Al-Qeada te Sumbul zong pa mat ding kikhensat

Leitung ah Muslim hiamgam nasem Al-Qeada pawlte sum tha tawh a panpih den ( Sponsor) Mr. Ezedin Abedel Aziz Khalil kici amin dang (Yasin Al-Surin) pa pen Iran gam sungah om dingin ki ummawh a, tua pa thu tawh kisai kiciantak a theite pahtawina (US$ 10 million)piak dingin U.S. Department of State in December 22,2011 ni-in pulak khia hi. Hih pa in Al-Qeada pawlte tawh kisai-in, sum le pai tawh zonsakna , mithak kaihkhopsakna cihte nasiatak sem hi ci-in, American Foreign Affair vaisaipi Mr. Robert Hartung in Washington thuthak saite tungah gen hi.

Mr. Yasin Al-Surin in Al-Qeada te le Iran kumpite kikal ah kitelsiamna omna ding palai sem in, Pakistan le Afghanistan gam a om Al-Qeada hiamgam makaite huhna pia sim tawntung hi. Tua banah Iran gam sungah thongkia Al-Qeada pawlte suahtakna ding panpih in, a suakta masasa Pakistan gam sungah paisuak sakin, sum le pai tawh a nung pan huh den hi. Iran Kumpite i huhna ding zong thukimpih mahmah khat hi ci in US gamdang lamsaite in ciamteh uh hi.

Posted in: Tedim New