Naypyidaw Airport thak kihong ta

Kawlgam khuapi thak Muanhuai khuapi thak (Naypyidaw) ah abeisa 2009 kum akipan Asia World Company te le Sen (China) kumpi tung pan sum leiitawi tawh akilam ahi Naypyidaw International Airport thak pen December 19,2011 ni-in honna thupitak kinei hi. Hih Naypyidaw airport pen Thailand, Singapore le gam khangto  tuamtuamte tawh kikim dingin kibawl ahih manin Soft Infrastructure and Hard Infrastructure cihte akipan na khempeuh khauhpai thei mahmah ci hi. Baggage handling akipan passanger khak/ dawnna Motor koihna le Vanleng tukkhit alutna Sky Bridge te zong nasia mahmah ci hi.

Sente kiang pan US$ Awn 370 leiitawi kila hi-in a sum bei zah din kikzawhna ding International Airline tampi a tuk ziahziah kisam ding hi ci-in Airport nasemte in gen uh hi. Kawlgam sungah International Ariline tuk theihna pen Yangon le Mandalay banah Naypyidaw kibehlap ta ahih manin, khualzin mite ading ut bangbang teel theihna om ta ding ci in, kigen hi. Yangon International Airport pen Immigration Counter akipan passanger ngakna cihte dongah mi tam lua ta ahih manin Naypyidaw airport pen lem mahmah tuam dingin gamdang mite khatin gen hi.

Thu khat panin Naypyidaw ah gamdang mite lunglut mah ding hiam cih dotna om pah kici hi. Asia World Company te in a genna ah, kumkhat sungin khualzinmi Awn 3 val te kisapna kicingtak piakzawhna dingin geelna nei uh ci hi. Naypyitaw Airport pen Naypyidaw khuapi pan leitaw lam Km 16 gamlatna munah dawl thum pha in kibawl ahi hi. Airport sungah thakhat thu in vanleng 10 tusuk thei dingin kibawl ahi hi. Tutung honpawi akibawlna pen Dawl khatna kizo ahih manin hon pawi kibawl ahi hi.

Naypyitaw Airport thak honna ah Vice President Sai Mauk Kham le Sen (China) pan hong pai Chinese State Counselor Mr.Dai Bingguo in honna nei uh hi. Hih Ariport honna hunpi pen asawt lo Naypyitaw akinei ding Greater Mekong Subregion Ecomomic Cooperation (GSM) meeting tawh kituak ding in kihong ahi hi.

Source: GMCF

Posted in: Tedim New