ခရစ်တော်က သူ့အကြောင်း တခြားသူများကို ပြောဖို့ အခွင့်အာဏာပေးထားပါတယ်။

လှမင်းသူ

ယေရှုသည်ကြား တော်မူလျှင်၊ ကျန်းမာသောသူတို့သည် ဆေးသမားကိုအလိုမရှိကြ။ နာသောသူတို့သာလျှင်အလိုရှိကြ၏။

ယဇ်ပူဇော်ခြင်းအကျင့်ထက် သနားခြင်းကရုဏာအကျင့်ကိုငါနှစ်သက်၏ ဟူသောကျမ်းစကားကိုနားလည်ခြင်းငှါ သင်တို့သွား၍သင်ကြ လော့။ ဖြောင့်မတ်သောသူတို့ကိုနောင်တသို့ခေါ်ခြင်းငှါ၊ ငါလာသည်မဟုတ်။ ဆိုးသောသူ တို့ကိုခေါ်ခြင်းငှါ၊ ငါလာသတည်းဟု မိန့်တော်မူ၏။ (မဿဲ ၉း၁၂-၁၃)

အစွန်းရောက် ဘာသာရေးအဖွဲ့အစည်းတခုမှာ ပါဝင်ခဲ့ဘူးတဲ့ ကျွန်တော့်သူငယ်ချင်းတယောက်က သူဟာ သူ့ယုံကြည်ချက်ကို အခြားသူတွေကို ပြောဖို့ ကြောက်စိတ် တခါမှ မဖြစ်ခဲ့ဘူးလို့ ဆိုပါတယ်။ ဒါပေမဲ့ ခရစ်ယာန်တယောက် ဖြစ်လာခဲ့ပြီးတဲ့ အခါကျမှပဲ သူ့ရဲ့ ယုံကြည်ချက်တွေကို ဝေငှတဲ့အခါမှာ ကြောက်စိတ်တွေနဲ့ ပြည့်လာရပါတယ်လို့ ပြောပြပါတယ်။

ဒီအချက်က ကျွန်တော်တို့ဟာ "အသွေးအသားရှိသော ရန်သူတို့နှင့် ဆိုင်ပြိုင်တိုက်လှန်ရကြသည်မဟုတ်။ အထွဋ်အမြတ်တို့နှင့်၎င်း၊ အာဏာစက်တို့နှင့်၎င်း၊ လောကီ မှောင်မိုက်၌ အစိုးတရ ပြုလုပ်သော မင်းတို့နှင့်၎င်း၊ မိုဃ်းကောင်းကင်၌နေသော နတ်ဆိုးတို့နှင့်၎င်း၊ ဆိုင်ပြိုင်တိုက်လှန်" (ဧဖက် ၆း၁၂) နေရကြောင်းကို သတိအကြီးအကျယ် ပေးထားပါတယ်။

ရန်သူတော်ဟာ ကျွန်တော်တို့ ယုံကြည်ချက်ကို လိုက်လံ ဝေငှတာကို အလိုမရှိပါဘူး။ ဒါကြောင့် ကျွန်တော်တို့ကို အကြောက်တရားနဲ့ တိုက်ခိုက်နေခြင်းပဲ ဖြစ်ပါတယ်။ ဒါပေမဲ့ ဘုရားသခင်က ကျွန်တော်တို့ကို ကြောက်ရွံ့တတ်သော ကျွန်၏သဘောကို မပေးပါဘူး။ သူက ကျွန်တော်တို့ကို သူ့ရဲ့သားသမီးဖြစ်ကြောင်း ပြသပြီး သူ့ရဲ့စိတ်ဝိညာဉ်နဲ့ ပြည့်စေပါတယ်။ သူဟာ ကျွန်တော်တို့ရဲ့ အဗ္ဗအဘ ဖြစ်ကြောင်းကိုလည်း ပြသပါတယ်။ ရောမ ၈း၁၅-၁၆

ရိန်းနားသုတေသနအဖွဲ့ ကြီးရဲ့ အဖွဲ့ဝင် ဆမ်ရိန်းနား ပြုလုပ်ခဲ့တဲ့ စိတ်ဝင်စားဖွယ် သုတေသနပြုချက်အရ ဆိုရင် အမေရိကားက ဘုရားကျောင်းမတက်တဲ့ လူတွေထဲမှာ ၅% လောက်ကသာ သတင်းကောင်းဖြန့်ဝေမှုကို ငြင်းဆန်ခြင်းတွေ၊ ခရစ်ယာန်များကို ဆန့်ကျင်မှုတွေ၊ ခရစ်ယာန်များနဲ့ စကားပြောခြင်း ခရစ်ယာန်အကြောင်းများကို ပြောခြင်းတွေကို ရန်လိုတိုက်ခိုက်ခြင်းများရှိပါတယ်။ ဘုရားကျောင်းမသွားတဲ့ ဒီ "အမာခံ" အုပ်စုဟာ ၅% ဆိုရင် ၈ သန်းလောက်ရှိပြီး ဘုရားကျောင်းမသွားတဲ့ ကျန်တဲ့ ၁၅၂သန်းက သတင်းကောင်းကြားနာဖို့ စိတ်တံခါး ဖွင့်ထားတတ်ကြပါတယ်လို့ ဆမ်ကပဲ ပြောပါတယ်။

အဲဒီအတွက်ကြောင့် ကျွန်တော်တို့ဟာ သတင်းကောင်းကို လက်ခံဖို့ ပိတ်ထားသူထက် ဖွင့်ထားသူကို ပိုပြီးတွေ့ဆုံဖြစ်ဖို့ များပါတယ်။ ကျွန်တော်တို့ ဖြစ်မှာ ကြောက်တဲ့ အရာများက ဖြစ်ခြင်းဖြစ်ခဲ့ရင်တောင် ဘုရားကျောင်းမသွားတဲ့ အမာခံ လူနည်းစုနဲ့ တွေ့မှသာ ဖြစ်ပါလိမ့်တယ်။

သတင်းကောင်းကို လက်ခံဖို့ ငြင်းဆန်ဆန့်ကျင်သူများဆီကို အရောက်သွားတဲ့အခါမှာလည်း ကိုယ့်ယုံကြည်ချက်ကို ကာကွယ်ဖို့ နဲ့ ခရစ်ယာန်ဘာသာနဲ့ ပတ်သက်လို့ အထင်မှားအမြင်မှားဖြစ်နေတာတွေကို ဖြေရှင်းဖို့ အသင့်ပြင်ထားဖို့လိုကြောင်း ဆမ်က ပြောပါတယ်။

ခရစ်တော်အကြောင်း ပြောဖို့ ဆန္ဒရှိတဲ့ ကျွန်တော်တို့ အားလုံးဟာ ဘုရားကျောင်းရဲ့ ပြင်ပရောက်နေတဲ့ သူများနဲ့ ဆက်ဆံပြောဆိုဖို့ လိုကို လိုအပ်ပါတယ်။ ဘာသာရေးခေါင်းဆောင်များက ခရစ်တော်က အသင်းတော်ပြင်ပရောက်နေတဲ့ အပြစ်သားများနဲ့ မိတ်ဆွေဖွဲ့ ပြီးနေတာကို စိုးရိမ်မိကြောင်း ပြောဆိုတဲ့အခါမှာ ခရစ်တော်က " ကျန်းမာသောသူတို့သည် ဆေးသမားကိုအလိုမရှိကြ။ နာသောသူတို့သာလျှင်အလိုရှိကြ၏။ ...  ဖြောင့်မတ်သောသူတို့ကိုနောင်တသို့ခေါ်ခြင်းငှါ၊ ငါလာသည်မဟုတ်။ ဆိုးသောသူ တို့ကိုခေါ်ခြင်းငှါ၊ ငါလာသတည်း" လို့ (မဿဲ ၉း၁၂၊ ၁၃) မိန့်တော်မူပါတယ်။

ဒီကနေ့ ၀တ်ပြုဆုတောင်းချိန်မှာ၊

ခရစ်တော်အကြောင်းပြောစေချင်တဲ့ လူနှစ်ယောက်ကို ဖော်ပြပေးဖို့ ဘုရားသခင်ကို တောင်းပါ။

သတင်းကောင်းကို လက်ခံဖို့ သူတို့ရဲ့ စိတ်နှလုံးကိုလဲ ဖွင့်ထားပေးဖို့ လည်း တောင်းပါ။

သူတို့ကိုပြောပြဖို့အတွက် မိမိရဲ့ စိတ်နှလုံးကိုလည်း အသင့်ပြင်ဆင်ပေးဖို့ တောင်းပါ။

ပြီးတော့ ယုံကြည်ခြင်းနဲ့ မိမိရဲ့ ကြောက်စိတ်များကို ကျော်လွှားပြီး၊ ခရစ်တော်ဟာ သူတို့နဲ့ တွေ့ဆုံပြောဆိုဖို့ ချိန်းချက်မှုကို ပြုလုပ်နေကြောင်း ယုံကြည်ထားပါ။ ကိုယ့်ရဲ့ ဆုတောင်းချက်ကို ဘယ်နည်းနဲ့ အဖြေပေးမလဲဆိုတာကိုသာ စောင့်ကြည့်ပါ။

မိမိယုံကြည်ချက်ကို ဒီအပတ် ဝေငှဖို့ ဘုရားသခင် သင့်ကို ရွေးချယ်သန့်စင်ပါစေသော်။

နာမတော်မြတ်၌

လှမင်းသူ

(ရစ်(ခ်)၀ါရင်၏ နေ့စဉ်မျှော်လင့်ချက် စာစောင်များထဲမှ ၂၈ ရက်၊ အောက်တိုဘာလ၊ ၂၀၁၁ ရက်စွဲပါ စာမျက်နှာအား ဆီလျှော်အောင် ပြန်ဆိုပါသည်။

Posted in: တရားဟောချက်များ