Zomi Action Film & Kungfu DVD thak kihawm ta ding

Zomi sungah kidalna lam siamna nei minthang khat ahi Pa Kampu ( Laizom Media), Tulsa, USA in a mahmah makaihna tawh akiziah  " The First Zomi Action Action Film & Kungfu Show" kici DVD thak pen hong tung ding ( 64) veina Zomi Nam Ni (Zomi National Day), February 20,2012 ni ciangin US akipan leitungbup Zomite omna khempeuh ah hawmkhia ta ding cih Pa Kampu (Laizom) tung pan kiza hi.

Pa Kampu pen Kungfu siam bek tham loin, abeisa hun khat lai akipan Laizom Video ci-in a tenna Tamu khuapi ah pankhia hi. Zomite' mopawi, biakna pawipite le akisapna khempeuh ah Video kap nasep sem hi. Minam le Pasian it in a hih theih zahzah tawh nasem nuam ngiat khat ahi hi. Tamu pan abeisa 2007 kumin Malaysia ah omin, Pasian lamlahna tawh tu in Tulsa, USA ah a innkuan un om uh hi. Zomi sungah a om ngei nai lo " The First Zomi Action Film and Kungfu Show " DVD thak akua maciat in thapia in leisak ciat ding Tongsan Media pan kong tangko uh hi.

Pasian in Zomite a bukim khantohna lamah hong kalsuanpih ta ahih manin, Zomite mi mawkmawk kihi nawn lo hi. Tua ahih manin a pil,asiamte le aminthang khat peuhpeuh a om ciangin, pahtawi huaite pahtawi in, aguallelte domto siam ding hun hi ta hi. Pa Kampu i mai lam ngimna le geelnate ah Pasian in gualzawhpih ta hen.

Posted in: Tedim New