ကိုယ်မရောက်ဖူးတဲ့ အရပ်ဒေသမှာ စိတ်အပန်းဖြေရတာ ကြိုက်နှစ်သက်တဲ့ စန္ဒီလတ်

 

မေး -လမကုန်ခင် အစ်မရဲ့ အနုပညာလှုပ်ရှားမှုလေးကို ပြောပြပေးပါဦး။

ဖြေ - အနုပညာလှုပ်ရှားမှုအနေနဲ့ အဓိကကတော့ ပွဲတွေဖိတ်တာ တက်ဖြစ်တယ်။ နယ်ဘက်တွေက ပွဲဖိတ်တာရော၊ တစ်ခြားရောပေါ့နော်။ ဟိုနေ့က ဖိတ်တာတွေလည်း သွားပေးဖြစ်တယ်။ ပြီးတော့ ဒီဘက် ရန်ကုန်ပြန်ရောက်ဖြစ်တဲ့အချိန်ကျတော့လည်း အလှဓာတ်ပုံတွေ ရိုက်တယ်။ ပြီးတော့ စာနယ်ဇင်းမီဒီယာကနေ လိုအပ်တဲ့ ဓာတ်ပုံလေးတွေ ရိုက်ပေးနေတယ်ပေါ့နော်။ သူငယ်ချင်းတစ်ယောက် promotion ပွဲတွေ တက်တယ်။

မေး - အစ်မ နယ်ပွဲတွေ ဖိတ်ရင် ဘယ်လိုပွဲမျိုးတွေ ဖိတ်ကြလဲဟင်။

ဖြေ - နယ်ပွဲတွေက ဘယ်လိုမျိုးတွေဖိတ်ကြလဲဆိုတော့ များသောအားဖြင့် မန္တလေးဆိုလို့ရှိရင် ကိုချန်လုံးက သူ့ရဲ့ Hair & Design ပွဲဆိုရင် ပွဲဖိတ်တော့ ပွဲတက်ပေးတယ်။ ပွဲတက်ပြီးတော့ ကူညီပေးတယ်ပေါ့။

မေး - အစ်မ၊ ဒီကုန်ခဲ့တဲ့ လပိုင်းမှာ ကားရိုက်တာ မရှိသေးဘူးပေါ့နော်။ ရိုက်ပြီးခဲ့တဲ့ (၁၀)ကားနဲ့တင် နားထားတယ်ပေါ့နော်။

ဖြေ - ရိုက်ပြီးတဲ့ကားက လောလောဆယ် (၁၀)ကားတော့ ရှိသွားပြီပေါ့နော်။ ဆက်ရိုက်ဖို့တော့ ရှိပါတယ်။ ပြောထားတာ ရှိတယ်။ လောလောဆယ် ခရီးတွေ သွားဖြစ်နေ တော့လေ ကြားထဲမှာ ခဏရပ်ထားတာပေါ့။ ဓာတ်ပုံတွေ ရိုက်ပေးရင်းနဲ့လေ။

မေး - အစ်မ ခရီးသွားဖြစ်နေတယ်ဆိုတော့ ဘယ်နေရာတွေ သွားဖြစ်နေလဲ။

ဖြေ - ဘယ်နေရာတွေ သွားဖြစ်လဲဆိုတော့ ပြီးခဲ့တဲ့လကုန်နီးလောက်ကတော့ ကျိုးတုံဘက်၊ မန္တလေး၊ ပြင်ဦးလွင်ဘက် သွားဖြစ်တယ်။ ပြီးတော့ ကျိုင်းတုံကနေတဆင့် မိုင်းလားဘက်တွေ သွားဖြစ်တယ်။ ကျိုင်းတုံကတော့ ကမ္ဘောဇဖလားအတွက်ပါ။

မေး - အစ်မ ခရီးသွားဖြစ်လို့ရှိရင် အနုပညာလုပ်ငန်းနဲ့ပတ်သက်ပြီး သွားဖြစ်တာများလား၊ ဒါမှမဟုတ် အပန်းဖြေတဲ့ ပုံစံမျိုး အလည်အပတ်သွားဖြစ်တာ များလား။

ဖြေ - တစ်ခါတစ်လေကျလို့ရှိရင် ပွဲဖိတ်တာတွေက ပေါ့ပါးတယ်လေ။ ပွဲတက်တာလောက်ပဲဆိုတော့ ပေါ့ပါးတဲ့အတွက် အပန်းလည်းဖြေရင်း၊ ပွဲလည်းတက်ရင်း ကိုယ်မမြင် ဖူးတဲ့ အရပ်ဒေသဆိုတော့ စိတ်လည်း အပန်းဖြေရင်း အားလုံးအစုံပေါ့။

မေး - အစ်မ ရှေ့လလောက်မှာ ခရီးသွားဖို့ရှိလား။

ဖြေ - နောက်တစ်ရက်နှစ်ရက်ကျရင်တော့ တောင်ကြီးဖက် ခဏသွားမယ်ပေါ့။

မေး - ဟုတ်ကဲ့ အစ်မ၊ အဲဒါကျတော့ အလည်အပတ်နဲ့ပဲပေါ့နော်။

ဖြေ - ဟုတ်ကဲ့၊ အလည်အပတ်ပါပဲ။

မေး -ခရီးကပြန်လာရင် ဘာတွေလုပ်ဖို့ရှိလဲဟင်။

ဖြေ - ခရီးကပြန်လာရင်တော့ တစ်ချို့မဂ္ဂဇင်းတွေအတွက် cover ရိုက်ပေးဖို့ရှိတယ်။ ပြီတော့ အင်္ကျီ Design တွေ၊ Fashion ကတ်တလော့တွေအတွက် ဓာတ်ပုံရိုက်ပေးဖို့ ရှိတယ်။

မေး - ဟုတ်ကဲ့ အစ်မ၊ ဇာတ်ကားတွေ အနေနဲ့ရော ဘယ်တော့လောက် ပြန်ရိုက်မယ်လို့ သိထားလဲ။

ဖြေ - ဘယ်တော့လောက် ပြန်ရိုက်မလဲဆိုတော့ လောလောဆယ် ခရီးတွေသွားနေတော့ ပြန်လာမှ အေးဆေးပေါ့။

မေး - ခရီးက ပြန်လာမှပဲ ပြန်ရိုက်မယ်ပေါ့။

ဖြေ - ဟုတ်ကဲ့။

မေး - အဲဒါဆို ရှေ့ဆက်ပြီးတော့ ဇာတ်ကားတွေ ရိုက်ဖို့ရှိတယ်ပေါ့နော်။

ဖြေ - ဟုတ်၊ အစ်မကတော့ ဇာတ်ကားတွေ ဆက်ရိုက်ဖို့ရှိတယ်။ အနုပညာအလုပ်တွေမှန်သမျှ အားလုံးကိုတော့ အစ်မက လုပ်သွားမှာပါ။

မေး - ဟုတ်ကဲ့ အစ်မ၊ အဲဒါဆိုရင် စကားလက်ဆောင်လေး ပြောပေးပါဦး။

ဖြေ - စကားလက်ဆောင်ကတော့ ဒီလိုပဲပေါ့။ 2011 အကုန် 2012 အစပိုင်းမှာ ပျော်ပွဲရွှင်ပွဲတွေနဲ့ စခဲ့သလိုမျိုးပေါ့။ တစ်နှစ်ပတ်လုံးလည်း ပျော်ပျော်ရွှင်ရွှင်နဲ့ ၊ အန္တရာယ်ကင်းကင်းနဲ့၊ ဘေးဒုက္ခကင်းကင်းနဲ့ အကုန်လုံးစိတ်ချမ်းမြေ့စွာနဲ့ တစ်နှစ်ပတ်လုံး ပျော်ရွှင်နိုင်ကြပါစေလို့ ဆုတောင်းပေးပါတယ် ကျေးဇူးတင်ပါတယ်ရှင် ...

Posted in: အင်တာဗျူး,အနုပညာ