The Spirit Fruit

Australia gam South Australia State, Adelaide City sung a om Kawl gam mite neih pawlpi tuamtuamte lungdam bawl hunzatkhopna le Christmas Concert " Adelaide Myanmar Christian Churches Christmas Combined" pen hong tung ding December 23/12/2011 (Friday) ciang Adelaide khuapi ah nasiatak kibawl dinga, Kawlgam pan lasa siam minthang Nu Chaw Suu Khin le Tg. Sangpi te in zai ziahziah ding cih kiza hi.

A maute nih tawh Christmas Combined Concert ah kithuahpih dingin Sydney City pan mi 12 kihel Music Band nasia mahmah khat zongin thapiakna nei ding hi. Tua Christmas Combined Concert ah Adelaide khuapi a om Kawl gammi minam tuamtuam pan mipi 300 val bang kihelthei dingin kilamen hi. Hih Concert vai tawh kisai khempeuh Jesus Family Church (Pastor Paul Khai) vaihawmna tawh kipankhia cih thu kiza hi. Zomite leitung kiuli pan khrist lungdamna thu tangko in kilok ziahziah ta ahih manin hong tawisang i Pasian min i phat hi.

By: Tongsan Reporter, Australia

Posted in: Tedim New