Lungdambawl le Gupna bukim

Thu um mi paw/khatte'n Lai Siangtho sungah Lungdambawl (Christmas) cih kammal om lo ahih manin bawl ding hi lo hi, a baw/te zong khial hi, ci uh hi. Ahi zongin i hih khempeuh Lai Siangtho sungah a omkim hi tuan lo hi. Gentehna in, sehsuah piak ding pen a piak nop kei uh leh Thuciam lui thu hi, Thuciam thak sungah om lo hi ci uh hi. Bangbang hi taleh "Lungdambawl" a tangthu sut nawn loin leitung mite adingin phattuamna bang om hiam, cih tawmkhat kikum ding hi hang.

Gupna Bukim
Lungdambawl pen kha, lungsim le pumpi Gupna bukim i ngahna hi. Lung-dambawl a ni sangin a mi thupizaw a, a pawl sangin amah (Jesu) up ding thupizaw hi. Vantungmite in Jesu hong suah ciangin Nakpi Nuamna thu ka hong puak uh hi, a cih pen Gumpa Khris ahi hi.

A. Khalam gupkhiatna
Adam hangin mi khempeuh mawh khin a, Pasian maipha tawh kigamla hi (Rom.3:23; 5:12). Mawhna hangin mihingte Pasian tawh kikhen a, tawntung nuntakna kitaan khin zo hi. Lai Siangtho in "Mawhna' thaman in sihna hi" (Rom.6:23a) ci hi. Ahi zongin Jesu in leitung mite khempeuh gum dingin hong paisuk a, amah a um mite tungah gupna le tawntung nuntakna letsong hong pia hi (Rom.6:23b; Efe.2:8-9).Tuapen Lungdamna thu kici hi.

Jesu in, "Mizawngte kiangah Lung-damna thu zaksak dingin Pasian in kei sathau hong nilh zo hi" ci hi (Lk.4:18). Mi-zawng a cih ciangin ci le sa zawnna le kha-lam zawnna gen hi. Jesu hong suah ciangin vantung mite in mizawng tuucingte tungah a masapenin na tangko uh hi (Luk.2:10). Jesu leitung a nuntak lai-in ama i nungzuite le thu-urn mite pen mihau le mipilte hi lo hi, mizawng daipam micimawhte le mawh-neite ahi hi. Jesu in "Mizawng note in thupha na ngah ding uh hi. Banghang cih leh Pasian gam in (Lk.6:20) ci hi. Khalamah a zawngkhalte, khalam mittawte gum dingin Jesu hong pai ahi hi. Khalam tawntung nuntakna ngah ding pen nadangte sangin thupipen hi. Jesu in sihna a uk dawimangpa ukna sung panin ahi zongin, tawntung sihna a kihta mite suahtakna a ngah theih nading ahi zongin naupang bangin si le sa tawh hong piang a, singlamteh tungah sihna thuak hi (Hb.2:14-15)ci hi. Tua ahih manin kha gupna le tawntung nuntakna pen Jesu upna hangin kingah thei to hi. Halleujah!

B. Lungsim gimna pan gupkhiatna
Jesu in i kha hong gupkhia bek hi loin lungsim kitamzante, lungsim kiniam­khiatte, lungkham sinkham mite le gual­leIhna a thuak mite lungnop suahtakna a ngah theih nadingin hong pai ahi hi (Lk.4:- 18). A pualam liamnate sangin sunglam liamna dam ding haksazaw hi. Lungsim vangik puak zawhlohna, lunggim-luatna, sinkham luatnate hangin sikhang zun­khum sikhum le lungtang natnate suaksak thei hi. Hi bang natnate pen Iungno a om hi peuhmah lo hi. Ahi zongin tua bang natnate Jesu bek in damsak thei, lungnop suahtak na pia thei hi.

Zakkhias siahdongte ukpa pen hau mahmah napi'n a lungsim suakta lo ahih manin Jesu tawh kimu dingin hanciam hi. A kimuh uh ciangin Zakkhias in a lungsim sung a om khempeuh Jesu khephungah sungkhia zihziah hi.

Suahtakna ngah bek tham loin Jesu in, "Hih pa in Abraham' tapa ahih manin to ni-in hih inn sungah gupna tung hi" ci hi (Lk.19:9). Biakna makai hihna tawh a kihencip a lunggim khia mahmah Nikode­mas zong a suahtak theih nadingin zan laitakin Jesu kiangah pai hi. Jesu in tuapa nihvei suakkik dingin a gen ciangin a lung­kham semsem hi. Jesu in mihing Tapa urn in, tawntung nuntakna na ngah ding hi. A um lo mite in to-in thukhenna a thuak zo uh hi, ci hi (Jn.3:1-18). Na lungsim suah­takna le gupna na ngah theih nading Jesu urn in. Na suakta taktak ding hi. Khris in hong suaktasak hi (Ga1.5:1). Hallelujah!

C. Pumpi gupkhiatna
Jesu in pumpi zawngkhalte, cina mite damsak dingin leitungah hong pai hi. Leitungah mawhna a lut ciangin sihna le natna in mihingte tungah zuipah lian hi. Jesu leitung ah a om lai-in mite tungah lungdamna thuhilhna (teaching), thugenna (preaching) le cinate damsakna (healing) semkhia hi (Mt. 9:35).

Tua ahih manin gupna sungah kha­lam le lungsimlam gupna bek tham loin pumpi cidamna zong kihel hi. Damlo mite' Jesu kiang a tun uh ciangin Jesu in damsak hi. Jesu singlamteh tungah liamna a thuak­na pen pumpi natna pan dam nading ahi hi (Isa.53:5; 1Pit.2:24). Late sungah "Ka mawhna khempeuh hong maisak a, ka natna khempeuh hong damsak hi" ci hi (Lt.103:4). Hih munch mawhmaisakna le cidamna genthuah hi. Jesu Khris sisan luanna hangin mawhmaisakna kingah a, a liamna hangin natnate panin damna kingah hi. Tua bek tham loin hamsiatna le zawngkhalna pan hong honkhia hi (Ga1.3: 13; 2Kor8:9).

Khangto thei lo dingin hamsiatna, a khangkhang a i tuahkhak hamsiatna panin Jesu in hong honkhia hi. Lungsim nop­sakna le cidamna Jesu sungah om hi. Jesu in tua nate zatang bangin a tuamin hong pia tuan lo hi. Amah ngiat pen hong dam­sakpa hi a, Damna Pasian (Pai.15:26) ahi hi. Nopsakna hi a, Nopsakna Kumpi (Isai.9:6) ahi hi. Tangthu bekin thei loin cidam nadingin na saang inla urn in. Pasian kammal pen khial thei lo hi.

Lungdambawl le Gammial nasepna (Mission)
Lungdambawl pen Pasian in lei­tung ah a Tapa Jesu hong piakna hangin a piang ahi hi. Pasian in khuamial gamsung pan hong honkhia a, (K0/.1:13)a Tapa Jesu a urn mite gupkhiatna le tawntung nun­takna a khawnkhongin hong pia hi (Jn.3: 16; Rom.6:23b; Efe.2:8-9;). Jesu hong suah tak ciangin vantung mite in "Nakpi nuam­na thu kong zasak ding hi. Tuni-in David khua ah Topa Khris ahi hong Gumpa in note adingin a suak zo hi" ci hi (Lk.2:10- 11). Pasian in leitung gammial sungah khuavak tangsak dingin Gumpa Jesu hong sawl hi.

Tua ahih manin gammial nasem a masapen in Pasian hi a, gammial nasepna zong Pasian ahi hi. Khuamial gam sungah dawimangpa hencipna a thuakte adingin Jesu Khris pen 'nuntakna khuavak" ahi hi (Jn.8:12). Jesu in, "Keimah in leitung khuavak ka hi hi" a ci hi (Jn.8:12; 1:4). A urn mite khuamial sungah om nawn loin khuavak sungah a nungta uh hi. Tua ahih Lungdamnathu hangin America gam panin Adoniram Judson in gammial ahi Kawlgam ah hong pai-in a nuntakna hong pia hi. Zomite adingin Arthur Carson in Hakha dong paito vingvengin Lungdam­nathu genin a nuntakna pia hi. J.H. Cope topa in Tedim gam ah Lungdamnathu hong puak bek tham loin Zolai zong hong bawl­sak lai hi. Sangmang Carson le Cope topa in gammial nasepna ah a nuntaknate pia in Hakha ah a luang kiphum hi. Banghang cih leh "Itna" hang bek ahi hi.

Zomite in Lungdamnathu hangin dawimangpa hamsiatna le hencipna pan gupna ngah a, khuavak sungah nungta-in Ieitungbupah kizel thei to hi. Hih thu mangngilh het kei ni. Tu­hun Khristiante in gammial nasepna ah bang piakhia ihihiam? Tua ahih clangin Lungdambawl pen thu urn lo mite tungah Lungdamna Thu tangkona hun hoihpen ahi hi.

Annek tuidawn adingin sum bangzah bei ngam cih sangin khuamial gam sungah a kihencip mihing bangzah tungah gupna bucing, Lungdamnathu tangko thei a, mi bangzah in Jesu Honpa le Topa in sang thei hiam cih thupizaw hi.

Annek tuidawn adingin sum bangzah bei ngam cih sangin khuamial gam sungah a kihencip mihing bangzah tungah gupna bucing, Lungdamnathu tangko thei a, mi bangzah in Jesu Honpa le Topa in sang thei hiam cih thupizaw hi.Nisuahna gam lam panin mipilte in Jesu suahna mun thei loin kumpi Herod a dot uh teh kumpipa in siampite le lai-theite dong hi. Tuate in Jesu pen Judah gam Bethlehem khua ah suak ding, ci-in kamsangte genkholhna gen uh hi (Mt.2:6). Siampi le laitheite in Jesu suah na ding mun thei mahmah napi'n Jesu urn lo uh hi. Jesu sing- lamteh tungah a sih dongnialzen uh hi. Bangzahtakin hehpihhuai hiam? A thu telluat sangin A mi up ding thupizaw hi. Jesu sungah GUPNA BUKIM om hi. Neih ding sawm inla a thei lo mite tungah va gen in. Tua in Lungdambawl taktak hi ding hi.

Rev. San Cung Nung
Soucre:Zomi Daily

Posted in: Tedim Article