Lutang nih pumpi khat le lungtang khat anei Naungek

Brazil gam leilu lam Para State, Anajas khuaneu zato khatah Mrs. Maria De Nazare (Kum 23) apha nupi khat pen December 21, 2011 ni-in nausuak hi. A tate peeng hi in lunih nei-in khuak zong nih mah nei a, pumpi khat hi. Nungzang guh zong nih mah nei-in, ahih hangin lungtang khat zang khawm uh " ci in nausuahna Zato Siavuante'n gen uh hi. Hih naupeengte pen Chirtsmas hun sungah suak ahih manin, Emmanuel le Jesus ci-in a Nu in minphuak pah ci hi. Tua banah naupang pen a gihna 4.6 kilogram gikin, tuni ciangciang cidam mahmah lel  ci uh hi.

Naungek pen phelnih suah a khenkhiat dingin Siavuante in ngaihsutna nei mah le uh a at ding uh kihta mahmah uh ci hi. Siavuante in atkhialh khak ding le a dam kik zawhna ding upna neu mah mah uh ci hi. Nupi nu in a naupai hun sung khempeuh Altrasound akipan bang mahmah ki etna nei ngei lo ci mawk hi. Nupi nu nausuak dingin a gilnat ciangin Zato ah pai uh a, Siavuante in a gilsung a nau a etsak ciangin a peeng ahih lam mukhia uh hi. Nau suah ngeina bangin suak zolo ding ci in, Kheiloh phamawh ahih manin naikhat sungin naungek lakhia thei uh hi.

Source : Realbollywood

Posted in: Tedim New