အောင်မြင်ခြင်း နှင့် ရှုံးနိမ့်ခြင်း

ကျွန်တော်သည် အသင်းတော် တစ်ခုမှ နှုတ်ခပတ်တော် ဝေငှရန် ဖိတ်ကြား ထားသောကြောင့် မနေ့က နှုတ် ခပတ်တော် ဒေသနာကို ဆုတောင်းရင်း ပြင်ဆင်ပါသည်။ ထိုသို့ ဆုတောင်းရင်း ကျွန်တော် ဝေငှရမည့် အသင်း တော်ကို အောင်မြင်သော အသင်းတော် တစ်ခု ဖြစ်ရန်အတွက်လည်း ဆုတောင်းမိပါသည်။

အောင်မြင်ခြင်းကို လူတိုင်း ကြိုက်နှစ်သက်ပါသည်။ ရှုံးနိမ့်ခြင်းကို မည်သူမျှ မကြိုက်နှစ်သက်ကြပါ။ စာပေးပွဲ ဖြေဆိုသည့်အခါ အောင်မြင်ဘို့ အတွက် ရည်ရွယ်ချက် ကြီးကြီးမားမားဖြင့် ပါဝင်ဖြေဆိုကြသည် မဟုတ်ပါလော။ စာမေးပွဲကျလျှင် အလွန်အားငယ် ဝမ်းနည်းကြသည်။ စိတ်ဓါတ်ကျ ကြသည် မဟုတ်ပါလော။

ထွက်မြောက် ရာကျမ်း ၁၇း၁-၇ တွင်

ဣသရေလ လူမျိုးများ တောထဲတွင် လှည့်လည်နေရသော အချိန်က ဖြစ်သည်။ ထိုကဲ့သို့ လှည့်လည်နေရင်း မောပန်းသောအခါ အနားယူရန် ဆုံးဖြတ်ကြသည်။ ထိုနေရာတွင် အဆင်ပြေ သင့်တော်မည့် ကာလတစ်ခု အထိ စခန်းချ အနားယူရန် ဆုံးဖြတ်ချက် ချခဲ့ပါသည်။ ထိုကြောင့် လူတိုင်းအာရ ဝမ်းသာဖြစ်ကာ ထိုနေရာတွင် အနား ယူခဲ့ကြပါသည်။ သို့သော် ထိုနေရာတွင် ရေမရှိသောကြောင့် အဆင်ပြေ ကောင်းမွန်သည်ဟု မဆိုနိုင်ချေ။ ခေါင်းဆောင်ကြီး မောရှေ အနားယူ စခန်းချရန် ဆုံးဖြတ်သတ်မှတ်သော နေရာမှာ ရေမရှိသောကြောင့် ကောင်းမွန်သည်ဟု မဆိုနိုင်ချေ။ ထိုနေရာမျိုးတွင် စခန်းချ အနားယူရန် ဆုံးဖြတ်သည့် မောရှေကို ခေါင်းဆောင် ကောင်း တစ်ယောက်ဟု ဣသရေလ လူတို့ မသတ်မှတ်ခဲ့ချေ။ ထို့ကြောင့် မောရှေထံ သွားရောက်ကာ အပြစ် တင် ပြောဆိုခဲ့လေသည်။ ထိုအခါ မောရှေက အဘယ်ကြောင့် ငါ့ကို အပြစ်တင် ပြောဆိုပါသနည်း။ အဘယ် ကြောင့် ဘုရားသခင်ကို စုံစမ်းပါသနည်း ဟူ၍ ပြန်လည်ပြောဆိုခဲ့သည်။ လူများက အပြစ်တင် ပြောဆိုခံ ရသည်သာမက ခဲနှင့်ပေါက်ရန် ကြိုးစားသည့် အခြေအနေ အထိရောက်လာသောအခါ မောရှေသည် ဘုရား သခင်ထံ အော်ဟစ်ခဲ့ကြောင်း အခန်းငယ် (၄)တွင် ဖော်ပြထားပါသည်။

ဘုရားကို ဆန့်ကျင်ဘက်ပြု စုံစမ်းသူများ

ထိုအခါ ဘုရားသခင်က မောရှေအား အသက်ကြီးသူများနှင့် ဣသရေ လူမျိုးများကို ကျောက်တုံး ရှိရာနေရာသို့ ခေါ်ဆောင်သွားပြီး ထိုကျောက်တုံးကို လှံတံနှင့် ရိုက်ရန် မှာကြားပြောဆိုခဲ့လေသည်။ ထိုသို့ ဘုရားသခင် ပြောသည့်အတိုင်း ပြုလုပ်လိုက်သောအခါ ထိုကျောက်ထဲမှ ရေထွက်လာခဲ့သည်။ ထို့ကြောင့် ဣသရေလ လူမျိုးများ မျှော်လင့် တောင့်တနေသော ရေကို ရရှိခဲ့လေသည်။ ထိုအဖြစ်အပျက်ကို မိတ်ဆွေ ပြန်လည် သုံးသပ်ကြည့်ကြပါစို့။ ဣသရေလ လူမျိုးတို့၏ အမျှော်လင့်ဆုံး အတောင့်တဆုံး ရရှိခဲ့သည့် အတွက် အောင်မြင်မှု ရရှိခဲ့သည် သတ်မှတ် နိုင်သည် မဟုတ်ပါလား။ သို့သော်လည်း သမ္မာကျမ်းစာက ထိုအဖြစ်အပျက်နှင့် ပတ်သတ်ပြီး ပြောဆိုရာတွင် ဘုရားသခင်၏ စိတ်တော်၌ ကျေနပ်မှု တစ်စုံတစ်ရာ မဖြစ်ခဲ့သည်မို့ ထိုသူတို့၏ အောင်မြင်ခြင်းဟု မသတ်မှတ်နိုင်ချေ။ ထိုနေရာကို သမ္မာ ကျမ်းစာက မဿာနှင့် မေရိဘ ဟု ခေါ်ဆို သမုတ်ခဲ့ကြောင်း မှတ်တမ်းတင် ရေးသားထားပါသည်။ ထိုစကား လုံးများသည် ဟီးဘရူး အခေါ်အဝေါများ ဖြစ်ပြီး မဿာ၏ အဓိပ္ပါယ်မှာ စုံစမ်းခြင်းဟု အဓိပ္ပါယ် ရှိပါသည်။ မေရိဘ၏ အဓိပ္ပါယ်မှာ ဆန့်ကျင်ဘက် ပြုခြင်းဟု အဓိပ္ပါယ် ရှိပါသည်။ ထိုစကား နှစ်ခုစလုံးမှာ ဘုရားသခင်ကို သာ ဦးတည် လုပ်ဆောင်ခဲ့ကြခြင်း ဖြစ်ပါသည်။

အထက်ပါ စကားလုံးများကို လေ့လာခြင်းဖြင့် ဘုရားသခင်က ဣသရေလ လူမျိုးများအတွက် အောင်မြင်ခြင်းဟု မသတ်မှတ်ခဲ့ပါ။ သို့သော် လူများ၏ ရှေ့တွင်မူ လိုအပ်ချက် ပြည့်စုံ ရရှိသွားသောကြောင့် အောင်မြင်သည်ဟု ဆိုနိုင်ကောင်း ဆိုနိုင်ပါ လိမ့်မည်။ ထို့ကြောင့် လူ၏အမြင်နှင့် အောင်မြင်ခြင်းနှင့် ဘုရားသခင်၏ အမြင် အောင် မြင်ခြင်းတို့ အလွန်ခြားနားကြောင်း ခံစားသိရှိနိုင်ပါသည်။ ထိုအဖြစ်အပျက်ကို ပြန်လည် သုံးသပ်ကြည့်ပါ။ ရေဖိဒိမ် အရပ်တွင် ရောက်ရှိလာသည်။ ထိုနေရာတွင် စခန်း ချကြသည်။ ထိုနေရာတွင် သောက်သုံးရေမရှိ၊ အဆင်ပြေသော နေရာမဟုတ်ချေ။ ထိုနေရာတွင် စခန်းချရန် ဆုံး ဖြတ်ခြင်းသည် မည်သူ၏ အမှားနည်း။ ထိုအမှားကို အခြေခံကာ တစ်ယောက်ကို တစ်ယောက် အပြစ်တင် ပြော ဆို ချင်ကြသည်။ ကျွန်တော်တို့ နားလည်သင့်သည်မှာ မည်သူ့ထံမျှ အပြစ်မရှိချေ။ မောရှေတွင် အပြစ်မရှိချေ။ ဘုရားသခင်ကိုလည်း အပြစ်တင်လို့ မရချေ။ ထိုနေရာတွင် ရေမရှိ၊ အဆင်မပြေသော နေရာဖြစ်သော်လည်း မည်သူကိုမျှ အပြစ်တင် ပြောဆို၍ မရချေ။

ကျွန်တော်တုိ့၏ အသက်တာထဲတွင် အဆင်မပြေသောအချိန်၊ အားနည်းသောအချိန်များတွင် မည်သူ့ကိုမျှ အပြစ်တင် ပြောဆို၍ မရချေ။ မည်သူ့တွင်မျှ အပြစ်မရှိပါ။ ထိုအခြေအနေကို ဘုရားသခင်က လုပ်ဆောင်နေခြင်း ဖြစ်သည် မဟုတ်ပါလား။ အဆင် မပြေသော အခြေအနေ၊ အချိ်န်အခါ မျိုးကိုလည်း ဘုရားသခင် ပြင်ဆင်နေ ကြောင်း နားလည်ရမည် မဟုတ်ပါလား။ ထိုအခြေအနေကို ဘုရားသခင်ထံမှ ကျွန်ုပ်တို့ ခံယူရမည် ဖြစ်သည်။ ယောသပ်၏ အသက်တာထဲတွင် ညီအကို တော်စပ်သောသူများက သူ့ကို ရေတွင်းထဲမှာ ချသည်။ ရောင်းစားသည်။ ယောသပ်အနေဖြင့် ညီအကိုများကို အပြစ်တင်ခွင့် ရှိသည်မဟုတ်ပါလား။ သို့သော် ယောသပ်ကိုယ်တိုင် နားလည်ခဲ့သည်မှာ ထိုအခြေအနေသည် ညီအကိုများက ပြုလုပ်သည်မဟုတ်။ ဘုရား သခင်က ပြင်ဆင် ဆောင်ရွက်ခဲ့သည်ဟု နားလည်ခဲ့ပါသည်။ ယနေ့ မိတ်ဆွေကို အားပေးလိုပါသည်။ အသက်တာတွင် အဆင်မပြေမှု တစ်စုံတစ်ရာ ကြုံဆုံလာပါက မည်သူ့ကိုမျှ အပြစ်တင် ပြောဆိုမှု မပြုလုပ်ပါနှင့်။ ထိုပြဿနာအတွက် မောရှေကဲ့သို့ ဘုရားသခင်ကို အော်ဟစ် ရန် လိုအပ်သည်မဟုတ်ပါလား။ တစ်ခါတစ်ရံ စိတ်ရှည်စွာနှင့် အော်ဟစ်ရန် လိုအပ်ပါသည်။ ထိုအခါ မောရှေကို အဖြေပေးသကဲ့သို့ ကျွန်ုပ်တို့ကိုလည်း အဖြေ ပေးပါလိမ့်မည်။

ဘုရားပေးသောနာမည်နှင့် လူပေးသော နာမည်

ယနေ့ ကျွန်တော်တို့၏ လှုပ်ရှားမှုတိုင်းကို ဘုရားသခင်က နာမည်တစ်ခု ပေးနေပါသည်။ ကျမ်စာထဲတွင် ရေဖိဒိမ် အရပ်တွင် ရေထွက်လာသော အရပ်ကို မဿာနှင့် မေရိဘဟူ၍ အမည်ပေးခဲ့ပါသည်။ မကောင်းသော အဓိပ္ပါယ်နှင့် ထိုနာမည်ကို ပေးခဲ့လေသည်။ "စုံစမ်းခြင်းနှင့် ဆန့်ကျင်ဘက်ပြုခြင်း" ဟု အမည်ပေးခဲ့ပါသည်။ ဆိုလိုသည်မှာ ကျွန်တော်တို့၏ အသက်ရှင် လှုပ်ရှားနေသည် နေရာ၊ လုပ်ဆောင်သည့် အမှုကို ဘုရားသခင်က နာမည်တစ်ခု ပေးနေပါသည်။ ထိုကြောင့် ကျွန်တော်တို့ အသင်းသားများ လုပ်ဆောင်နေသည့် အရာက ဘုရားသခင်ရှေ့တွင် အမည်သစ်တစ်ခုကို ရစေပါသည်။ သင်မည်ကဲ့သို့ အသင်းတော်ကို အမည်ပေးနေပါ သနည်း။ ယနေ့ လူများ အမည်ပေး မှည့်ခေါ်ဆိုသော အမည်နှင့် ဘုရားသခင်ပေးသော နာမည်မှာ ကွာခြား နေ ပါ လိမ့်မည်။ ကျမ်းစာတွင် လူ၏ အမည်မှာ "အာဗြံ" ဖြစ်သော်လည်း ဘုရားသခင်က "အာဗြဟံ" ဟု နာမည်ပေး မှည့်ခေါ်ခဲ့သည်။ ဓမ္မသစ်ကျမ်းစာတွင် "ရှိမုန်" ကို "ပေတရု" ဟူ၍ လည်းကောင်း အမည်နာမ ပေးမှည့်ခေါ်ခဲ့ ပါသည်။ သင့်ကို ဘုရားသခင်က မည်ကဲ့သို့ နာမည်ပေးမည်ဟု ထင်ပါသနည်း။ သင်၏ တုန့်ပြန် လှုပ်ရှား မှုအပေါ်တွင် မူတည်ကာ ဘုရားသခင်က အမည်ပေး မှည့်ခေါ်လျှက် ရှိပါသည်။

ခရစ်တော်ကို လှံတံနှင့် ရိုက်သောသူများ

အထက်ပါ လေ့လာချက် အရ ဣသရေလ လူမျိုးများသည် အောင်မြင်ခြင်း မရခဲ့ပါ။ ရှုံးနိမ့်ခြင်းကိုသာ ရရှိခဲ့သည် မဟုတ်ပါလော။ ထိုအဖြစ် အပျက်နှင့် ပတ်သတ်ပြီး ၁ကော ၁၀း၎ တွင် ဖေါ်ပြထားသည်မှာ "ထိုသူတို့နှင့် အတူလိုက်သော ဓမ္မကျောက်မှ ထွက်သောရေကို သောက်ကြ၏။ ထိုကျောက်ကား ခရစ်တော် ဖြစ်သတည်း။" ထိုကျမ်းချက်အရ မောရှေလှံတံနှင့် ရိုက်သော ကျောက်မှာ ခရစ်တော် ဖြစ်နေသည်ဟု ဓမ္မသစ်ကျမ်းတွင် ဖော်ပြထားပါသည်။ ကျွန်တော်တို့သည် ၀ိညဉ်ရေးရာ အားနည်းသော အချိန်၊ ယုံကြည်ခြင်း အားနည်းနေသည့် အချိန်များတွင် ခရစ်တော်ကို ရိုက်နှက်နေသူ၊ ကျောက်တုံးဖြင့် ပစ်နေသူများ ဖြစ်နေသည် မဟုတ်ပါလား။ သခင်ယေရှုသည် လက်ဝါးကားတိုင်တွင် အသေခံခဲ့သည်။ လက်ဝါးကားတိုင်းတွင် သေပြီး နောက် ရောမစစ်သားများက သခင်ယေရှု၏ နံဘေးကို လှံနှင့် ထိုးဖောက်ခဲ့သည်။ သခင်ယေရှုထံမှ သွေးနှင့် ရေ ထွက်လာခဲ့သည်။ "သွေး" ဆိုသည်မှာ သခင်ယေရှု၏ "ခွင့်လွှတ်ခြင်း"ကို ကိုယ်စားပြုနေပါသည်။ ရေဆိုသည်မှာ သခင်ယေရှု၏ ကောင်းကြီးမင်္ဂလာကို ကိုယ်စားပြုနေပါသည်။ ထို "ယေရှုခရစ်" ဆိုသော ကျောက်မှ ကောင်းကြီး မင်္ဂလာများ စီးထွက်လာပါသည်။ လူများစွာ ထိုကောင်းကြီး မင်္ဂလာကို ခံစားရပါသည်။ သခင်ယေရှုသည် လူ တိုင်းကို ခွင့်လွှတ်ခြင်းသာမက ကောင်းကြီးမင်္ဂလာများကိုလည်း ခံစားစေပါသည်။ ခရစ်တော်ကို နာကျဉ် စေသော သူတိုင်းကို ဘုရားသခင်က ခွင့်လွှတ်ခြင်းနှင့် ကောင်းကြီး မင်္ဂလာများကို စီးဆင်းစေပါသည်။

ရှုံးနိမ့်ခြင်းထဲမှ ဘုရားသခင်၏ ကျေးဇူးတော်

ကျမ်စာထဲတွင် ရေဖိဒိမ်အရပ်ကို မဿာနှင့် မေရိဘ ဟူ၍ ယနေ့တိုင် ခေါ်ဆိုနေကြောင်း ကျမ်းစာက မှတ်တမ်း တင်ထားပါသည်။ သမ္မာကျမ်းမှ ဟေဗြဲကျမ်းတွင် ရေးသားထားသည်မှာ ဣသရေလ လူများကဲ့သို့ မလုပ်နှင့် ဟူ၍ ပြောထားပါသည်။ ကျွန်တော်တို့သည် ယုံကြည်ခြင်း အားနည်းသော အပြုအမှု လုပ်ဆောင်ချက်များကို လုံးဝ မလုပ်ရန် ဆုံးဖြတ်ချက် ချရမည်ဖြစ်သည်။ အထက်ပါ အဖြစ်အပျက်သည် ဣသရေလ လူမျိုးတို့၏ ရှုံးနိမ့်ခြင်း အတွေ့အကြုံ ဖြစ်ပြီး၊ ထိုအထဲတွင် ဘုရားသခင်၏ ကျေးဇူးတော်လည်း ရှိနေကြောင်း ဖော်ပြပါသည်။ အောင်မြင်ခြင်း ဘုရားသခင်သည် ကျွန်တော်တို့ကို အောင်မြင်ခြင်းလည်း ပေးချင်ပါသည်။ ထွက်မြောက်ရာ ၁၇း၈-၁၃ ကို ဆက်လက် ဖတ်ရှုလေ့လာပါက ဣသရေလ လူမျိုးတို့၏ အောင်မြင်ခြင်းကိုလည်း ဆက်လက် သွန်သင်ပေး နေကြောင်း တွေ့ရပါသည်။ ထိုရေဖိဒိမ်အရပ်တွင် ရေသောက်ပြီး ဆက်လက်အနားယူနေစဉ် အာလလက် လူမျိုး ရန်သူများ ရောက်ရှိလာပြီး ဣသရေလ လူများကို ရန်ဘက်ပြု စစ်တိုက်လေတော့သည်။ မောရှေနှင့် ယောရှုသည် တိုင်ပင်ဆွေးနွေးပြီး ယောရှုမှာ ရန်သူများကို တိုက်ခိုက်ရာတွင် ဦးဆောင်ရပြီး မောရှေမှာမူ အာရုန်နှင့် ဟုရကို ခေါ်ဆောင်ကာ တောင်ပေါ်တွင် ဆုတောင်းပေးခြင်း အမှုကို ပြုရလေသည်။ ထိုသို့ ပြုလုပ်ခြင်းဖြင့် ဣသရေလ လူမျိုးများ အောင်မြင်မှု ရရှိသွားခဲ့လေသည်။

ဤအဖြစ်အပျက်မှာ အသင်းတော်နှင့် အလွန်ကိုက်ညီသော အဖြစ်အပျက် ဖြစ်ပါသည်။ မောရှေသည် တောင်ပေါ်တွင် ဆုတောင်းရပြီး ယောရှု ဦးဆောင်သော သူများမှာ စစ်ပွဲတွင် ပါဝင်ရသည် အာရုန်နှင့် ဟုရမှာ မောရှေကို အကူအညီပေးရသည်။ မောရှေသည် လက်ကို မြှောက်ပြီး ဆုတောင်းချိန်တွင် စစ်ပွဲမှာ အနိုင်ရသည်။ မောရှေ လက်ကို ချသောအခါ စစ်ပွဲ ရှုံးနိမ့်ရသည်။ သင်ကိုယ်တိုင် လက်ကို မြှောက်ကြည့်ပါ။ မည်မျှကြာအောင် မြှောက်နိုင်သနည်း။ လက်ထဲတွင် လှံတန်ကို ကိုင်ထားရသောကြောင့် ပိုမို ခက်ခဲမည်ဟု ထင်ပါသည်။ ယောရှုသည် မောရှည်ကိုလည်း မနာလို မဖြစ်ခဲ့ပါ။ အာရုန် နှင့် ဟုရကိုလည်း မနာလို မဖြစ်ခဲ့ပါ။ မိမိလုပ်ဆောင် ရသည့် အလုပ်ကိုသာ မညည်းတွားဘဲ လုပ်ဆောင်ခဲ့သည်ကို တွေ့ရပါသည်။ အသင်းတော်အတွက် အလွန်ကောင်းသော ပုံဥပမာ တစ်ခု ဖြစ်သည် မဟုတ်ပါလား။ မိမိတာဝန် ဘာဖြစ် သည်ကို လူတိုင်း သိဘို့ လိုအပ်ပါသည်။ မိမိ လုပ်ဆောင်ရမည့် တာဝန်နှင့် ဝတ္တရားကို ကျေပွန်ဘို့ လိုအပ်ပါ သည်။ ထိုစစ်ပွဲတွင် မပါဝင်နိုင်သော မိန်းမနှင့် ကလေးများက ချက်ပြုတ်မည်။ လူမမာများကို ပြုစုမည်။ ဒါဏ်ရာ ရသူများကို ကြည့်ရှုမည်။ အစရှိသဖြင့် တာဝန် အသီးသီး ရှိကြသည် မဟုတ်ပါလား။ မည်သူ့ကိုမျှ ငြူစူခြင်း၊ မနာလိုခြင်း မရှိခဲ့သည်ကို တွေ့ရှိနိုင်ပါသည်။ ထိုအချိန်တွင် ဣသရေလ လူမျိုးတို့ အောင်မြင်ခြင်း ရရှိခဲ့သည် ကို တွေ့ရပါသည်။

အောင်မြင်ရန်အတွက် ဆုတောင်းခြင်းသည် အလွန် အရေးကြီးပါသည်။ မောရှေ ဆုတောင်းခြင်း ပျက်ကွက်သည့် ခဏမှာ အရှုံးနှင့် ရင်ဆိုင်ရပြီး၊ ပြန်လည် ဆုတောင်းနိုင်သည့် ခဏမှာ အောင်မြင်မှု ရရှိခဲ့ပါသည်။ အသင်းတော်အတွက် ထိုအဖြစ်အပျက်မှာ ပုံသက်သေ နမူကောင်း တစ်ခု ဖြစ်ပါသည်။ ယနေ့ အသင်းတော်တွင် သင့်အတွက် သင့်အလုပ်က ဘာလဲ။ များသောအားဖြင့် လူတို့သည် ကိုယ့်အောင် မြင်ခြင်း ကိုသာ ကြည့်ရှုတတ်ကြပြီး အသင်းတော်အတွက် ဘေးတွင် ချထားတတ်ကြသည်။ အသင်းတော်တွင် သင့်အလုပ်က ဘာဖြစ်သနည်း။ သင့်၏ လုပ်ရှားမှု တုန့်ပြန်မှုက အသင်းတော်ကို နာမည်တစ်ခုပေးနေပါသည်။ အသင်းတော်အတွက် ဘုရားသခင်၏ အကောင်းဆုံး နာမည်တစ်ခု ရှိဘို့ ဆုတောင်းပေးပါ။

ငိုကြွေးရာအရပ်ကို စမ်းရေထွက်ရာအရပ် ဖြစ်စေသူ

ကိုယ်တော်ကို အားပြုသောသူသည် မင်္ဂလာ ရှိပါ၏။ ထိုသို့သော သူတို့သည် လမ်းခရီးတော်တို့ကို နှလုံးသွင်း တတ်ကြပါ၏။ သူတို့သည် ဗာကာလွင်ပြင်၌ ရှောက်သွားစဉ်၊ ထိုလွင်ပြင်ကို စမ်းရေထွက်ရာ အရပ်ဖြစ်စေကြ ပါ၏။ အရင်မိုးရေလည်း မင်္ဂလာများနှင့် လွှမ်းစေပါ၏။ (ဆာလံ ၈၄း၅-၆)

အထက်ပါ ကျမ်းချက်ကို လေ့လာကြည့်ပါက "ဗာကာ" ဟူသော လွင်ပြင်အရပ်ကို တွေ့ရပါသည်။ ထိုနာမည်မှာ "ငိုကြွေးခြင်း" ဟု အမည်ရှိပါသည်။ ဆိုလိုသည်မှာ ယုံကြည်သူများတွင် အားနည်းခြင်း၊ ငိုကြွေးရခြင်းတို့ ရှိနိုင် သော အချိန်ကာလတစ်ရပ် ရှိပါသည်။ ထိုအချိန်တွင် ဆာလံဆရာက ဘုရားကို အားကိုးခြင်းဖြင့် "စမ်းရေ ထွက်ရာအရပ်" ဖြစ်စေကြသည် ဟု ဆိုထားပါသည်။ ဘုရားသခင်ကို အားကိုးခြင်း၊ ယုံကြည်ခြင်းတို့ဖြင့် "ငိုကြွေးရာအရပ်" ကို "စမ်းရေထွက်ရာအရပ်" ဟု အမည်သစ်ကို ဖြစ်စေခဲ့သည်။ သင်၏ ယုံကြည်ခြင်းဖြင့် သင်၏ ငိုကြွေးရာ အရပ်ကို အမည်သစ် တစ်ခုပေးဘို့ ဆုတောင်းကြပါဟု တိုက်တွန်းဝေငှလိုပါသည်။ အာမင်

Posted in: တရားဟောချက်များ