မေးစေ့ပေါ်က ဝက်ခြံ

 

မျက်နှာပေါ်မှာ ဝက်ခြံ အဖုအပိမ့် ထွက်တာက စိတ်အနှောင့် အယှက် ဖြစ်စရာ ကောင်းသလို ကြည့်ရဆိုးပါတယ်။  တကယ်လို့ အရေးကြီး အခမ်းအနားတွေကို သွားစရာ ရှိနေချိန်မှာ ဝက်ခြံအဖုအပိမ့်တွေ အများကြီးထွက်လာရင် ပိုပြီး စိတ်ရှုပ်ရပါတယ်။
အထူးသဖြင့် မေးစေ့မှာ ဝက်ခြံပေါက်လာရင် စကားပြောရတာ၊ ပြုံးရတာတောင် အဆင်မပြေ ဖြစ်ရတတ်ပါတယ်။ ဝက်ခြံမဖြစ်စေဖို့ ကောင်းမွန်တဲ့ အသားအရေ ထိန်းသိမ်းမှု၊ ကျန်းမာရေးနဲ့ ညီညွတ်တဲ့ အစာ၊ ညဘက် အိပ်ရေးဝဝ အိပ်စက်မှုစတဲ့ အချက်တွေက အရေးပါပါတယ်။
လူအများစုရဲ့ မျက်နှာမှာ ပေါင်းစပ် အသားအရေ ရှိကြပါတယ်။ ဆိုလိုတာက ခြောက်သွေ့တဲ့ အရေပြားနဲ့ အဆီပြန်တဲ့ အရေပြားဆိုပြီး နှစ်ပိုင်းရှိတာမျိုးပါ။ နဖူး၊ နှာခေါင်းနဲ့ မေးစေ့က အဆီပြန်ပြီးကျန်တဲ့ အစိတ်အပိုင်းတွေက ခြောက်သွေ့နေတာ ဖြစ်ပါတယ်။ ဝက်ခြံက အဆီပြန်တဲ့ အရေပြားနေရာတွေမှာ အဖြစ်များပါတယ်။ များလွန်းတဲ့ အဆီတွေစုပြီး မွေးညင်းပေါက်တွေမှာ အရေပြား ဆဲလ်သေတွေ စုပုံရောက်ရှိရာက ဘက်တီးရီးယား ပိုးဝင်မှုဖြစ်ပြီး ဝက်ခြံ ဖြစ်လာတာပါ။
အပျိုဖော်၊ လူပျိုဖော်ဝင်ချိန်၊ ရာသီလာချိန်၊ ကိုယ်ဝန်ဆောင်ချိန်တွေမှာ ခန္ဓာကိုယ်ထဲ ဟော်မုန်းအတက်အကျဖြစ်ပြီး ဝက်ခြံ အထွက် များတတ်ပါတယ်။ ဟော်မုန်းအပြောင်းအလဲကို ထိန်းချုပ်လို့ မရသလိုပဲ ဝက်ခြံကိုလည်း ထိန်းချုပ်ရ ခက်ခဲပါတယ်။ တချို့လူတွေက ဝက်ခြံနဲ့ အစားအသောက် ဆက်စပ်မှု ရှိတယ်လို့ ဆိုကြပါတယ်။
သကြားကြောင့် ဝက်ခြံပေါက်စေနိုင်တယ်လို့ တချို့လူတွေကဆိုပြီး တချို့က ချောကလက်၊ အာလူးချောင်းကြော်၊ ဆီကြော်စာစတဲ့ အစာတွေစားရင် မေးစေ့မှာ ဝက်ခြံထွက်လာတယ်လို့ ပြောကြပါတယ်။ ဝက်ခြံအဖုအပိမ့်ကင်းပြီး အသားအရေ ချောမွေ့ဖို့ရာအတွက် သစ်သီး၊ ဟင်းသီးဟင်းရွက်နဲ့ ငါးကို စားသင့်ပါတယ်။
တချို့ဆေးပြင်းတွေ၊ စိတ်ဖိစီးမှု၊ အဆီများတဲ့ ဆံပင်နဲ့ ဗောက်ထတာ စတဲ့ အချက်တွေကလည်း ဝက်ခြံနဲ့ အဖုအပိမ့်တွေကို ဖြစ်စေနိုင်ပါတယ်။ မေးစေ့ပေါ်က ဝက်ခြံကို လက်နဲ့မညှစ်ပါနဲ့။ ဝက်ခြံကို လက်နဲ့ ဆိတ်ရင် အမာရွတ်ထင်တတ်ပြီး အမာရွတ်က တော်တော်နဲ့ မပျောက်ဘဲ စွဲနေတတ်ပါတယ်။ ဝက်ခြံသက်သာစေဖို့ အရေပြား အထူးကုဆရာဝန်နဲ့ တိုင်ပင်ကုသသင့်ပါတယ်။

Posted in: မြန်မာ