9:09 PM
Admin
မူဆယ် ၁၀၅ မိုင် ကုန်သွယ်ရေးဇုန်ရှိ ပဲ၊ ပြောင်း၊ နှမ်းနှင့် လယ်ယာထွက်ကုန် ပစ္စည်းကုန်စည်ဒိုင်
မြန်မာနိုင်ငံမှ တင်ပို့သော လယ်ယာထွက်ကုန်ပစ္စည်းအချို့ တရုတ်ဘက်မှ ၆၀ ရာခိုင်နှုန်း အခွန်ကောက်သောကြောင့် မှောင်ခိုလမ်းကြောင်းကို အားထားနေရဆဲ ဖြစ်ကြောင်းနှင့် အလားတူပင် တရုတ်ဘက်မှ ကုန်သွယ်မှုနှင့် ပတ်သက်သည့် မူဝါဒဆိုင်ရာ အပြောင်းအလဲများ မကြာခဏ ပြုလုပ်နေမှုကြောင့် မြန်မာကုန်သည်များဘက်မှ နစ်နာမှု အများအပြားကို အခါ အားလျော်စွာ ကြုံတွေ့နေရကြောင်းလည်း သိရှိရသည်။
“တရုတ်နဲ့မြန်မာနဲ့ ကုန်သွယ်တဲ့အခါ မမျှတတာတွေရှိတယ်။ ဥပမာ-မြန်မာနိုင်ငံကတင်တဲ့ ဆန် တို့၊ ပြောင်းတို့ကို အခွန်နင်းကန် ကောက်တဲ့အခါ တရုတ်လုပ်ငန်းရှင်က မ၀ယ်နိုင်တဲ့အတွက် မှောင်ခို လမ်းကြောင်းက သွားရတာရှိတယ်။ မြန်မာဘက်က တရားဝင်ပို့ ခွင့်ပေးထားပေမယ့် တရုတ်ဘက်က တရား ၀င်ခွင့်ပြုမပေးဘူး။ ဒါကြောင့် မြန်မာလုပ်ငန်းရှင်တွေ ဈေးနှိမ်ခံရတယ်။ နောက်တစ်ခုက ကြံတို့၊ ကြံသကာ တို့ဆို ပိုဆိုးတယ်။ ကြံကို အပင်လိုက်သွင်းရင် လက်ခံတယ်။ သကြားတို့ ကြံသကာတို့ဖြစ်ပြီးမှ သူ့ နိုင်ငံထဲဝင်လာလို့ရှိရင် ဖမ်းတော့တာပဲ။ ဥပမာ ဆန်နဲ့ပြောင်းဆိုရင် ဖမ်းတာချင်းအတူတူ Custom က တွေ့မှဖမ်းတယ်။ ဒါပေမယ့် ကြံသကာလို့ သကြားလိုဟာမျိုး ဆိုရင်တော့ ဟိုဘက်မှာရှိတဲ့ ယူနီဖောင်းဝတ်ထားတဲ့ ဘယ်အဖွဲ့အစည်းမျိုးကမဆို ဖမ်းတော့တာပဲ။ တကယ်တော့ ဒီကိစ္စတွေ ကိုဖြေရှင်းဖို့ဆိုရင် အစိုးရက ကြားဝင်ပြီး တောင်းပေးမှရမှာပါ။ နှစ်နိုင်ငံ ကုန်သွယ်ရေးနဲ့ ပတ်သက်တဲ့ ဆွေးနွေးပွဲတွေမှာ မြန်မာဘက်ကအခါ အားလျော်စွာ တောင်းဆိုတဲ့ အခွင့်အရေးတွေ ရှိပေမယ့် ဒါဟာ ဗဟိုအစိုးရနဲ့ပဲ ဆိုင်တယ်ဆိုပြီးတော့ ငြင်းပယ်ခဲ့တာတွေ ရှိတယ်။ ဒါပေမယ့် ကျွန်တော်တို့ဘက်တော့ တောင်းရမှာပဲ။ တောင်းလို့မရရင် သူတို့ဘက်က၀င်လာတဲ့ ပစ္စည်းတွေကိုလည်း အခွန်စည်းကြပ်သင့်ရင် စည်းကြပ်ရမှာပဲ။ ခဏပိတ်ပစ်သင့်ရင် ပိတ်ပစ်ရမှာပဲ။ ဒီလိုမှမလုပ်နိုင်ဘူးဆိုရင် သူတို့ ဈေးကွက်ဖြစ်နေတယ်”ဟု မူဆယ်မြို့ခံ သွင်းကုန်လုပ်ငန်းရှင်တစ်ဦးက ပြောကြားခဲ့သည်။
၂၀၁၁-၂၀၁၂ ဘဏ္ဍာရေးနှစ် အတွင်း မြန်မာနိုင်ငံမှ တရုတ်နိုင်ငံသို့ တင်ပို့ခဲ့သည့် ကုန်ပစ္စည်းများတွင် နှမ်း၊ ငါး၊ ကျွန်းသစ်လုံး၊ သစ်မာလုံး၊ ကဏန်း၊ ကျောက်စိမ်း၊ ပုစွန်၊ ပဲတီစိမ်း၊ ဆန်၊ ပြောင်း၊ ရော်ဘာစိမ်းတို့ဖြစ်ကြောင်း သိရှိရသည်။
မြန်မာဘက်မှ ၀င်လာသော ပဲ၊ ပြောင်း၊ ဆန်စသည့် လယ်ယာထွက် ကုန်ပစ္စည်းများအပေါ်၌ ၆၀ ရာ ခိုင်နှုန်းအခွန် ကောက်ခံမှုကြောင့် မြန်မာနိုင်ငံဘက်မှ တရားဝင်လမ်းကြောင်းမှ တင်ပို့ခွင့်ရှိသော ပစ္စည်းများမှာ တရုတ်ဘက်မှ တရားမ၀င် နည်းလမ်းဖြင့် တင်သွင်းနေရကြောင်း၊ မြန်မာလုပ်ငန်းရှင်များဘက်တွင် ဈေးနှိမ်ခံရခြင်းများလည်း ရှိကြောင်း သိရသည်။
Posted in: စီးပွားရေး
Print
PDF
0 comments:
Post a Comment
သတင်း၊ ဆောင်းပါး ၊တိုင်ကြားစာ ၊ နည်းပညာ ၊ တရားဟောချက် etc မည်သူမဆို လွှတ်လပ်စွာရေးသား ပေးပို့နိုင်ပါသည်။
သင်၏ဝေဖန်အကြံပြုစာသည် ကျတော်တို့အတွက် နောက်တဖန်ရေးသားဖို့ရန်အတွက် အားဆေးဖြစ်စေလိုပါသည်။ အချိန်ယူကာ ဝင်ရောက်ဖတ်ရှုခြင်းအတွက် အထူးကျေးဇူးတင်ပါသည်။
ခင်မင်လေးစားစွာဖြင့်- Admins
Email - simonkamta@thespiritfruit.com