဖို့လုပ်ရပါမယ်။

ကျမတို့ ပညာရေးအဆင့်အတန်းဟာ နိုင်ငံတကာအဆင့်အတန်းကိုလိုက်မီဖို့ အင်မတန်မှအရေးကြီးပါတယ်။ ပညာရေး ပြုပြင်ပြောင်းလဲရာ မှာလည်း လက်ရှိပညာရေးစနစ်မှာ တွေ့ကြုံနေကြရတဲ့ အတားအဆီးအဟန့်အတားများကို ဖယ်ရှားပစ်ရမှာဖြစ်ပါတယ်။

ကျန်းမာရေးပိုင်းအနေနဲ့ နိုင်ငံတော်မှာ အရည်အသွေးပြည့် ကျန်းမာရေးစောင့်ရှောက်မှုစနစ် ရှိရပါမယ်။

တောင်သူလယ်သမားများကို ဥပဒေနှင့်အညီ လယ်ယာလုပ်ပိုင်ခွင့်၊ လယ်ယာပိုင်ဆိုင်ခွင့်ရဖို့ ဦးစားပေးဆောင်ရွက်သွားမှာဖြစ်ပြီး ဆန်စပါး အပါအဝင် လယ်ယာထွက်ကုန်ပစ္စည်းများ ဈေးကွက်စီးပွားရေးစနစ်နဲ့အညီ လွတ်လပ်စွာ စိုက်ပျိုးကြိတ်ခွဲ ရောင်းဝယ်ခွင့်ရဖို့နဲ့ သင့်တော်တဲ့ ဈေးနှုန်းများရဖို့ကို ဦးစားပေးဆောင်ရွက်သွားရပါမယ်။

အလုပ်သမားတိုင်း တရားမျှတမှု၊ တန်းတူညီမျှအခွင့်အရေးရရှိမှု၊ လုပ်ပျော်သော အလုပ်ခွင်အခြေအနေ၊ တူညီသောအလုပ်အတွက် တူညီ သော အခကြေးငွေရရှိခွင့်၊ လုပ်ခလစာရရှိခွင့်၊ အလုပ်လက်မဲ့ဖြစ်ခြင်းမှ အကာအကွယ်ရရှိခွင့်ရစေရပါမယ်။ အဓမ္မအလုပ်စေခိုင်းခြင်းကို တားဆီးပိတ်ပင်ပြီး၊ အပြည်ပြည်ဆိုင်ရာ အလုပ်သမားအဖွဲ့ချုပ် (ILO) ရဲ့ပြဋ္ဌာန်းချက်များနဲ့ညီညွတ်စေရန် အတတ်နိုင်ဆုံးဆောင်ရွက်သွားရပါမယ်။

နိုင်ငံရဲ့အနာဂတ်ဖြစ်ပြီး လူ့စွမ်းအားအရင်းအမြစ်ဖြစ်တဲ့ လူငယ်တွေရဲ့ စွမ်းရည်တွေကိုဖော်ထုတ်ပြီး နိုင်ငံတည်ဆောက်ရေးမှာ ခိုင်မာတဲ့စွမ်း အားစုအဖြစ် အသုံးပြုသွားပါမယ်။ ကျောင်းသားများကိုယ်တိုင်ဖွဲ့စည်းတဲ့ လွတ်လပ်တဲ့ကျောင်းသားသမဂ္ဂများကိုလည်း ဥပဒေနဲ့အညီ ခွင့် ပြုသွားရပါမယ်။

နိုင်ငံရဲ့ ၅၀ ရာခိုင်နှုန်းမက အင်အားဖြစ်တဲ့အမျိုးသမီးများရဲ့ အခွင့်အရေးများကာကွယ်ရေး၊ လူမှုရေး၊ စီးပွားရေး၊ နိုင်ငံရေးတွင် အမျိုးသမီး များရဲ့အခန်းကဏ္ဍကို တိုးချဲ့ရေးတို့ကိုလည်း အလေးပေးဆောင်ရွက်ရမှာဖြစ်ပါတယ်။

ယခုကျမတင်ပြသွားခဲ့တဲ့ မူဝါဒသဘောတရားတွေအများအပြားကို ကျမရဲ့စည်းရုံးရေးခရီးစဉ်များတလျှောက်မှာ ပြောပြီးဖြစ်ပါတယ်။ ဒါ တွေက နားထောင်လို့တော့ကောင်းပါရဲ့။ တကယ်ပဲ အကောင်အထည်ဖော်နိုင်ပါ့မလားလို့ ပြည်သူများက တွေးနေကြမယ်ထင်ပါတယ်။ လွယ်လွယ်နဲ့တော့ ကျမတို့ လိုလားတောင့်တနေတဲ့ ပြည်ထောင်စုကြီးကို ထူထောင်ဖို့မဖြစ်နိုင်ပါဘူး။

ကျမတို့အားလုံး ညီညီညွတ်ညွတ်နဲ့ ဆန္ဒ၊ ဝီရိယ၊ စိတ္တ၊ ပညာဆိုတဲ့ အောင်မြင်ခြင်းတရားလေးပါးကို ဆုပ်ကိုင်ပြီး ကြိုးစားသွားကြရင်တော့ ဖြစ်နိုင်မယ်လို့ ကျမယုံကြည်ပါတယ်။

အဖွဲ့ချုပ်ဟာ ခက်ခဲတဲ့အလုပ်တာဝန်တွေကို ဇွဲ၊ လုံ့လနဲ့လုပ်ခဲ့ရတဲ့ အတွေ့အကြုံတွေ ဆယ်စုနှစ်နဲ့ချီပြီး ရှိလာခဲ့တာပါ။ နိုင်ငံအတွက် နောက်တဆင့်တိုးပြီး ခက်ခဲတဲ့ အလုပ်တွေ အောင်မြင်စွာထမ်းဆောင်ပေးနိုင်ဖို့ တာဝန်ပေးတဲ့အနေနဲ့ ကျမတို့ရဲ့ အမျိုးသားဒီမိုကရေစီအဖွဲ့ ချုပ်ကိုယ်စားလှယ်များကို ထောက်ခံရေါးချယ်ကြဖို့ မေတ္တာရပ်ခံပါတယ်။ ကျေးဇူးတင်ပါတယ်။”
..................

ယင်းနောက် မတ်လ ၃၀ ရက်နေ့ နံနက် ၉ နာရီတွင် အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်၏ နေအိမ်ခြံဝင်းအတွင်း၌ မဲဆွယ်စည်းရုံးရေးခရီး စဉ်အတွင်း တွေ့ကြုံခဲ့ရသောအခက်အခဲများ၊ မဲစာရင်းမမှန်ကန်မှုများ၊ အဖွဲ့ချုပ်ကိုယ်စားလှယ်လောင်းများကို ပုဂ္ဂိုလ်ရေးအပုတ်ချတိုက်ခိုက် မှုများ၊ ကြံ့ဖွံ့ပါတီ၏ မူမမှန်သည့် မဲဆွယ်စည်းရုံးရေးပြုလုပ်နေမှုများကို တက်ရောက်လာသော ပြည်တွင်းပြည်ပသတင်းစာဆရာများ၊ သ တင်း မီဒီယာသမားများအား သတင်းစာရှင်းလင်းပွဲပြုလုပ်ခဲ့သည်။

ထို့နောက် ၂၀၁၂ ခုနှစ်ဧပြီလ ၁ ရက်နေ့တွင် ကြားဖြတ်ရွေးကောက်ပွဲကို ကျင်းပပြုလုပ်ခဲ့ရာ အမျိုးသားဒီမိုကရေစီအဖွဲ့ချုပ်က (၄၄) နေရာဝင်ရောက်ယှဉ်ပြိုင်ခဲ့ရာ၊ (၄၃) နေရာဖြင့် (၉၈) ရာနှုန်းနီးပါးဖြင့်အနိုင်ရရှိပြီး ရှမ်းတိုင်းရင်းသားဒီမိုကရက်တစ်ပါတီနှင့် ပြည်ထောင်စုကြံ့ ခိုင်ရေးနှင့် ဖွံ့ဖြိုးရေးပါတီတို့က တစ်နေရာစီအနိုင်ရရှိခဲ့သည်။ အမျိုးသားဒီမိုကရေစီအဖွဲ့ချုပ်မှ စစ်ကိုင်းတိုင်းဒေသကြီးအမျိုးသား လွှတ် တော်မဲဆန္ဒနယ် အမှတ် (၇) မှ လွှတ်တော်ကိုယ်စားလှယ်လောင်း ဦးစောလှိုင်အား ကသာခရိုင်ကော်မရှင်က အရည်အချင်းမပြည့်မီသူအဖြစ် သတ်မှတ်ကာ အမည်စာရင်းပယ်ဖျက်ခဲ့၍ ဝင်ရောက်ယှဉ်ပြိုင်ခွင့်မရသလို၊ ရှမ်းပြည်နယ်မဲဆန္ဒနယ်မှဝင်ရောက်ယှဉ်ပြိုင်သော ဦးစိုင်းမြင့် မောင်သည် ဆန္ဒမဲအရေအတွက် အနည်းငယ်ဖြင့် ကပ်၍ရှုံးနိမ့်ခဲ့ရသည်။

ပြည်ထောင်စုရွေးကောက်ပွဲကော်မရှင်၏ ဧပြီလ ၂ ရက်၊ ၃ ရက်နေ့ထုတ်ပြန်ကြေညာချက်အရ ကြားဖြတ်ရွေးကောက်ပွဲ၌ အနိုင်ရရှိမှုမှာ အောက်ပါအတိုင်းဖြစ်သည်။

အမည် မဲဆန္ဒနယ် ကိုယ်စားပြုပါတီ
(၁) ဒေါ်အောင်ဆန်းစုကြည် - ကော့မှူး - အမျိုးသားဒီမိုကရေစီအဖွဲ့ချုပ်
(၂) ဒေါ်ဖြူဖြူသင်း - မင်္ဂလာတောင်ညွှန့် - အမျိုးသားဒီမိုကရေစီအဖွဲ့ချုပ်
(၃) ဒေါက်တာမေဝင်းမြင့် - မရမ်းကုန်း - အမျိုးသားဒီမိုကရေစီအဖွဲ့ချုပ်
(၄) ဦးဖြိုးမင်းသိန်း - လှည်းကူး - အမျိုးသားဒီမိုကရေစီအဖွဲ့ချုပ်
(၅) ဒေါက်တာမျိုးအောင် - ဒဂုံမြို့သစ် (ဆိပ်ကမ်း) - အမျိုးသားဒီမိုကရေစီအဖွဲ့ချုပ်
(၆) ဒေါ်စုစုလွင် - သုံးခွ - အမျိုးသားဒီမိုကရေစီအဖွဲ့ချုပ်
(၇) ဒေါ်စန္ဒာမင်း - ဇမ္ဗူသီရိ - အမျိုးသားဒီမိုကရေစီအဖွဲ့ချုပ်
(၈) ဦးနိုင်ငံလင်း - ဒက္ခိဏသီရိ - အမျိုးသားဒီမိုကရေစီအဖွဲ့ချုပ်
(၉) ဦးဖြိုးဇေယျာသော် (ခ) ဇေယျာသော် - ပုဗ္ဗသီရိ - အမျိုးသားဒီမိုကရေစီအဖွဲ့ချုပ်
(၁၀) ဦးမင်းသူ - ဥတ္တရသီရိ - အမျိုးသားဒီမိုကရေစီအဖွဲ့ချုပ်
(၁၁) ဦးခင်မောင်သိန်း - စစ်ကိုင်း - အမျိုးသားဒီမိုကရေစီအဖွဲ့ချုပ်
(၁၂) ဒေါ်ခင်စန်းလှိုင် - ပုလဲ - အမျိုးသားဒီမိုကရေစီအဖွဲ့ချုပ်
(၁၃) ဦးအောင်စိုး - လောင်းလုံ - အမျိုးသားဒီမိုကရေစီအဖွဲ့ချုပ်
(၁၄) ဦးအောင်စိုးမြင့် - တောင်ငူ - အမျိုးသားဒီမိုကရေစီအဖွဲ့ချုပ်
(၁၅) ဦးစိန်ထွန်း - ထန်းတပင် - အမျိုးသားဒီမိုကရေစီအဖွဲ့ချုပ်
(၁၆) ဦးကျော်မင်း - လက်ပံတန်း - အမျိုးသားဒီမိုကရေစီအဖွဲ့ချုပ်
(၁၇) ဦးမြင့်ဦး - သနပ်ပင် - အမျိုးသားဒီမိုကရေစီအဖွဲ့ချုပ်
(၁၈) ဦးပိုက်ကို - ပခုက္ကူ - အမျိုးသားဒီမိုကရေစီအဖွဲ့ချုပ်
(၁၉) ဒေါက်တာအောင်မိုးညို - ပွင့်ဖြူ - အမျိုးသားဒီမိုကရေစီအဖွဲ့ချုပ်
(၂၀) ဦးမြင့်သိန်း - မကွေး - အမျိုးသားဒီမိုကရေစီအဖွဲ့ချုပ်
(၂၁) ဦးတိုးရွှေ (ခ) ဦးတင်ဋ္ဌေးအောင် - ရေစကြို - အမျိုးသားဒီမိုကရေစီအဖွဲ့ချုပ်
(၂၂) ဒေါ်ခင်သန္တာ - တံတားဦး - အမျိုးသားဒီမိုကရေစီအဖွဲ့ချုပ်
(၂၃) ဒေါက်တာဇော်မြင့်မောင် - ကျောက်ပန်းတောင်း - အမျိုးသားဒီမိုကရေစီအဖွဲ့ချုပ်
(၂၄) ဦးပေါခင် - နွားထိုးကြီး - အမျိုးသားဒီမိုကရေစီအဖွဲ့ချုပ်
(၂၅) ဦးအုန်းကြိုင် - မဟာအောင်မြေ (မန္တလေး) - အမျိုးသားဒီမိုကရေစီအဖွဲ့ချုပ်
(၂၆) ဦးဝင်းထိန် - မိတ္ထီလာ - အမျိုးသားဒီမိုကရေစီအဖွဲ့ချုပ်
(၂၇) ဦးကျော်သီဟ- ပြင်ဦးလွင် - အမျိုးသားဒီမိုကရေစီအဖွဲ့ချုပ်
(၂၈) ဒေါ်ခင်ဋ္ဌေးကြွယ် - မော်လမြိုင် - အမျိုးသားဒီမိုကရေစီအဖွဲ့ချုပ်
(၂၉) ဒေါက်တာဒေါ်သန်းငွေ - ကလော - အမျိုးသားဒီမိုကရေစီအဖွဲ့ချုပ်
(၃၀) ဦးဝင်းမြင့် - ပုသိမ် - အမျိုးသားဒီမိုကရေစီအဖွဲ့ချုပ်
(၃၁) ဦးစိန်ဝင်းဟန် - မအူပင် - အမျိုးသားဒီမိုကရေစီအဖွဲ့ချုပ်
(၃၂) ဦးမန်းဂျော်နီ - မြောင်းမြ - အမျိုးသားဒီမိုကရေစီအဖွဲ့ချုပ်
(၃၃) ဦးကျော်မြင့် - မြန်အောင် - အမျိုးသားဒီမိုကရေစီအဖွဲ့ချုပ်
(၃၄) ဒေါ်မြင့်မြင့်စန်း - ဝါးခယ်မ - အမျိုးသားဒီမိုကရေစီအဖွဲ့ချုပ်
(၃၅) ဒေါ်ခင်မွှေးလွင် - မင်းကင်း - အမျိုးသားဒီမိုကရေစီအဖွဲ့ချုပ်
(၃၆) ဦးမင်းဦး - ပဲခူးတိုင်းဒေသကြီး အမှတ် (၇) - အမျိုးသားဒီမိုကရေစီအဖွဲ့ချုပ်
(၃၇) ဦးအောင်ကြည်ညွန့် - မကွေးတိုင်းဒေသကြီးအမှတ် (၄) - အမျိုးသားဒီမိုကရေစီအဖွဲ့ချုပ်
(၃၈) ဦးသိမ်းဆွေ - ဧရာဝတီတိုင်းဒေသကြီးအမှတ် (၁၀) - အမျိုးသားဒီမိုကရေစီအဖွဲ့ချုပ်
(၃၉) ဒေါက်တာမြင့်နိုင် စစ်ကိုင်းတိုင်းဒေသကြီးအမှတ်(၃) - အမျိုးသားဒီမိုကရေစီအဖွဲ့ချုပ်
(၄၀) ဦးမျိုးခိုင် - ပဲခူးတိုင်းဒေသကြီး ကဝ (၂) - အမျိုးသားဒီမိုကရေစီအဖွဲ့ချုပ်
(၄၁) ဒေါက်တာလှမြတ်သွေး - ဧရာဝတီတိုင်းဒေသကြီး ရေကြည် (၂) - အမျိုးသားဒီမိုကရေစီအဖွဲ့ချုပ်
(၄၂) ဒေါ်တင်တင်ရီ - ကျွန်းစု - အမျိုးသားဒီမိုကရေစီအဖွဲ့ချုပ်
(၄၃) ဦးမြင့်အောင် - မြိုင်မြို့နယ် - အမျိုးသားဒီမိုကရေစီအဖွဲ့ချုပ်
(၄၄) ဦးစိုင်းစံမင်း - ရှမ်းပြည်နယ် အမှတ်(၃) - ရှမ်းတိုင်းရင်းသားများဒီမိုကရက်တစ်ပါတီ
(၄၅) ဦးတင်မြ - စစ်ကိုင်းတိုင်းဒေသကြီးအမှတ်(၇) - ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ

မည်သို့ဆိုစေ… “ကြားဖြတ်ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ် အပြတ်အသတ်ရာပြည့်နီးပါး အနိုင်ရရှိမှုသည် ပြည်သူလူထု၏ အောင်မြင်မှု” ဟု အဖွဲ့ချုပ်ဥက္ကဋ္ဌဒေါ်အောင်ဆန်းစုကြည်က ရွေးကောက်ပွဲကျင်းပပြီး နောက်တနေ့ (ဧပြီလ ၂ ရက်)တွင် ပြောကြားခဲ့သည်။

ကုလသမဂ္ဂအတွင်းရေးမှူးချုပ် ဘန်ကီမွန်းက မြန်မာနိုင်ငံတွင် ဧပြီလ ၁ ရက်နေ့ကကျင်းပခဲ့သည့် ကြားဖြတ်ရွေးကောက်ပွဲ များကို ငြိမ်းငြိမ်း ချမ်းချမ်းနှင့် စနစ်ကျစွာ ကျင်းပပြုလုပ်နိုင်ခဲ့သည့်အတွက် မြန်မာပြည်သူများကို ချီးကျူးဂုဏ်ပြုပါကြောင်း၊ ကြားဖြတ်ရွေးကောက်ပွဲတွင် အဖွဲ့ချုပ်ဥက္ကဋ္ဌဒေါ်အောင်ဆန်းစုကြည်အနိုင်ရရှိခဲ့ပြီးနောက် မြန်မာသမ္မတဦးသိန်းစိန်၏သတ္တိနှင့်ပတ်သက်၍လည်းချီးကျူးပါကြောင်း ပြော ကြားသွားသည်။

အမေရိကန်သမ္မတ အိမ်ဖြူတော်မှာလည်း ကြားဖြတ်ရွေးကောက်ပွဲ၌ မဲပေးခဲ့ကြသည့် မြန်မာပြည်သူများကို ချီးကျူးဂုဏ်ပြုပါကြောင်း၊ ထို့ အပြင် ဒေါ်အောင်ဆန်းစုကြည်နှင့် အဖွဲ့ချုပ်၏အောင်မြင်မှုအတွက်လည်း ချီးကျူးဂုဏ်ယူပါကြောင်း ကြေညာချက်ထုတ်ပြန်ခဲ့သည်။

ဥရောပသမဂ္ဂကလည်း မြန်မာနိုင်ငံတွင်ကျင်းပခဲ့သည့် ကြားဖြတ်ရွေးကောက်ပွဲအတွက် မြန်မာအစိုးရနှင့် မြန်မာပြည်သူများကို ချီးကျူးပြော ကြားခဲ့ပြီး မြန်မာနိုင်ငံတွင်ဆောင်ရွက်နေသည့် ပြုပြင်ပြောင်းလဲမှုများကို ဆက်လက်ထောက်ခံသွားမည်ဖြစ်ကြောင်းနှင့် မြန်မာနိုင်ငံနှင့် ပူးပေါင်းဆောင်ရွက်မှု ဆက်ဆံရေးပုံစံသစ်ကိုလည်း မျှော်လင့်နေပါကြောင်း ပြောကြားခဲ့သည်။ သို့သော် ကြားဖြတ်ရွေးကောက်ပွဲတွင် အ နိုင်ရရှိခဲ့သော အမျိုးသားဒီမိုကရေစီအဖွဲ့ချုပ်သည် ပြည်သူ့လွှတ်တော်နှင့် အမျိုးသားလွှတ်တော်ကိုယ်စားလှယ်များအား ဧပြီလ ၂၃ ရက်နေ့ တွင် လွှတ်တော်အစည်းအဝေးတက်ရန် သက်ဆိုင်ရာက အကြောင်းကြားထားသော်လည်း လွှတ်တော်ဥက္ကဋ္ဌရှေ့မှောက်တွင် ကတိသစ္စာ ပြုရန် ကတိသစ္စာပြုချက်တွင်ပါဝင်သော ဖွဲ့စည်းအုပ်ချုပ်ပုံအခြေခံဥပဒေကို ထိန်းသိမ်းကာကွယ်စောင့်ရှောက်ရမည်” ဟူသော စာသား အစား “လေးစားလိုက်နာရမည်”ဟူ၍ ပြင်ဆင်ရန် အဖွဲ့ချုပ်ကတင်ပြထားသော်လည်း သက်ဆိုင်ရာကခွင့်မပြုသဖြင့် လွှတ်တော်တက်ရေး အခက်ကြုံလျက်ရှိသည်။

အချို့ကလည်း “အခုကျမ်းသစ္စာကျိန်ဆိုရာမှာ ပြင်ဆင်စေချင်တဲ့စကားလုံးနဲ့ပတ်သက်ပြီး အဖွဲ့ချုပ်၏ရပ်တည်ချက်ကို နားလည်ပေမယ့် လည်း လွှတ်တော်ထဲကို အရင်ရောက်အောင်မသွားဘူးဆိုရင်တော့ တခဲနက်ထောက်ခံခဲ့တဲ့ ပြည်သူတွေ စိတ်ပျက်ရမှာအမှန်ပဲ။ အားလုံးက NLD ကို လွှတ်တော်ထဲရောက်စေချင်လို့ မဲပေးခဲ့ကြတာ” ဟူ၍ ၎င်းတို့၏အမြင်ကို ပြောပြကြသည်။ မည်သို့ဆိုစေ လက်ရှိတာဝန်ရှိအစိုးရ ကလည်း အမျိုးသားပြန်လည်သင့်မြတ်ရေးနှင့် တိုင်းပြည်နှင့်လူမျိုး တိုးတက်ဖွံ့ဖြိုးစေချင်သော စိတ်ကောင်းစေတနာများထားရှိပါက ရွေး ကောက်ပွဲဥပဒေတွင်ပြင်ဆင်ပြီးမှ လွှတ်တော်ဥက္ကဋ္ဌရှေ့၌ ကတိသစ္စာပြုရာတွင် ပြင်မပေးနိုင်ဘူးဆိုသည်မှာလည်း သဘာဝမကျပေ။

အမှန်မှာ အစိုးရသစ်သည် ကြားဖြတ်ရွေးကောက်ပွဲ၌ အမျိုးသားဒီမိုကရေစီအဖွဲ့ချုပ် ယခုကဲ့သို့ အပြတ်အသတ်အနိုင်ရရှိ လိမ့်မည်ဟု လုံးဝမထင်မှတ်ခဲ့ချေ။ ရွေးကောက်ပွဲရလဒ် ပေါ်ထွန်းလာပြီးမှ “မစားရသည့်အမဲသဲနှင့်ပက်” ဆိုသလို ပြုမူနေပါ က အပ်နှင့်ထွင်းရမည့်ကိစ္စကို ပုဆိန်နှင့်ပေါက်ရကိန်း ဆိုက်နေသည်မို့ တိုင်းပြည်နှင့်လူမျိုးအတွက် ရင်လေးလှပါကြောင်း မြန်မာနိုင်ငံတွင်ကျင်းပခဲ့သော ရွေးကောက်ပွဲများ ကိုစစ်တမ်းထုတ်ကြည့်ရင်း ဗိုလ်ချုပ်အောင်ဆန်း တစ်ခါကပြောခဲ့သည့် “ဗမာတွေဟာ မဟုတ်တဲ့နေရာ တလွဲဆံပင်ကောင်းနေတယ်” ဟူ သောစကားကို နားဝယ်ကြားယောင်နေမိပါတော့သည် ခင်ဗျား ....။

Posted in: မြန်မာ